radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ދެފަށްހުޅި
ނ ހުޅިޖަހާއިރު އިސްތަށިގަނޑު އޮޅައިލުމަށް ފޮތިން ހަދައިފައި އޮންނަ އެއްޗެއް މިއީ ގާތްގަނޑަކަށް ހަތަރު އިންޗި ފުޅާމިނުގެ ހަނިދިގު ފޮތިކޮޅެއް ބާރަށް އޮޅައިލައިގެން ހަދައިފައި އޮންނަ އެއްޗެކެވެ މިގޮތަށް ހުޅިޖަހަނީ އިސްތަށިގަނޑު ކުރުވީމައެވެ
ދޭފަތްދޫނި
ނ ތުންގަނޑު އަށްއިންޗިވަރަށް ދިގުކޮށް ތުނިކޮށް ފަތިކޮށް ކޮޅުވަށްކޮށް ހުންނަ ގޮނޑުދޮށު ދޫންޏެއް މިއީ އިރުވާހުދާ ވައްތަރު އެއަށްވުރެ ބޮޑު ދޫންޏެކެވެ މިދޫނީގެ ސިފަ ވައްތަރުވާނީ އިރުވާ ހުދާއެވެ
ދޭދަރު
ނ މޫދުގައި ހުންނަ ގަލުގައި ހިމަކޮށް ހެދޭ ރަތްކުލައާއި ރީނދޫ ކުލައިގެ އެއްޗެއް މިއީ ބޭހަށް ބޭނުންކުރާ އެއްޗެއް
ދޮށިމޭނާ
ނ (1) ކޮލީނަމެއް )ދޮށިމޭނާކަން ބަލާ( (2) ދިފާއީ ކަންތައްތަކާ ބެހޭ ގޮތުން އިހުގައި ހުންނަވާ ވަޒީރު
ދޮނަޅަ
ނ ފަތްދިގު އެއްތަނޑަށް ހެދޭގަހެއްގައި އަންނަ ކުރާގަނޑެއްގައި ހުންނަ ފުއްތަކެއް މީގެފުއްތައް ހުންނާނީ ބޮޑު ސާގުފުކެއް ވަރަށެވެ މިއީ ގޮވާމުގެ ބާވަތެކެވެ
ދޮންހޮނޑެލި
ނ އެމުގެ ބާވަތެއް މިއީ ހޮނޑެލީގެ ތެރޭގައި އުޅޭ ރޮނގު ނުހުންނަ ހޮނޑެއްޔެވެ
ދޮންނޫފާނަ
ނ ފާނައިގެ ބާވަތެއް މިމަހުގެ ނިގޫފަތާއި ކޮތަރިބައިތަކާއި ކަންފަތުގެ ކުލަ ރީނދޫ ވާނެއެވެ މަހުގެ ކުލައަކީ ގަދަނޫކުލައެވެ މިއީ ފާނައިގެ ބާވަތްތަކުގެ ތެރޭގައި ހިމެނޭ އެންމެ ދިހުންކުލަ ގަދަމަހެވެ މިމަހަކީ ވަރަށް މީރުމަހެކެވެ
ދޮންބުރެކި
ނ ދިރޭއެމުގެ ގޮތުގައި މަސްބޭނުމަށް ބޭނުންކޮށްއުޅޭ މަހެއް މިއީ ރަށްރަށާއި ފަރުފަރުގެ ބޭރުމަތީގެ މުރަކަތަކުގެ ކައިރީގައި ކުދިއައިން ހަދައިގެން ބައިބަޔަށްއުޅޭ މަހެކެވެ މިމަހުގެ ނަގޫފަތް ހުންނަނީ ވަރަށްބޮޑަށް ދެކަފިވެފައެވެ މަހުގެ މަތީބައިގެ ކުލައަކީ ފިޔާތޮށިކުލައެވެ އަރިމައްޗާއި ބަނޑުދޮށުގެ ކުލައަކީ ރީނދޫކުލައެވެ
ދޮންބޮލާ
ނ ފަރުމަހެއް މިއީ ފޮނިޔަމަހަށްވުރެ ހިމަދިގުކޮށް ހުންނަ މަހެކެވެ
ދޮންއަނގަ
