radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
އަންގަދަ
ނއ (1) އަނގަގަދަ (2) ބޭނުންނެތްވާހަކަ ގިނައިން ދެއްކުން
އަންގަދަކުރުން
މ (1) އަނގަގަދަ ކުރުން (2) ބޭނުންނެތްވާހަކަ ގިނައިންދެއްކުން
އަންގަދަވުން
މ (1) އަނގަގަދަވާގޮތް ހުރުން (2) ބޭނުންނެތްވާހަކަ ގިނައިންދައްކާ ގޮތް ހުރުން
އަރަހުށި
ނއ ހުރިހައިގޮތަކުން ހުރިހައި އެއްޗަކަށްވުރެ މަތިވެރި މިއީ މާތް ރަސްކަލާނގެ ސިފަފުޅެކެވެ މިބަސްބޭނުންކޮށް އުޅެނީ ﷲގެ އިސްމުފުޅާއެކު ގައެވެ
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރައިފައިބާ
މ (1) ދަތުރުގައި އެއްރަށެއްގައި މަޑުނުވެ ދާ (2) ރަށްރަށުގެ މައުލޫދު ފަދަ ކަންތަކަށް ބޭރު ރަށްރަށުގެ މީހުން ގޮސް އައިސްވާ
އަރަތް
ނ މީހުންގެ ވިސްނުންހުރި ވަރެއް ބެލުމަށް ކޮށް އުޅޭ ސުވާލުގެ ބާވަތެއް މިސާލު: " ކޮއްކޮއެއް ދައްތައެއް ބޭބެއެއް ނެތެވެ އެކަމަކު މިހިރަކުއްޖާގެ ބައްޕައަކީ އަހަރެންގެ ބައްޕަގެ ދަރިއެކެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރާރިހި
ނ ދަނޑިޔާ ދާ ހަނގުބޭކަލުން ރަށްރަށަށް އެރީމާ ދޭންވާ ލާރި މިއީ އިހުގައި ކުރާ ކަމެކެވެ
އަރާމު
ނ ހަށިގަނޑަށް ލިބޭ ހަމަހިމޭންކަމާއި ފަސޭހަކަން
އަރާގިމަތަ
ނ ދަތުރުވެރިން ދަތުރުނިމިގެން ރަށަށް އެރުމުގެ ކަންތައްތައް ހަމަޖެއްސުމަށް ބޭނުންކުރާ ގިމަތަ
އަރިހަށްގެންދެވުން
މ މަހުއެއްޗެތިކޮޅު ދެއްވައިފައިވާ ބޭފުޅުންގެ އަރިހުގައި އުޅޭން ގެންދިއުން
އަރިހުބޭކަނބަލުން
ނ މަހު އެއްޗެތިކޮޅު ދެއްވައިފައި ތިއްބަވާ ގަނޑުވަރުތެރޭ އަންހެން ބޭފުޅުން އަރިހުގައި އުޅޭ އަންހެނުން
އަރިހުބޭކަލުން
މ މަހުއެއްޗެތިކޮޅު ދެއްވާފައި ތިއްބަވާ ގަނޑުވަރުތެރޭ ފިރިހެން ބޭފުޅުންގެ އަރިހުގައި އުޅޭ ފިރިހެނުން
އަރިޔަށްޖެހުން
މ (1) ފަތިއެއްޗެއްގެ ހަނިކައިރި ދަށަށް ވާނޭހެން ބެހެއްޓުން (2) ފުލާއި އަނގަޔާ ހުންނަ ތަކެތި ބިތަށް ބޭއްވުން
އަރުނުދަޅު
ނ (1) ޙައިވާނެއްގެ ދަޅެއް މިއީ ބޭހަށް ގެންގުޅޭ އެއްޗެކެވެ (2) "އަރުނު" ބަލާ!
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރޮޅި
ނ އޮށް ބޭހުގެ ބާވަތެއް. މިއީ އެތެރޭގައި ހަރު އޮށެއް އޮވެފައި އޭގެ އެތެރޭގައި ކަނަމަދެއް ކަހަލަ މަދެއް އޮންނަ ބޭރުގައި ބޯތޮއްޓެއްވާ އެއްޗެކެވެ މީގެ ދެތިން ބާވަތެއް ހުރެއެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާބީލުދޫނި
ނ ކަޅުކުލައިގައި ބަނޑުދޮށް ހުދުކޮށްތިބޭ ކުދިދޫންޏެއް މިގިނައިންއުޅެނީ މައްކާ ޙަރަމްފުޅުގެ ތެރޭގައެވެ