radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޒާވު
ނ (1) މުސްތަޤްބަލްގެ ބޭނުމަށް ބަހައްޓާ ތަކެތި (2) އެކިއެކި މުބާރާތްތަކާއި ކުޅިވަރު ތަކުގައި މީހެއްގެ ބަދަލުގައި ނުކުންނަން ހުންނަ މީހާ
ރިޔަލުފޫޅުގަނޑު
ނ ރިޔަލުގައި ދަންމާނު ހަރުކުރުމަށް ހަދައިފައި ހުންނަ ބޮޅު
ރިޕޯޓަރު
ނ (1) ޚަބަރު ފަތުރާ ވަސީލަތްތަކަށް ޚަބަރުހޯދައި ލިޔުމަށް ވަޒީފާދީފައި ތިބޭ މީހުން (2) އެކަމަށް ކަނޑައަޅާ ފައިތިބޭ މީހުން
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރީނދޫކުލަ
ނ (1) ރީނދުލުގައި ހުންނަކުލަ (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަ ކުލަ
ރީނދޫވެން
ނ ވެނުގެބާވަތެއް މިއީ ދެފަރާތު އަރިމަތީގައި ރީނދޫކުލަޔާއި ނޫކުލައިގެ ތިކިތަކެއް ހުންނަ ވެނެކެވެ މިވެން ގިނައިން އުޅެނީ ހުއިވިނަ ހެދިފައި ހުންނަ ފަޅުފަޅުގައެވެ
ރީނދޫމަސް
ނ ކަޅުރޮނގުދަމައިފައި ހުންނަ ރީނދޫ ކުލައިގެ ކުޑަ މަހެއް
ރީމު
ނ ކަރުދާހުގެ ބަންޑެލި މީގައި ކުރިން ހުންނަނީ 084 ގަނޑެވެ މިހާރު ހުންނަނީ 005 ގަނޑެވެ
ރީތި
ނއ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން ލިބިގެންވާ (2) ހިތްގައިމު (3) ބަލާހިތްވާ (4) ލޮލަށް އެންމެ ފިނިކަންދޭ
ރީތިކަން
ނއނ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން (2) ހިތްގައިމުކަން (3) ބަލާހިތްވާކަން (4) ލޮލަށް އެންމެ ފިނިކަން ދޭކަން
ރީތިވުން
މ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން ލިބިގެންވުން (2) ހިތްގައިމުވުން (3) ބަލާހިތްވުން
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ
ރީޗުއެޅުން
މ ނަގިލި ވައްޓާލީމާ ޗޭނަށްދަތިނުވެ ފައިބައިގެން ދާނޭހެން ސަނގަލާ ޖެހުން
ރުހުން
މ (1) ގަބޫލުވުން (2) ހިތްހަމަޖެހުން
ރުނބާ
ނ ހިރިމީގެ ސިފައިގައި ހުންނަ މުށީގެ ކަންވާރެއް. މިއީ ބޭރުގައި އޮފުލައިފައި ހުންނަ ޖާޑިއަށްވުރެކުޑަ ވިހި އަޑުބަޔާއި ސާޅީސް އަޑުބަޔާއި ދެމެދުގެ މިންވަރެއް އެޅޭވަރުގެ ކަންވާރެކެވެ
ރުނބާކަންނެލި
ނ ކުރުފަލަކޮށް ހުންނަ ބޮޑެތި ކަންނެލި