radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ފުށި
ނ (1) ކުދި ރަށްރަށް. (2) މާރަށްރަށް ފިޔަވާ އެހެނިހެން ރަށްރަށް. (3) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން. މިތަންތާނގައި ކުރެދި ހަލަވެލި ބޯށި މަގޫ ފަދަ ގަސް ހުރެދާނެއެވެ. (4) ގަސް ހެދުން. މަދު އާބާދުވުން ކުޑަ އާމްދަނީ ލިބުން މަދު ރަށްރަށް
ފުށުހިޔާކުރުން
މ އެހިލައިފައި ހުންނަ އޮޑިދޯނިފަހަރުގައި ވަގުތީގޮތުން މަތި ހިޔާކޮށްލުން
ފުށުންޖެހުން
މ (1) އެއްޗެއް މައްޗަށް އޮތް ފަރާތް ދަށަށް ވާނެހެން ހެދުން. (2) އެއްޗެއްގެ އެތެރެއަށް އޮތްފުށް ބޭރަށް ބަދަލުކޮށްލުން. (3) މަޖާޒު: ކަމެއް ރާވައިފައި އޮތްގޮތުގެ އިދިކޮޅަށް ބަދަލުކުރުން. (4) ބަހެއް ނުވަތަ ވާހަކައެއް ދިމާ އިދިކޮޅަށް ބުނުން
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުނޑުފުނޑުއަރުވައިލުން
މ މަޖާޒު: ތަނެއްމުޅިން ހަލާކުކޮށް ސުންނާފަތި ކޮށްލުން
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުނާއެޅުން
މ ފުނަލުން ބޯއޮމާންކުރުން
ފުނޮށި
މ )ސ ( ކަހަނަލައިގެ އަލަގަނޑުގެ ވަށައިގެން މުލުންފައިބާފައި ހުންނަ ކުދިކުދި ގޮބޮޅި
ފުންކުޅައިން
މ )ބދ ( ވަޅުލުން
ފުންމިންބެލުން
މ (1) މުޑުތުލުން (2) އަޑިޔަށްހުރި ވަރުބެލުން
ފުރަދާނަ
ނ އިހުގައި ވަޒީރުންގެ ދަރަޖައިގައި ތިއްބަވާ ބޭކަލުން
ފުރަގަސްދިނުން
މ (1) މީހަކަށް ނުވަތަ އެއްޗަކަށް ބުރަކަށި ދިމާވާގޮތަށް އެނބުރުން (2) މަޖާޒު: ކުރަން ޖެހިފައިވާ ކަމެއް ކޮންމެވެސް ސަބަބަކާއި ހުރެ ނުރުހިގެން ނުކޮށް ދޫކޮށްލުން
ފުރާނަދުއްވައިލުން
މ (1) ފުރާނަވަކިކޮށްލުން (2) ދިރުން ނެއްތައިލުން (3) މަރައިލުން
ފުރާޅުއެރުވުން
މ ފަނުން ހިޔާކުރާ ގޭގޭގެ ފުރާޅު ގެތުމަށްފަހު އެފުރާޅު ފަންލާފައި ނުވަތަ ނުލާ ގޭގެމައްޗަށްލުން
ފުރާތަކުރުން
މ )ބދ ( (1) އެއްޗެއް ތަނަކަށް ގެންގޮސްލުން (2) ރައްދުކުރުން
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުރޭމުކުރުން
މ ފޮޓޯ ފަދަ ތަކެތި ލޮޔަށްލުން
ފުރޮޅުބުރަށްއެނބުރުން
މ މާޗުކުރުމުގައި ސަފުސަފަށް ހިނގާފައިދާއިރު ކަނާތް ފަރާތަށް ނުވަތަ ވާތްފަރާތަށް އެސަފުތައް އެކުގައި ގޯޅި އަޅާގޮތަށް ލަނބާލުން
ފުޅާއުކުން
މ ފުޅާ އެއްލުން