radheef.info
ރަދީފު


ޓ
ނ ތާނައިގެ ވިހިވަނަ އަކުރު
އޭތްއޯތްގޮވުން
މ ކުޑަކޮށް ރައްޓެހިކަން ހުރުން
އޭޑިފޭޑި
ނ އުޅުމުގެ ވައްޓަފާޅި
އޮށަނި
ނ ބޭރުގައި އުންފަޅައިފައި ހުންނަ ތޮށިބޯ އޮށްފަތި ރާގުންޑާ ބައްޓަމުގެ ވަކެއް މިއީ ވަރަށްބޮޑަށް އަމަލުވާ އެއްޗެކެވެ މީގެ ގަސް ހުންނާނީ ބަށިގަސް ފާޑަށެވެ
އޮށިފުޅަފުގައި ދޮރޯށި ލުން
)މިސާލުބަހެއް( ތިމާޔާ އެކަށީގެންނުވާހައި މޮޅަށް ކަމެއް ބެހެއްޓީމާ ދީއުޅޭ މިސާލެއް
އޮށިގަނޑު
ނ (1) މައްޔިތާ ސަންދޯކުނާޅާ ވަޅުލަންޏާ ޤަބުރުސްތާނަށް ގެނދާން އޮށީން ބަނދެގެން ގެންގުޅޭ އެއްޗެއް. (2) ބަލިމީހުން އެއްތަނުން އަނެއް ތަނަށް ގެންދާން ދެދަނޑީގައި ފޮތިޖަހައިގެން ނުވަތަ ފީތާ ފުރައިގެން ހަދައިފައި އޮންނައެއްޗެއް. (3) ބައިސްކަލު ފަހަތުގައި އެއްޗެތިބަހައްޓާން ހުންނަ ޖާލީގަނޑެއް. (4) ވެޔޮއެރުވުމާއި ތަވާބަންޑުން ޖެހުމާއި އަދި މިނޫނަސް އެކިއެކި ބޭނުމުގައި ޖާލީހެއް ބަނދެފައި ހުންނަ އެއްޗެތި
އޮށް
ނ (1) އޮށްޓަރު (2) ބައެއްގަސްގަހުގައި އަޅާވައް (3) ގަސްގަހުގެ ވަކުގެ ތެރޭގައި ހުންނަ އޮށްޓަރު (4) ބިއްލޫރިއާއި ލަކުޑިފަދަ އެއްޗެތީން ހަދައިފައި ހުންނަ ކުދިގުޅަ (5) ލޮލު ތެރޭގައި އޮންނަ ހުދުގުޅަ (6) އުރަވަޅީތެރޭ ހަރުކޮށް އޮންނަ ދެގުޅަ (7) ޖަމަލު
އޮށްވަޅުގޮނޑި
ނ އޮށްވަޅު ކުޅޭން ހަދާފައި ހުންނަގޮނޑި މިހުންނަނީ ހަތަރުފަސް ހިންޗީގެ ފުޅައުމިނުގައި ގާތްގަނޑަކަށް ދެތިންފޫޓެއްގެ ދިގުމިނުގައެވެ
އޮށްގެންފައި ފޯދުން
)މިސާލުބަހެއް( ސަބަބުތަކަކުން ކަމެއްވާނޭގޮތް މެދުވެރި ކުރުމާއިއެކު އެކަމެއް ވާނެއޭ ހީވެފައި ވަނިކޮށް ކުއްލިއަކަށް ހުއްޓުނީމާ ދޭމިސާލެއް
އޮރި
ނ (1) ގަދަ ނުބައި ވަހެއް ހުންނަ މަސްމީރު ކުޑަވަރެއްގެ ފަޅުމަހެއް މީގައި ވަރަށް ވިހަގަދަކަށްޓެއް ހުރެއެވެ (2) ނއ ފަތިއެއްޗެއްގެ ދެކޮޅު ދެއަތަށް އެނބުރިފައިވާ
އޮބައިގަތުން
މ (1) ބާރަށް އޮބުން (2) އެއްޗެއްދިޔަނުދީ ހިފެހެއްޓުން (3) ގޮސްގޮސް އޮތްއެއްޗެއް އަތުލައިގަތުން (4) ފުރާދުއްވާ އެއްޗެތި ދުއްވާއިރު ގަދަވެގެން ގޮސް ދިރުނބާކޮޅު އަޑިއަށްދިޔުން (5) މަޖާޒު: މާބޮޑަށް ބަލިވުން
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮބިއެޅުން
މ (1) ތެޔޮފެލާއިރު އޮބީން ފިއްތުން (2) ފަންޖަހާ ބިތުގެފަންތައްއޮއްބައި ހިފަހައްޓާން ފަތިގަނޑެއް ނުވަތަ ދަނޑިގަނޑެއްއެޅުން
އޮބިއޮތުން
މ (1) ހިފެހެއްޓިފައިއޮތުން (2) ހަމަޖެހިފައި އޮތުން
އޮބުން
މ (1) އެއްޗެއް އެއްޗެއްގައި ޖައްސައި ބާރުކުރުން (2) ފިއްތުން މިސާލު: މެޓާއޮބުން އިނގިލިންއޮބުން (3) ދުރަށް ދަމުންގޮސް ލޮލަށް ނުފެނުން
އޮބެހެއްޓުން
މ (1) ހިފެހެއްޓުން (2) އިންތިޒާމު ހަމަޖެއްސުން (3) ކަމެއް އެގޮތް މިގޮތްވެގެން ދިޔަނުދިނުން
އޮޅިފޭލި
ނ ރޯލަށް އޮޅައިފައި ހުންނަ ދެފުށް ދެކަހަލަ ސާޓަނެއް
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުން
މ (1) އެއްޗެއްގެ އަސްލުނޭގޭ ގޮތްވުން. (2) ކަމެއްނުފިލާގޮތްވުން. (3) ނަނު ބަރަނިފަދަ ތަކެތި ލާމެހިގެންގޮސް ފިލުވަން އުނދަގޫވާގޮތްވުން. (4) ފިރޯއްޓަށް ބަރަނިއުއި ފަދަތެކެތިވެށުން. (5) ދަނޑިފަނޑަކަށް ނަނު ވެށުން. (6) ބުއްދި ޙައިރާންވުން. (7) ކަންކުރާންވީގޮތް ނޫން އެހެން ގޮތަކަށް ނޭނގިގެން ކުރެވުން
އޮޅުދޫކައްޓަލަ
ނ އާދައިގެ ކައްޓަލަ
އޮއިކުރުން
މ (1) އެއްޗެއް މޫދުގައި ބަހައްޓައިގެން މޫދުގެ އަސަރު އެއެއްޗެއްގައި ހިއްޕުން (2) ކާއްޓެއްގެ ލޯތޮރުފައި ފެންހުސްކޮށް އެއަށްމޫދުލޮނު އަޅައި އުނގުރި ޖަހައިފައި އުނދުނު ފުއްޑަނުގައި ބެހެއްޓުން