radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ގެމަ
ނ (1) ބައިބައި (2) ޖަމާއަތް ޖަމާއަތް (3) ހިޖުރަ (4) ދޭއާދަ )ސަރުކާރު ޢިއްޒަތްތެރިން ވަޑައިގަންނަވާ އުޅަނދު ފަހަރަށް ދޭއާދަ
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ގޮށްފަތި
ނ ގަމީހާއި ލިބާސްފަދަ އެއްޗެހީގެ ގޮށް ހަރުކުރުމަށާއި ގޮށްވަޅު ހެދުމަށް މަޅައިފައި ހުންނަބައި
ގޮނޑި
ނ (1) އިށީނުމަށް ހަދައިފައި ހުންނަ އެއްޗެއް މި ތަފާތު އެއްޗެހިން ތަފާތު ވައްތަރު ވައްތަރަށް ހަދައިފައި ހުރެއެވެ (2) ބިއްސާއި އޮށާޅަ އާއި މުލިހި ފަދަ އެއްޗެހީގެ އަޑީގައި އުފެދިފައި ހުންނަ ހަރުބައި (3) ބައެއްކަހަލަ ގަސްގަހާގެހީގެ މައިމުލާ ގުޅުވައިގެން ބިމުގެ ތެރެޔަށް ފައިބާ ބައި މިސާލު: )ހ( މުރަނގަ ގޮނޑި )ށ( ފަޅޯ ގޮނޑި )ނ( މުޅާ ގޮނޑި (4) ބަނޑުއަޅައި ވިހާ ތަކެތީގެ އުރަމަތީގައި އުފެދިފައި ހުންނަ ހަރުބައި
ގޮނޑިގާ
ނ މަހާނަގާ އިންދަން ހަދައިފައި ހުންނަބައި މަހާނައިގައި ގާޖަހާއިރު މިބައި ހުންނަނީ ފަސްގަނޑުގެ ތެރޭގައި ވަޅުލައިފައެވެ
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮބު
ނ (1) މިދިލިގަހުގައި އަޅާވައް (2) ބައެއް އެއްޗެހީގެ ކޮޅުގައި ހަރުކޮށްފައި ހުންނަ ތަން މިސާލު: ދިދަދަނޑީގެ ކުރީގައި ހަރުކޮށްފައި ހުންނަ ގޮބު (3) ތަޅުފަދަ އެއްޗެހީގައި ހިފަން ހުންނަ ބައި (4) އަލަމާރި ވަތްގަނޑު ފަދަ އެއްޗެހި ހުޅުވާއިރު ހިފުމަށް ވަށްކޮށް ހަދައިފައި ހުންނަ ބައި
ގޮބޮޅި
ނ (1) ދިވެހި ރުކުގައި ގަންނަ ތަކެތީގެ ތެރެއިން މިރިއަށްވުރެ ޅައެއްޗެހި (2) ލޮލުގެ ހުދުކަޅިއާއި ކަޅުކަޅި އެކުލެވިގެން ވަށްކޮށް އޮންނަބައި (3) ބިހުގެ އެތެރޭގައިވާ ރީނދޫބައި
ގޮޅި
ނ ހަތަރެސްކަނަށް ބައިކޮށްފައި ހުންނަ ތަނެއްގެ ނުވަތަ އެއްޗެއްގެ ބައިތަކުންކުރެ ބައެއް
ގޮއި
ނ (1) ގޮއިބައި (2) ގޮއިބިން
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއިގެ
ނ ގޮޔަށްވާބައި ނެގުމަށް ހުންނަގެ
ގޮއިޖެހުން
މ ރަށެއްގައި ނުވަތަ ހިންނައެއްގައި ދަނޑުވެރިކަމެއް ކޮށްފައި އޮއްވައި އެދަނޑުން ގޮވާން ކެނޑުމުގެ ކުރިން "ގޮއިވެރިޔަކު" އައިސްދަނޑުގައި ފާހަގައެއްޖެހުން އޭގެފަހުން ދަނޑުން ގޮވާން ކަނޑައި ހަދާނީ ގޮއިވެރިޔަކަށް ގޮއިބަޔަށްދޭންވާ ބައިދީފައެވެ
ގޯސް
ނއ (1) ނުރަނގަޅު (2) ވިޔާނުދާ (3) ކަމުނުދާ (4) ނުބައި
ގޯސްހެދުން
މ (1) ނުރަނގަޅު ކަންތައް ކުރުން (2) ވިޔާނުދާ ކަންތައް ކުރުން (3) ނުބައިކަންތައް ކުރުން (4) ކަމުނުދާ ކަންތައް ކުރުން
ގޯސްކަން
ނއނ (1) ނުރަނގަޅުކަން (2) ވިޔާނުދާކަން (3) ކަމުނުދާކަން (4) ނުބައިކަން
ގޯސްކުރުން
މ (1) ކަމުނުދުއްވުން (2) ނުބައިކުރުން
ގޯސްވުން
މ (1) ނުރަނގަޅުވުން (2) ވިޔާނުދާވުން (3) ކަމުނުދިއުން (4) ނުބައިވުން
ގޯސްމަތިންލުން
މ ކަމެއް މާބޮޑަށް ނުބައިވުން