radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ނާށިބަރުވަލި
ނ ބޮޑެތި ބަރަވަލި މިއަށް މިނަން ކިޔުނީ ހުސްއުނބުގެ ތެރެއަށް ވަދެގެން އުޅޭތީއެވެ
ނާށިއުނދުޅި
ނ ކާށީގެ ނާށިން ހަދާއާލަތެއް )މިހުންނަނީ ހިފާތަނުގައި ހިމަދިގު ދަނޑިއެއްލާފައެވެ
ނާށިމަރަވަޅި
ނ ކުދިން ކުޅިވަރަށް ހިނގާން ވާގަނޑެއްގެ ދެކޮޅުގައި ލައިގެން ގެންގުޅޭ ދެނާށި
ނާށިފަތި
ނ ކުރީޒަމާނުގައި އެދުރުގެއަށް ކިޔަވަން ދާކުދިން ކިޔަވަން ނުދާތާ ދުވަސްވުމުން އެކުދިން ގެނެސްގެން އެކުއްޖާގެ އުނަގަނޑުގައި ވާގަނޑެއްޖަހައިގެން ބަންޖެއްކިޔަމުން ކުދިވެރިން ދަމާއިރު ކަރުގައި އަޅަން ލޯނާށިން އަމުނައިފައި އޮންނަ ނާށިފަތި
ނާށިތާރަ
ނ ނާށްޓެއްގެ އަނގަ މަތީގައި ހަންއަޅައި އެހަން ތޮރުފައި ރޮއްޖެއް ލައިގެން އެރޮދީގެއަނެއް ކޮޅުގައި މަޅިއެއް ހަދައިފައި ދަނޑިގަނޑެއްގައި އަޅުވައިގެން އެނބުރީމާ އަޑުގޮވާ އެއްޗެއް
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާށިގަނޑު
ނ (1) އެކިއެކި ބޭނުމަށް ތާހިރުކޮށްގެން ގެންގުޅޭ ނާށި. (2) ކަދޫ ޖަހާމުގުރިފަދަ ތަކެތީގެ ބޭރުން އޮންނަ ހަރުތޮށިގަނޑު (3) އިންސާނާގެ ބޮލުގެ ހަރުތޮށި ގަނޑު (4) މަޖާޒު: އަންހެން ދުޅާކޮށް އުޅޭ ފިރިހެނުން
ނާށިގަނޑު ކުކުޅު
ނ (1) ސީނުކުކުޅު (2) ގިނިކުކުޅު (3) ކަޅުނޫކުލައިގައި ހުދުކުލައިގެ ތިއްތިއް ޖަހައިފައި ހުންނަ ބިންމަތީ އުޅޭ ދޫންޏެއް މީގެ ބުރިކަށިމަތި އޮންނާނީ ތާވައްކާށި ނާށިގަނޑަކާ އެއްބައްޓަމުގައެވެ
ނާށިގަނޑުކަނދި
ނ ކަނދީގެބާވަތެއް. މިއީ ހިއްތަލަފުށް މޮޑެ ވިދުތޮރުފައިފައި ހުންނަ ނާށިގަނޑަކުން ފުށްދަމައިގެން އެފުށް ހިއްކައިފައި އެ އުފުއްޔަށް އަޅައިގެން ކައްކާ ކަންޖެކެވެ
ނާށިގުޑުގުޑާ
ނ ދިގު ނާށިއުނބުން ހަދައިފައި ހުންނަ ގުޑުގުޑާ މިއުނބު ބޭނުން ކުރަނީ ފުޅީގެ ބަދަލުގައެވެ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނާކިއުން
މ (1) ކުދިން ނިންދަވާން ލަވަކިއުން (2) ހަމައެކަނި އަޑުން ރާގުއަޅުވައިލުން
ނާނު
ނ (1) ފާރޮށި އުދުނުގައި ގޮދަން ފުށުން ފިހާ ބޯކިބަލެއްގެ ބައްޓަމަށް އޮންނަ ކަމީރު ރޮއްޓެއް (2) )ސ ( މަހުގެ ހަން ދެމީމާ މަސްގަނޑުގެ ޅިޔަތައް މަތީގައި ހުންނަ ކަޅުކުލައެއްގެ ހިމަ ފަށްތަކެއް
ނާރިގުފާނަ
ނ ފާނައިގެ ބާވަތެއް މިއީ ރާއްޖޭގެ ފަޅުފަރުތަކުގެ ފުން ބޭރުގައި ދިރިއުޅޭ ނާރިނގު ކުލައިގެ ކުޑަ މަހެކެވެ މިމަހުގެ ނިގޫފަތުގެ ފަހަތުބައިގައި ހުރަހަށް ހުދު ނޫކުލައިގެ ހިމަ ރޮނގެއް ހުންނާނެއެވެ
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާރުނަވެޔޮ
ނ ކަނޑޫ ފަލުގައި ހެދޭ ވަލުއެއްތެޔޮ
ނާރުތަކާބެހޭނިޒާމު
ނ ހަށިގަނޑުގެ އެންމެ ހިމަހިމަ ނާރުތަކުން ފެށިގެން ސިކުނޑީގެ ނާރުތަކާއި މައިކަށީގެ މަދާއި ހަރަކާތް ކުރުމަށް މެސެޖުގެނެސް ގެންގޮސްދޭ ހުރިހާ ނާރުތައް ހިމެނޭބައި
ނާރެހި
ނ )ޏ ( ފުއްޓަރު ރަށްރަށުގައި އެއްގަމުން ފެށިގެން ކަނޑުތޮށީން ނުކުމެވޭންދެން އޮޅަށްވުރެ ހިމަކޮށް ހެދިފައި ހުންނަ ރޮނގު ރޮނގު
ނާރެސް
ނ (1) އުޑީގެ އަޑިކިބައިގެ މެދުގައި މަތިކިބަ ހިފެހެއްޓުމަށްޓަކައި ޖަހައިފައި ހުންނަ ދަނޑިގަނޑު (2) ވަށައިގެން އެނބުރޭ އެއްޗެއް ހިފެހެއްޓި އޮތުމަށްޓަކައި މެދުގައި އޮންނަ ކޮންމެ އެއްޗެއް
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