radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ދިހަލަދިކުރުން
މ )ދ ( ފުރުމުގެ މޮޅު އިރުވަރު ޖެހޭއިރު ދަތުރަށް ތައްޔާރުނުވެގެން ނުވަތަ އެހެންވެސް ސަބަބެއް މެދުވެރިވެގެން ފުރުން ލަސްވާގޮތް ދިމާވެއްޖެނަމަ އެމޮޅު އިރުވަރުގައި ފުރާފައިލެފުން ނުވަތަރަށާއި ގާތް ހިސާބެއްގައި މަޑުކޮށްފައި ބޭއްވުން
ދިރޭރަހަ
ނ ދިޔާ މަޢުދަނީ އެއްޗެއް މީގެ ކުލައަކީ ރިހިކުލައެވެ މިއީ ވަރަށް ހަލުވި އެއްޗެކެވެ
ދިއުން
މ (1) އައުމުގެ އިދިކޮޅު (2) ކައިރީގައިވާ ދިރޭ އެއްޗެއް ދުރަށް ޖެހުން (3) ތިމާހުރި ހިސާބަށްވުރެ ދުރުތަނަކަށް ޙާޟިރުވުން (4) ދެދޮރުންކުރެ ދޮރަކުން އެއްޗެއް ބޭރުވުން
ދިއްތުނޑިމޭރެ
ނ )ޏ ( އާދައިގެ މިޔަރަށްވުރެ ދޮންކޮށް ތުންގަނޑު ދިގުކޮށް ހުންނަ މިޔަރެއް މިއީވަރަށް މަސްމީރު މިޔަރެކެވެ
ދިއްގާ
ނ ރީނދޫކުލައިގެ މަލެއް އަޅާހިޔާބޮޑު ގަހެއް. މީގެލަކުޑި އޮޑިދޯނިފަހަރު ބަނުމަށާއި ދަރަށް ބޭނުންކުރެއެވެ މީގެވަރަށް ގިނަވައްތަރުތައް ހުރެއެވެ މިސާލު: )ހ( ފެންދިއްގާ )ށ( ވެޔޮދިއްގާ )ނ( ކަށިދިއްގާ
ދިވެހިރުއް
ނ (1) އެއްތަނޑިއަށްހެދޭ ފެންފޯއް ރުކަށްވުރެ ފަލަ ކުރީގައި ފަނާއި އިހާ އަންނަ ގަހެއް މިގަހުގެ އިހަލުގައި ގަންނަ ވައް އެކިވަރަށް ހަރުވުމުން އެއަށް ދިވެހިން އެކިނަންނަން ކިޔައެވެ އޭގެ ތެރޭގައި )ހ( ގޮބޮޅި )ށ( މިރި )ނ( ކިހައް )ރ( ކުރުނބާ )ބ( ގަބުޅި )ޅ( ކާށި )ކ( ކުރޮޅި ހިމެނެއެވެ މިގަހުގެ ހުރިހާ ބައެއްވެސް ދިވެހިންގެ ދިރިއުޅުމަށް ބޭނުންކުރެއެވެ (2) ދިވެހިންގެ ޤައުމީ ގަސް
ދިވެހިކަސްތޫރި
ނ ކާމަރަނގަ ހުންނަހެން އަރިއަރިއަށް ހުންނަ ތޮޅިއެއްއަޅާ ގަހެއް. މިއީ ގާތްގަނޑަކަށް އިސްކޮޅާ ހަމަޔަށް ހެދޭ ތިންކަތްޕަށް ފަތްހުންނަ ގަހެކެވެ މިގަހުގެ އޮށުގައި ވަރަށް މީރުވަސްދުވައެވެ މިއީ ވަރަށް ގިނައިން ތޮޅިއަޅާ ގަހެކެވެ މިއީވަސް ދުއްވުމަށާއި ބޭހަށް ބޭނުންކުރާ އެއްޗެކެވެ
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދިލަފޮޅު
ނ ހަށިގަނޑުގެ ތަންތަނުގައި ނަގާފޮޅެއް. މިފޮޅުނެގުމުން އެނަގާތަނެއް ދުޅަވެ ރަތްވެ ދޮސްގަނެ ވަރަށްބޮޑަށް ދިލަ ނަގާނެއެވެ
ދިލްބަހާރުމާ
ނ ޗާންދަނީ މަލާ ވައްތަރު ހުދުކުލައިގެ މަލެއް މިއީ ވަރަށް ވަސްމީރު މަލެކެވެ މިމާއަޅާ ގަހަކީ މެދުމިނަކަށް ހެދޭ ގަހެކެވެ ގަހުގެ ފަތްހުންނާނީ ކުދި ދުނބުރިފަތާ ވައްތަރުގޮތަކަށެވެ
ދިގު
ނއ (1) ދުރަށް ދެމިފައިވާ މިސާލު: ދިގުމަގެއް (2) ގިނަ މިސާލު: ދިގުމުއްދަތެއް (3) ވަގުތުގެ ގޮތުން އިތުރު މިސާލު: )ހ( ދިގުދަތުރެއް )ށ( ދިގުއުމުރެއް (4) އިސްކޮޅުން ދެމިފައިވާ މިސާލު: ދިގުމީހެއް (5) އެއްތަނޑަށް މައްޗަށް ހެދިފައިވާ މިސާލު: ދިގުރުކެއް (6) ކުރުގެ އިދިކޮޅު
ދިގުރާގު
ނ އިހުގައިކިޔާ ބޮޑުލަވައިގެ ލަސްރާގު މިރާގަށް ކިޔާއިރު އަކުރުތައް ކިޔާނީ ވަރަށް ބޮޑަށް ދަމައިފައެވެ
ދިގުރޯނު
ނ އިހުގައި ވާރަށްގެންނަ ޅައިކޮށް ވަށައިފައި ހުންނަ ރޯނެއް މީގެ ފޯލިތައް އަޅައިފައި ހުންނާނީ ތަންކޮޅެއް ދިގުކޮށެވެ
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދިޔަހިލުވައިލުން
މ އޮޑިދޯނި ފަހަރަށް ލިބޭ ގެއްލުމަކުން ނުވަތަ އަރާ ލޮޅުމަކުން ދިޔަ ނުހިފޭގޮތްވުން
ދިޔަހެޔޮވަރުކުރުން
މ ކައްކާ އެއްޗެއްގައި ހުންނަންވީ ވަރަށް ދިޔަވަރުއެޅުން
ދިޔަވަރުހެޔޮވަރުކުރުން
މ ކައްކާއެއްޗެއްގައި ދިޔަވަރު ހުންނަންވީވަރަށް ދިޔަވަރު އެޅުން
ދިޔަވަރުއެޅުން
މ އެއްޗެހި ކައްކާއިރު ހެޔޮވަރުވާ ވަރަށް ފެން ނުވަތަ ފެންކިރު އެޅުން
ދިޔަވަރުވުން
މ އޮޑިދޯނިފަހަރު ވަދެނިކުމެވޭ ވަރަށް ދިޔަވަރު ބޮޑުވުން
ދިޔަވަރުގޮނޑުޖެހުން
މ ދިޔަވަރު އެންމެ ބޮޑުވާންވީވަރަށް ބޮޑުވުން