radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ކަޅުމިޔާނގު
ނ (1) މީގޮނުގެ ކަޅުކުލައިގައި ހުންނަ ދަޅު (2) މިޔާނގު
ކަޅުމީހުން
ނ (1) ގައިކުލަ ކަޅުމީހުން (2) މަޖާޒު: ޔޫރަޕް ނޫންތަންތާނގެ މީހުން
ކަކާރަ
ނ ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ހަދާގޮތެއް
ކަކާރަނެގުން
މ (1) ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ވަކިގޮތެއް ހެދުން (2) މަޖާޒު: ތަނެއްގައި އެނބުރި އެނބުރިފައި ހިނގަ ހިނގައިފައި އުޅެގަތުން
ކަކާބޭކަލުން
ނ (1) ގަނޑުވަރުތެރޭ ފިރިހެން ބޭފުޅުންގެ އަރިހުބޭކަލުންގެ ތެރެއިން އެންމެ އަރިހަށް ތިބޭ މީހުން. ފަރިއްކޮޅު ބަހައްޓައި ރޭކޮށް ހަދަނީވެސް އެމީހުންނެވެ (2) ޚައްދާމު ބޭކަލުން
ކަކާތަށްއެރުން
މ ގުޅަމަތި ހިފުމުގައި މަޑިޔަށް ޖެހިގެން އޮވެ އަނެއްމީހާގެ އަރިމައްޗަށް އެރުން
ކަކާތުއުކުޅު
ނ ހިފުމުގެ އުކުޅެއް ގުޅަމަތި ހިފުމުގައި މަޑިޔަށް ޖެހިގެން އޮވެ އަނެއްމީހާގެ ކިހިލިފަތް ދޮށަށްލާ ހިފެހެއްޓުން
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
)މުސްކުޅިބަހެއް( ކިތަންމެގާތް މީހެއްގެ ގާތުގައި ސިއްރެއް ބުންޏަސް އެސިއްރު ބޭޒާރުވެދާނެކަން އެންގުމަށް ބުނާބަހެއް ކަކޫގާތުގާ ބުނާވާހަކަވެސް ސިއްރެއްނުވާނެއެވެ
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައިތުވައްބަޑި
ނ އަތުން ހިފައިގެން އުޅޭ ބޭސް އަޅައިގެން ދޯރިޖަހައިގެން ގޮއްވާ ބަޑިއެއް މިއީ އިހުގައި ކޮށީމީހުން ގެންގުޅުނު ބަޑިއެކެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްކޮޅު
ނ (1) ބާވެ ގިނަ ދުވަސްވެފައި ހުންނަ ފޭރާމާއި ފޮތްފަދަ ތަކެތި (2) މަޖާޒު: މާބޮޑަށް މުސްކުޅިވައްތަރުޖަހާ މީހާ
ކައްދިން ހިސާބު
ނ (1) މީހެއްގެ އިޚްތިޔާރުގައިވާ އިން (2) ގޯއްޗާބެހޭ ހިސާބުގެ އިން (3) މީހާގެ ހުކުން ހިނގާ ހިސާބުގެ އިން
ކައްތިރިއެޅުން
މ (1) ކުޅިޖެހުމުގައި ފައިން ވަކިގޮތެއް ހެދުން. (2) ބައެއް މީހުން ކުޑަކަމުދެވިދާނެތީ ހިފެހެއްޓުން ފަދަ ކޮންމެވެސް ބޭނުމަކަށްޓަކައި ދެފައި ހުރަސްކުރުން
ކައްޓަލަ
ނ ފަލަމަޑީގެ ބާވަތެއް މިއީ ބިމުގައި ދުވަމުން ހެދޭ ވެލެއްގެ ގޮނޑިއެކެވެ މިގޮނޑި ފައިބަނީ ފަތުބުޑުންނެވެ މީގެ ބާވަތްތައް ވަރަށް ގިނައެވެ
ކައްޕިތާނު
ނ ވައިގެތެރޭގައި ނުވަތަ ކަނޑުގައި ދަތުރުކުރާ އުޅަނދުފަހަރުގައި ދަތުރާބެހޭގޮތުން ހުންނަ އެންމެ އިސްމީހާ
ކައްޗަރު
ނ ތަފާތު ދެނަސްލެއް ގުޅިގެން ލިބޭދަރި މިސާލު: ޔޫރަޕް މީހުން އެތެރެ ވަރީގެ މީހުންނާ އިނދެގެން ލިބޭދަރި
ކައްޗާއެޅުން
މ (1) އެއްލައިފައި އޮންނަ ގުޑިއާއި މަޑިފަދަ ތަކެތި ކައްޗާދުވާން އަރިވުން (2) މަޖާޒު: މީހާ ހުންނަގޮތަށް ނުހުރެ އެކި އަތްއަތަށް ދިއުން