radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ސަނާގަނޑު
ނ (1) ބޮޑު މާލޫދު ފެށުމުގެ ކުރިން ކިޔާ ބޮޑު ޞަލަވާތާއި ޅެންބައި (2) ކަމެއް ފެށުމުގެ ކުރިން އެކަމެއް ތަޢާރަފު ކުރުމަށް ދައްކާ ވާހަކަކޮޅު
ސަންގައޯގަ
ނ )ޅ ( ނުބައި އިރުވަރު
ސަރުބީ
ނ އިންސާނުންނާއި ޖަނަވާރާއި ދޫނިސޫފާސޫފީގެ ހަށިގަނޑުގައި ހުންނަ ތަފާތު ތެލުގެ އެސިޑް އެކުލެވޭ ބައި ހަކަތަ އުފައްދަނީ މިބައިންނެވެ މިއީ ހަމުގެ އަޑީގައި ދާފަރައަކަށްވެސް އޮންނަ ތެލުގެބައި އެކުލެވޭ ދުއްޔެވެ
ސަރުބީޖެހުން
މ (1) ކާނާގައި ތެލުގެ މާއްދާތައް އިތުރުވުމުން ހަށިގަނޑަށް ބޭނުންވާ ވަރަށްވުރެ ތެލުގެބައި ހަށިގަނޑުގައި އިތުރުވެގެން ލޮކިމަސްޖަހައި ފަލަވުން (2) ސަރުބީ އުފެދުން
ސަރުދާރުކަން
ނއނ (1) އެކިއެކި މަސައްކަތްކުރާ ބައިބައިގެ މަސައްކަތް ކުރުވައި ހެދުމަށް އަމުރުކުރުމާ ބެހޭ ވެރިކަން. (2) އިހުގައި އަވަށު ވެރީންގެ ދަށުން ހިންގަންޖެހޭ އަމުރުތައް ހިންގައި އަވަށުގެ މަސައްކަތްތައް ކުރުވައި ހެދުމާބެހޭ ވެރިކަން
ސައިނަސް
ނ (1) ބޮލާއި މޫނުގެ ކަށިތަކުގެ ތެރޭގައި ހެދިފައިވާ ހޮއި މިބައި ގުޅިފައިވަނީ ނޭފަތާއެވެ (2) ބޮލާއި މޫނުގެ ކަށިތަކުގެ ތެރޭގައި ހެދިފައިވާ ހޮޔަށް ބޮލުގައި ފިނިހިފުމުގެ ސަބަބުން ޖެހޭ ބައްޔެއް
ސައިތާނު
ނ (1) ނުބައިކަން ހައްދު ފަހަނަޅައިފައި ތިބޭ މީހުންނަށް ނުވަތަ ކުދިންނަށް ނިސްބަތް ކުރާ ނަމެއް (2) ޖިންނީންގެ ތެރޭގައި ހިމެނޭ ނުބައި އެއްޗެހި (3) އިބިލީސް
ސައިތާނުހިފުން
މ މީހާގައި ނުބައި ނުލަފާގޮތް އަށަގަތުން
ސައިސަމުސާ
ނ (1) ފަސްމިލިލިޓަރު އެޅޭ ވަރުގެ ނުވަތަ މޭޒުމަތީ ސަމުސަލެއްގެ ތިންބައިކުޅަ އެއްބައި އެޅޭ ވަރުގެ ސަމުސާ (2) ސައި ގިރަން ގެންގުޅޭ ސަމުސާ
ސަޒާ
ނ (1) ދެވޭ ނުވަތަ ލިބޭ އަދަބު (2) ނުބައި ކަމަކަށް ލިބޭ ބަދަލު
ސަޤާފަތް
ނ (1) އިންސާނުން އެކި ބައިބަޔަށް އުޅެމުން އަންނައިރު އެބައެއްގެ ތެރޭގައި ވިސްނުމާ ޚިޔާލާ ވާހަކަ ދެއްކުމާ މަސައްކަތްތެރިކަމާ ކުޅިވަރާ މިޔުޒިކާ ނެށުމާ މި ހުރިހާ ކަމަކާ ގުޅިފައިވާ އާދަކާދަ (2) އިންސާނުން ދިރއުޅޭގޮތް
ސާނިޔާ
ނ ދަގީގެއްގެ ފަސްދޮޅަސް ބައިކުޅަ އެއްބައި
ސާފުމޮހޮރާ
ނ ޖަވާހިރުގެ ތެރޭގައި ހިމެނޭ އެއްޗެއް މިއީ ފަތިކޮށް ކުކުޅުބިސް ބުރަށް ހުންނަ އެއްޗެކެވެ މިއީ ހަރުފަމުތުގެ ވައްތަރެކެވެ ކުލައަކީ ކިސަޑު އަޅިކުލައެވެ ބޮޑުމިނަކީ ގާތްގަނޑަކަށް ބައި އިންޗިއެވެ
ސިނަމާ
ނ ބައިސްކޯފު ދައްކާގެ
ސިރިވަންސަނައޯގަ
ނ (1) ލާބައިގެ އިރުވައި (2) ހެޔޮއިރުވަރެއްގެ ނަން
ސިކަލު
ނ ދެވައިރުގުޅަން ވައިރުގެ ކޮޅުގައި ހަދައިފައި ހުންނަބައި
ސިކުންތު
ނ މިނެޓެއްގެ ފަސްދޮޅަސް ބައިކުޅަ އެއްބައި
ސީރާއެޅުން
މ ރޯމަސް ނުބައިނުވެ ގިނަދުވަހު ހުންނާނެގޮތް ހެދުމަށްޓަކައި ފުށްލޮނު އަޅައިފައި ބެހެއްޓުން
ސީޓު
ނ (1) ކޮންކްރީޓް ތަޅުންގަނޑު. (2) ބިއްލޫރި އާއި އަދި އޮމާން ޓިނާއި ފޮމެކާ ފަދަ އެއްޗެހީގެ ފިލާ ނުވަތަ ތާން. (3) މޮޓޯސައިކަލާއި ކާރުފަދަ އެއްޗެހީގައި އިށީންނަ މަޑި ނުވަތަ ގޮނޑި. (4) މަތިންދާ ބޯޓާއި ބައިސްކޯފުގެ ފަދަ ތަންތަނުގެ ގޮނޑި (5) )ނއ ( ރޮނގުރޮނގަށް ކުރެހުންއެޅި
ސުންޕާވުން
މ (1) މީހެއްގެ ނަސީބު ނުބައިވުން (2) ކަމެއްގެ ސަބަބުން ދެރަގޮތެއް މެދުވެރިވުން