radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
މުރަކަބަދި
ނ ގިނައިން މުރަކަ ހެދިފައިވާ ތަން
މުބާރާތު
ނ ކަމަކަށް ވާދަކުރާ ބައެއް ނުވަތަ ޖަމާޢަތްތަކެއްގެ ތެރެއިން މޮޅު މީހަކު ނުވަތަ މޮޅު ޖަމާޢަތެއް ހޮވުމަށް ރާވާރޭވުން
މުޅަކަށި
ނ ދިރިހުރި އިންސާނެއްގެ ހަށިގަނޑުން ބައްޔެއްގެ ސަބަބުން ނެގޭ މަރުވެފައިވާ ކަށި
މުޅޯ
ނ (1) ދަރުފެޅުމަށާއި ގާފެޅުމަށް ބޭނުންކުރާ އާލަތެއް. މިހުންނާނީ ތިލައެއްގައި ދަނޑިއެއް އިންދައިފައެވެ (2) މަޖާޒު: ބޮޑުނުވާ އަންހެން ކުދީންނަށް ޖިންސީގޮތުން ގެއްލުންދޭ ފިރިހެނާ
މުކި
ނ އިންސާނުންނާއި ޖަނަވާރުގެ ފުރަގަސްފަރާތު ދޮރު
މުއްދު
ނ (1) ދެއަތްގޮށި ޖަހާފައި އެއްފަހަރާ ނެގޭ މިންވަރު. (2) ހިކި ތަކެތި މިނަށް ގެންގުޅޭ ނާޅި ކަހަލަ އެއްޗެއް. (3) ވާޖިބު ބައެއް ކަންތައް ހުއްދަގޮތުގައި ދޫކޮށްލާފައި އޭގެ ބަދަލުގައި ދޭންވާ މިންވަރު. (4) ދީނީ ގޮތުން ކުރުން ހުއްދަނޫން ބައެއް ކަންތައް ކުރެވުމުން ދޭންޖެހޭ ކައްފާރާ )މުއްދެއްގެ މިންވަރު ކަމުގައި މިޒަމާނުގައި ބަލަނީ ހަތަރު މުއްދަކީ އެއް ޞާޢު ޞާޢަކީ ދޭއްޕޮއިންޓް ހަތަރެއް ސުމެއް ސުމެއް ކިލޯކަމަށެވެ
މުއްތަރުއޯގަ
ނ ނަކަތްތެރިކަމުގެ ބަހުރުވައިން ނުބައި އިރުވަރު
މުއްތުކޮޅު
ނ )ހ.( ކާށީގެ ފޫކިބަ ގާނަމުންގޮސް އެންމެ ފުލުގައި ހުނިގޮނޑިތިލައިން ނުގޭނި އޮންނަ ހިސާބު
މުއްސަނދި
ނއ (1) ފައިސާވެރި (2) އަތްމަތި ތަނަވަސް (3) ފޯރާ (4) ތަކެތި ގިނައިން ލިބޭ (5) މަޢުލޫމާތު ތަނަވަސް (6) ޚިޔާލު ތަނަވަސް
މުއްސަނދިވުން
މ (1) ފައިސާވެރިވުން (2) އަތްމަތި ތަނަވަސްވުން (3) މުދާ ނުވަތަ ފައިސާއިން ކެރިފޯރުން (4) ތަކެތި ގިނައިން ލިބުން (5) މަޢުލޫމާތު ތަނަވަސްވުން (6) ޚިޔާލު ތަނަވަސްވުން
މުފަރަދުބޭސް
ނ ދިވެހިބޭހުގެ ބާވަތްތަކުގެ ތެރެއިން އެހެން އެއްޗެއް ބޭނުން ނުކޮށް ހަމައެކަނި އެއެއްޗަކުން ބޭސް ހެދޭއެތި. މިސާލު: އެސްމާ ތަކޫވައް
މުދިންރޮނޑު
ނ ރޮނޑު އައިންދާއިރު ކުރީގައި ހުންނަ ރޮނޑު
މުލައްދަނޑީގެބާރު
ނ މަޖާޒު: (1) ހިތްވަރާއި ޢަޒުމު (2) އަނިޔާއާއި ބޭއިންޞާފު
މުލިހިތެޅުން
މ މަޖާޒު: މުޅި ގައިން މުލިހިނެގުން
މުގުރާން
ނ މަސްވެރި ކަމުގައި އެންމެ ގިނައިން ބޭނުންކުރާ އެމުގެ ބާވަތެއް )މިއީ ބައިބައި ގަނޑަށް އުޅޭއެއްޗެކެވެ ބުރަކަށި މަތީގައި ހުންނާނީ ނޫކުލައެވެ
މުގޯލި
ނ ފައިގެ ފުންނާބު ބިންމަތީގައި ޖައްސައިގެންހުރެ ފުންނާބު މެދަށްލައި ބޮޑުވައި އިނގިލިން ނުވަތަ ފައިތިލައިން ވައްރޮނގެއް އެޅުމުން ފާހަގަކުރެވޭތަން. މުގޯލި ބޭނުންކުރަނީ ތިންމުގޯލި ރަމަންރަމަން ފޯލި އަދި ހަތްއައްތަވާޅީން ގާނެގުން ފަދަ ކުޅިވަރުތަކުގައެވެ
މުގޯލިއެޅުން
މ (1) މުގޯއްޔަކަށް ވާހެން ފައިތިލައިން ރިނގުއެޅުން (2) މަޖާޒު: އެއްހިސާބުގަނޑެއްގައި ގިނައިރުވަންދެން ބުރު ޖަހަޖަހާ ހުރުން
މުސްކުޅިކުރެއްވުން
މ ސަރުކާރުން ޕެންޝަން ދެއްވައިފައި ވަޒީފާއިން ވަކިކުރެއްވުން
މުޑަން
ނ (1) މަސްދޯނި ފަހަރުގައި މަސްބާނަން ގެންގުޅޭ އެންމެ ކުރުދޮށި (2) ތަނުގައި ހިނގާ ހުރިހާ ދެރަކަމެއް މަތިކުރާ މީހާއަށް ނިސްބަތްކޮށް ބުނެއުޅޭ ބަހެއް މިސާލު: މަތިވާނީމުޑަނާއެވެ (3) ގޭގެ ވެރިޔަކަށް އިންނަ އަންހެންމީހާ
މުޑުވައް
ނ (1) ގަސްގަހާގެހި ފެޅުވުމަށްޓަކައި އިންދާއެތި ނުވަތަ އޮށްޓަރު (2) މަޖާޒު: މައިމީހާ ނުވަތަ މައިއެތި