radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ތަށިމުށި
ނ (1) ބަތްކާތައްޓާއި ޖޯޑުފަދަ ތަކެތި ތެޅުނީމާ ހުންނަ އެތިއެތި ކޮޅު (2) ފާރާއި ތަޅުންފަދަ ތަންތާނގައި ތަތްކުރާން ހަދައިފައި ހުންނަ މުށީގެ ހަތަރެސްކަން ފޮތި
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަންހޯދުން
މ (1) ލިޔަންއުޅޭ ނުވަތަ ދައްކަންއުޅޭ ވާހަކައަކަށް މަގުފަހި ކުރުން (2) ކަމެއްގެފެށުން (3) އިސްބަސް (4) ލިޔުމުގެ ފެށުމުގެ ބަސްކޮޅު
ތަންނި
ނ ފަރުމާނުގެ ދަށުގައި އެއްކޮޅުން އަނެއްކޮޅަށް އެލުވައިފައިއޮންނަ ވައިރު މިއީ ރިޔާ ބަންނަން އަރައި އުޅުމަށްޓަކައި ބޭނުންކުރާ ވައިރެކެވެ
ތަންކެޑެ
ނ )ޏ ( ތަންކޮޅު
ތަންތަންކޮޅު
ނ (1) އެކިއެކި އެއްޗެހީގެ އެތިއެތިކޮޅު (2) ބައިބައި (3) ހިސާބު ހިސާބު
ތަންޑަވާރު
ނ )ގ ( ހަތަރެސްކަން ރިޔަލުގެ ދެކޮޅުގައި އެނގަލައްވަން ހަރުކޮށްފައި އޮންނަ ކައްޕި
ތަންޑުވަޅު
ނ ތަންޑުއަޅުވާއިރު ތަންޑުގެ ކޮޅުވައްދަން ހަދައިފައި ހުންނަ ލޯވަޅު
ތަރައްޕަން
ނ އުޅަނދު ބާލާއިރު މޫދަށްލާ ކަނދުތައް މިކަނދުތައް ހުންނާނީ ވަކިވަކިވެގެން ނުދާގޮތަށް ދެކޮޅުގައި ވަކަރު އަޅައި ބަނދެފައެވެ
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަކަރަލާ
ނ ބޭހަށް ބޭނުންކުރާ އެއްޗެއް މިހުންނަނީ ކުދިކުދި ދަނޑިކޮޅުތަކެއްހެންނެވެ
ތަކަފިލޯށި
ނ ބޮޑުބަޑީގެ ނިވާލިގަނޑު ނެރެންގެންގުޅޭ އެއްޗެއް މިހުންނާނީ ބަޑީގެ ތެރެއަށް ވައްދައި އެނބުރޭވަރުގެ ދޫކޮށް އޮންނަ ދަނޑިއެއްގެ ކޮޅުގައި އެނބުރިފައި އޮންނަ ނަރުގަނޑެއްލައިފައެވެ
ތައު
ނ މަސްދޯނިފަހަރުގެ ކުނބުންފެށިގެން ދިރުނބާކޮޅުގައި ހަފޮޅުގެ ތިރީކައިރިޔާ ހަމައަށް އަޅައިފައިވާ ހުރަސްތަކުގެމަތިން ދިގަށް އަޅައިފައި އޮންނަދެފަތް
ތައްޔަށްނެގުން
މ ވިހައިގެން އުޅޭމީހުން އެކޮޅުކޮޅުން ނެގުން
ތަވައްރުކަށްއިނުން
މ ކަނާތުފައިގެ އިނގިލިތަކުގެ ބަނޑުފުށް އިށީނދެ އިންނަތާނގައި ޖައްސައިގެން ވާތުފައިގެ ކުރީކޮޅު ކަނާތުފައިގެ ދަށުން ނެރެގެން ވާތުފައިގެ މާކަޅުވާ މަހުގެމައްޗަށް ބުރަވެއިނުން
ތަލަފުއްތުނޑު
ނ މައްޔަލުގައި ޖެއްސުމަށްޓަކައި މަޑުލުގެ ކޮޅުން ކަނޑައިލާތަން
ތަލި
ނ (1) އަނގައިގެ އެތެރޭގެ މަތީފަރާތާއި ދަށްފަރާތް (2) މަޑޫތަކުގެކޮޅު ޖައްސަން އޮޑިދޯނިފަހަރުގެ މައްޔަލުން ފަށްނަގައިފައި ހުންނަބައި (3) އަންހެނާގެ ރަޙިމް (4) ލަވަހޮޅި ޖަހާއެއްޗެހީގެ ހޮޅިގަނޑުގައި ޖެހެންހުންނަ ކަށިހުންނަބައި
ތަލިނެގުން
މ އޮޑިދޯނިފަހަރު ބަނުމުގައި މަޑުލުގެ ކޮޅު މައްޔަލާ ގުޅުވުމަށް މައްޔަލުން ނަގާ ފަށްނެގުން
ތަލީގައިޖެހޭވަރުވެސްނުވި
މަޖާޒު: ކާންލިބުނު އެތިކޮޅުކުޑަކަމުން ބުނެއުޅޭބަހެއް މިބަސް ކުޑަދުލާ ހަމަޔަށްވެސް ނުފޯރި ނުވަތަ ތަލީގައި ހޭކިލާވަރުވެސްނުވި މިގޮތްގޮތަށްވެސް ބޭނުންކޮށްއުޅެއެވެ