radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
މައިބުރިކަށި
ނ ބޮނބިފަޅި ކަށިތަކުގެ ތިރިންފެށިގެން ޅިނދުކަށްޓާ ދެމެދު
މައިކު
ނ އަޑުތައް އިލެކްޓްރިކް ސިގްނަލްތަކަކަށް ބަދަލުކޮށްދޭ އާލަތެއް ގިނަފަހަރަށް މިބޭނުން ކުރަނީ އަޑު ދުރަށް ފޮނުވުމަށާއި އަޑުތައް ރެކޯޑު ކުރުމަށެވެ
މައިފިއްލުން
މ (1) ކުކުޅު ހަލުގެ ޅައެއްޗެހި ވަކި ވަރަކަށް ބޮޑެތިވުމުން މައި އެއްޗާއި ދުރުކޮށްލުން މަޖާޒު: (2) ދަރިން ވަކި ވަރަކަށް ބޮޑެތިވުމުން މައިއެއްޗާއި ދުރުކޮށްލުން (3) ކުދިން ވަކި ވަރަކަށް ބޮޑުވެ އަމިއްލައަށް އުޅެވޭ ވަރުވުން
މައިދާ
ނ ބަނޑުގައި ކަނާތްފަރާތުގައި ހިސާބަކަށް މޭގަނޑުގެ ދަށުގައި އޮންނަ ކޮތަޅެއް މިއީ ކާއެއްޗެހި ހަޖަމްކުރުމުގެ މަސައްކަތްކުރާ ގުނަވަނެކެވެ މިގުނަވަނަކީ މައިކަށި ހުންނަހުރިހާ ޙައިވާނެއްގައިވެސް އޮންނަ ގުނަވަނެކެވެ
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މައިތިރިވުން
މ (1) ހަމައިން ނެއްޓިގެން އުޅޭ ބަޔަކު ހަމަޔަކަށް އެޅުން (2) ހަރުކަށިކަން ކުޑަވުން (3) ބައްޔެއް އެހުރި ދަރަޖައަށްވުރެ ލުއިވުން (4) ކުރާގަދަ ވިއްސާރައެއް މަޑުވާގޮތްވުން (5) ރޯގާއެއްގެ ބާރުކެނޑުން
މައިލަގޮނޑިޔަށްކެތްނުވުން
މަޖާޒު: ދަރިޔަކަށް ކިތަންމެ ކުޑަވެސް ދެރަޔެއްލިބޭ ހިނދަކު މައިމީހާއަށް ލިބޭވޭން
މައިޒާން
ނ ހުސްވަގުތުގައި. މީހުން ހިތްފަސޭހަކުރުމަށާއި މަޖާވާހަކަ ދައްކައި ޚިޔާލު ބަދަލު ކުރުމަށް ހަދާފައި ހުންނަތަނެއް. މިކަހަލަ ތަންތަން ހަދާފައި ހުންނާނީ ހުސް ތަންތަނުގައި ހިޔާބޮޑެތި ގަސްގަސް ދޮށުގައްޔާއި ހިޔާ ލިބޭ ތަންތާގައެވެ ރުއްވަކަރާއި ކަށިކެޔޮ ހޮޅުން އަށިހަދައިގެންނެވެ ފަހަކަށް އައިސް ރާނާއި ސިމެންތި ޖަހައިގެންވެސް މައިޒާން ހަދާ އުޅުނެވެ
މައްވުން
މ (1) އާދައިގެ މީހަކަށްވުން (2) )ސ ( ޅީވުން
މައްދުކުރުން
މ މައްދަށް ދެމުން )ޤުރްއާން ކިޔަވާއިރު އެއަކުރު ކިޔުމުގައި އިތުރު ޙަރަކާތަކަށް ދެމުން
މަދަންއެޅުން