ނ ފޫއެނބުރީގެ ބާވަތެއް މިއީ ރަތްކުލައިގެ ލައްތަކެއްޖަހައިފައި ހުންނަ ހުދުކުލައިގެ ބޮއްޔެކެވެ
ދޮންއައިސާފުޅު
ނ (1) )ޅ ( މަހުގެ ބާވަތެއް މިއީ ބޭރުމަތީގައްޔާއި ފަޅުތެރޭގެ ބައެއް ގާގަލުގައިއުޅޭ ވަރަށް ރީތިމަހެކެވެ (2) އަންހެނުންނަށް ކިޔާ ނަމެއް
ދޮންއޮޅުފާނަ
ނ ފާނައިގެ ބާވަތެއް މިއީ ރަތްމުށިކުލައިގެ މަހެކެވެ ކުދިކުދި ނޫތިކިތަކެއް ހުންނަ މަހެކެވެ ނިގޫފަތުގެ ކައިރިފަށް ހުންނާނީ ހުދުކުލައިގައެވެ
ދޮންމަސް
ނ ފަޅުފަޅާއި ފަރުފަރުގެ ބޭރުގައި އުޅޭމަހެއް މިމަހަކީ ނަނު ފައްތާއިރު ވަރަށްގިނައިން ބޭނޭމަހެކެވެ މިއީ ވަރަށް މީރު މަހެކެވެ މިމަހުގެ ދެއަރިމަތީގައި ހިމަ ރޮނގުތަކެއް ހުންނާނެއެވެ
ދޮންމިޔަރު
ނ މިޔަރުގެ ބާވަތެއް. މިއީ އާދައިގެ ވަރަކަށްފަލަ ތުންކޮޅަށް ދިގުކޮށް ހުންނަ މިޔަރެކެވެ
ދޮންދޮނާ
ނ (1) ފަރުމަހެއް މިއީ ރާބުޅަ ފާޑަށް ތަންކޮޅެއް ދިގުކޮށް ދޮންކުލައިގައި ހުންނަ މަހެކެވެ (2) އަންހެނުންނަށް ކިޔާނަމެއް
ދޮންގިއުޅު
ނ ގިއުޅުގެބާވަތެއް. މިއީ ބޭރު ކަނޑުގެ ވަރަށްފުނުގައި އުޅޭ މަދުން ބޭނޭ މަސް ވަރަށް މީރު މަހެކެވެ މިމަހުގެ މައިގަނޑު ކުލައަކީ ވައިލެޓް ކުލައެވެ މަހުގެ ހުރަހަށާއި އެކިގޮތްގޮތަށް ދޮންރީނދޫކުލައިގެ ފުޅާރޮނގުތަކެއް ހުރެއެވެ ނިގޫފަތާއި ބަނޑުދޮށްފަރާތު ކޮތަރިބައި ހުންނަނީ ރީނދޫކުލައިގައެވެ
ދޮރުވަރުދުވަސް
ނ ނކ. ނަކަތްތެރިންގެ ބަހުރުވައިގައި އަހަރުތެރޭގައި އަންނަ ވަރަށް ސުންޕާ ފަޅުތިންދުވަހަކަށް ކިޔާނަމެއް. އެއީ ނަކަތާރާއްސާ އެކުގައި ހުސްވާ ދުވަހެވެ. އެދުވަސްތަކަކީ އެޕްރީލް ހަތެއް އޮގަސްޓް ދިހަޔެއް ޑިސެމްބަރ ނުވައެއް މިތިން ދުވަހެވެ
ދޮރުމަސް
ނ )ގ ( މަހުގެ ބާވަތެއް މިއީ ފަޅުތެރޭގައި ހުންނަ މުރަކަ ބަދިބަދީގައި އެޅޭ ކުޑަކުޑަ މަހެކެވެ
ދޮރުމޮހި
ނ އިހުގައި ޖަހައިއުޅުނު ބެރެއް މިއީ ހުކުރުވިލޭރޭ ފަތިސް ނަމާދުގެ ބަންގިޔަށްފަހު ތާޅަފިއްޔާ ގޮސްފައި އައިސް ގަނޑުވަރު ތެރެއަށް ވަނީމާ ނާބުސްޚާނުން ޖަހާބެރެކެވެ
ދޯބުރާލި
ނ ކަށިހަކުރު މިއީ ފުއްފުކަށް ހުންނަ ހިކި ހަކުރެކެވެ