radheef.info
ރަދީފު


ޓ
ނ ތާނައިގެ ވިހިވަނަ އަކުރު
އޮއިތޭންބަރު
ނ (1) ޖަނިރު ރާހީގެ ދިހަވަނަ މަސް (2) އޮކްޓޫބަރ
އޮއްބުން
މ (1) މީހަކުލައްވާ އޮބުވުން (2) ފަތިމެޅުން (3) ކައިރިމެޅުން (4) މަސްހިފާންޖަހާ ދައުފަދަތަކެތީގެ ތިރީކައިރި ބިމުގައި ޖައްސައި ހިފެހެއްޓުން (5) ވަށައިދެމިމަދިރިގެ ފަދަތަކެތީގެ ތިރީކައިރި ގޮދަޑި ދަށަށް ލެއްވުން (6) މަޖާޒު: ވަންހަނާކުރުން (7) ނުފެންނާނޭ ގޮތް ނުވަތަ ނޭގޭނޭގޮތް ހެދުން
އޮފިސަރު
ނ (1) ސަރުކާރުގެ ކޮންމެވެސް ކަމެއް ބަލަހައްޓާން ޙަވާލުވެފައިވާމީހާ (2) ސިފައިންގެ ނުވަތަ ފުލުހުންގެ ވަކިދަރަޖައެއްގެ ވެރިއެއް
އޮފީސް
ނ އެކިއެކި ކަންތައް ހަމަޖައްސައި ބެލެހެއްޓުމުގެ ވެރިތަން މިސާލު: ޕޯސްޓްއޮފީސް އިލެކްޓްރިކް އޮފީސް
އޮތުން
މ (1) ނެތުމުގެ އިދިކޮޅު (2) އޮށޯވެގެންވުން (3) ވެއްޓިފައި ނުވަތަ ބާއްވާފައިވުން (4) މައުޖޫދުވެގެންވުން (5) އެކަށިގެންވުން
އޮލަނބުރޯނު
ނ ރާނާއިރު ފާރުތެދަށް ނެގުމަށްޓަކައި ފާރުގެ ދެކޮޅުގައި އޮލަނބުލައިފައި ޖަހާ ރޯނު
އޮލަނބުދަނޑި
ނ ތަނެއްރާނާއިރު އޮލަނބަށް ތެދުކޮށް ރޭނުމަށްޓަކައި ރޯނުދަމާން ޖަހާ ދަނޑި
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިއަށްލުން
މ އަރުވާލުމަށްޓަކައި ނުވަތަ ކުށްވެރި އެއްގޮތުގައި ފޮނުވާލުމަށްޓަކައި ފުރާދުއްވާ އެއްޗަކަށްލުން
އޮޑިވަޅު
ނ (1) އޮޑިދޯނިފަހަރު ބަނުމަށްޓަކައި ބަހައްޓާތަން (2) އެފަދަ އެއްޗެތި އެހެލައިފައި ބަހައްޓާތަން
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށްހިފުން
މ އެންދަމާ ދަލުގެ އޮޑިދޮށު ކުރެވި އޮއްބާ ހިފެހެއްޓުން
އޮޑިދޮށްލުން
މ އެންދަމާއިރު ދަލުގެ އޮޑިދަށުކުރެވި އޮއްބާ ހިފޭއްޓުން
އޮޑުވުން
މ )ޏ.( (1) އެކަކުގެ ވާހަކަ އަނެކަކުގާތުގައި ނުބައިކޮށް ދެއްކުން. (2) ކުޓުވުން. (3) ވަކިފަރާތަކަށް އެނބުރިގެންހުރެ ހަތަރެސް ފަޔާއި މޫނަށް ވައްތަރު ޖެއްސުން
އޮޓޯސައިކަލް
ނ (1) އިށީނުމަށް އެއްސީޓް ހުންނަ މޮޓޯސައިކަލްގެ ކުދިބާވަތެއް. (2) އިންޖީނުންނާއި ފައިން އަނބުރައިގެންނާއި ދެގޮތަށް ދުއްވެން ހުންނަ ބައިސިކަލް
އޮޕްރެޝަން
ނ ފުރާނައެޅުއްވި އެއްޗެތި އެކިއެކި ބޭނުމަށްޓަކައި ފަޅާފެޅުން ނުވަތަ ކަފާކެފުން