radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އަނިޔާ
ނ (1) ނަހަމަ (2) ހާނީއްކަ (3) ނިޔާގެ އިދިކޮޅު
އަނިޔާކުރުން
މ (1) ޢަދުލާއި ޚިލާފަށް ކަންތައް ކުރުން (2) ހާނީއްކަ ކުރުން (3) ގެއްލުން ދިނުން
އަނެއް
ނއ ތިޔަނޫން. މިބަސްބޭނުންކުރަނީ އެނގިފައިވާ އެހެން އެއްޗަކަށް ނުވަތަ އެހެން ކަމަކަށް އިޝާރާތްކުރުމަށެވެ. މިސާލު: އަނެއްފޮތް އަނެއް ފަހަރު
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އަންހެންކަން
ނ (1) އަންހެނެއްގައި ހުންނާންވީ ސިފަތައް (2) އަންހެނުންގެ ވައްޓާފާޅި (3) އަންހެނުންގެ ޝަހުވާނީ ބާރު
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަންބަލަންގެ
ނ މޮޅުމީހުންގެ ގޭގޭގެ ދެކުނު ފަރާތުގައި އަންހެނުން އެކިއެކި މަސައްކަތް ކުރުމަށާއި ބޭރުން އަންނަ އަންހެނުންނާއި ބައްދަލުވެ އުޅުމަށް އަޅައިފައި ހުންނަ ކުޑަމަރިޔާދުގެއެއް. މިގެއަށް އޮންނާނީ ދޮންވެލިލައިފައެވެ
އަންދަރުސާ
ނ ފުއްގަނޑު ކަމީރުކޮށްގެން ކުކުޅުބިސްލައިގެން ތެލުލާ ފޮނިކާއެއްޗެއް މިހުންނާނީ ދޮންކެޔޮކަޖުރު ފާޑަށެވެ
އަންދާބޯޓް
ނ ހިތީބޯޓުގެ ބާވަތެއް. މިއަޅަނީ މޫދުގައެވެ. ރަދުން ހިތިގެއަށް ވަޑައިގަތީމާ ބޯޓް އަންދައިލައިފައި މީހުން ރޮމުންރޮމުން ފައިބަނީއެވެ މިހަދަނީ މާފަންނު ހިތީގައެވެ
އަންޑާޕޫލް
ނ (1) ހަވީރަށްފޮޅޭ ބޮޑު ހުދުމަލެއް މިމައުހުންނާނީ ތާޅަފިއްޔެއްހެންނެވެ މީގައި މަޑު މީރުވަހެއް ހުންނާނެއެވެ (2) މީގެ ވެޔޮ
އަރަހުށި
ނއ ހުރިހައިގޮތަކުން ހުރިހައި އެއްޗަކަށްވުރެ މަތިވެރި މިއީ މާތް ރަސްކަލާނގެ ސިފަފުޅެކެވެ މިބަސްބޭނުންކޮށް އުޅެނީ ﷲގެ އިސްމުފުޅާއެކު ގައެވެ
އަރަފާތުކޮތަރު
ނ ޅިނދުމަތީގައި ކަޅުކުލައިގެ ބަންދެއް ހުންނަ ކަރުދޮށަށް ރީނދޫ ދިހުން ކުލައަރާ އަޅިކުލައިގެ ކޮތަރެއް މިކޮތަރު ގިނައިން އުޅެނީ މައްކާ ޙަރަމްފުޅު ތެރޭގައެވެ
އަރާ
ނ (1) ހަތަރެސްކަން ރިޔަލުގެ ފަރުމާނު (2) މީހުންނަށް ހާނީއްކަ ދިނުމުގެ ގޮތުން ދެއަތް ދަމައިފައި އަތުގައި ބަންނަ ދަނޑި ގަނޑު (3) އެރުމަށްކުރާ އަމުރު
އަރާފައިބާވައި
މ އުރަވަޅީވައި މިބަލީގައި ވާގޮތަކީ އުރަވަޅިއަށާއި އެއްކޮށް ދަށްބަނޑަށް ތަދުވަނީއެވެ ބައެއް ފަހަރު އުރަވަޅި ބޮޑުވެސްވެއެވެ
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަރުގަފަތްކޮޅު
ނ މިސްކިތްފަދަ ތަންތަނަށް ދެއްވާ ބޯގަފަތްކޮޅު މީގައި ހުންނާނީ އެތަނެއް ބެލެހެއްޓުމަށް ދެއްވާފައިވާ ތަންތަނާއި އެއްޗެއްސެވެ