މ (1) އޮޑިދޯނި ފަހަރުގެ ހިންމިތަކުގައި މަދަން އަޅައި ބެއްދުން (2) މަޖާޒު: ބާރު ނާންނަ ޒަކަރެއް އިނގިލިން ކޮއްޕައި ފަރުޖަކަށް ވެއްދުން
މަދަދު
ނ (1) އެހީ (2) ކަމަކަށްދޭވާގި (3) ކަމަކަށް އަޅާބާރު (4) އަޅައިލާ އަޅައިލުން
މަދުބެދުން
މ (1) ވަކިވަރަކަށް ހަރުނުވާއިރު ހޮއި އޮންނަމޭވާ ހޮއިބެދޭ ވަރަށް ހަރުވުން މިސާލު: ކެޔޮގަނޑު ބެދޭ ވަރަށް ހަރުވުން (2) އޮށުގެ ޖާގަ ފުރޭވަރަށް މޭވާ ހަރުވުން
މަދުމަދުން
ކއ (1) ހިސާބަކަށް (2) އެތިއެތިފޮދުން (3) އެތިއެތިކޮޅުން
މަތަވުން
މ (1) އައިސް އައިސް ހުރި އެއްޗެއް ހުއްޓުވާލެވުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ހަމަޔަކަށް އަޅުވާ ލެވުން
މަތާ
ނ ބަރު އެއްޗެއް ހިއްލައިލުމަށް ނުވަތަ ފަސޭހައިން ދުރުކޮށްނުލެވޭ ކަހަލަ ގޮތަކަށް ހުރި ދޭތެރެއެއް ދުރުކޮށްލުން ފަދަ ކަންތަކުގައި ބޭނުން ކުރާ އެތި
މަތާލުން
ނ (1) ތަނަކަށް ފެތިބާރުވެފައިވާ އެއްޗެއް އެހެން އެއްޗެއްގެ ބާރުން ފޭކުރަން ހިފުން (2) އެއްޗެއް ހިއްލުމަށް މަތާއަޅާއިރު އޮބާ އޮބުން
މަތިފަޑިމައްޗަށްއެރުން
މ (1) އޮޑިދޯނިފަހަރުގެ މަތިކިބައިގެ ފަޑި ނުވަތަ މަތިކަން މައްޗަށް އެރުން (2) މަޖާޒު: ކަމެއް ހިނގަމުންދާއިރު އެކަމުގައި ބައިވެރިވާންޖެހޭ މީހަކު ކުޅިބަލާ މީހެއްގެ ގޮތުގައި ކަމުގައި ބައިވެރިނުވެ ހުރުން (3) ކަމެއްގައި ބައިވެރިވެ އުޅެފައި އެކަމެއް ގޯސްވާގޮތްވުމުން އެކަމުގާ ނޫޅޭ މީހަކަށް ހެދިގެން ދުރުގައި ހުރުން
މަތިތަޅާލުން
މ މަޖާޒު: (1) ބަޔަކު ކަމެއް ކުރުމަށް ރާވައިފައި ވަނިކޮށް އެކަމަކަށް ގަސްދުކޮށްފައިވާ ވަގުތުގެ ކުރިން އޭގެ ތެރެއިން އެކަކު ނުވަތަ އެކަން ދެނަހުރި އެހެން މީހަކު އެވާހަކަ ދެއްކުން (2) ކަމަކަށް ދޭންވާ ސަމާލުކަން ނުދީ މަތިމަތީން އެކަމެއް ކޮށްލުން
މަލަރުކުރުން
މ އިއްޔެއްހެން ހަދައިފައިވާ ވިރިކެކޭ އެއްޗެއް ދެއެއްޗެއް ގުޅުވުމަށްޓަކައި އެއްކޮށް ތޮރުފާފައިވާ ލޯވަޅަކަށް ޖަހައި ދެކޮޅުން ނުވަތަ އެއްކޮޅުންތަޅައި ބާރުކުރުން އެއްކޮޅުންތަޅާ ބާރުކުރާއިރު އަނެއްކޮޅުގައި ބޯހުންނާނެވެ