radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ރަޖާ
ނ ސުތުލި ނުވަތަ ކެހެރި ފަދަ އެއްޗަކުން އާދައިގެ ފޮއްޗަށްވުރެ ބޯކޮށް ވިޔެފައި އޮންނަ ހީފިލުވަން ގައިގައި އަޅާއެއްޗެއް
ރަޖިސް
ނ އިހުގައި ގެންގުޅުނު ރެޖިސްކުންފުނީގެ މޮޅު ކުރަފަތާއި ފިޔޮހި
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން
ރަޙުމަތްތެރި
ނއ އެކަކުއަނެކަކު އުފަލާއި ހިތާމައިގައި ބައިވެރިވެ އެކަކު އަނެކެއްގެ ހާލުއަހުވާލުބަލައި އެހީތެރިވެދީ އުޅޭ
ރަޙުމަތްތެރިން
ނ އެކަކު އަނެކަކަު އުފަލާއި ހިތާމައިގައި ބައިވެރިވެ އެކަކު އަނެކެއްގެ ހާލުބަލައި އެހީތެރިވެދީ އުޅޭ މީހުން
ރަޙުމަތްތެރިކަން
ނއނ އެކަކު އަނެކެއްގެ އުފުލާއި ހިތާމައިގައި ބައިވެރިވެ އެކަކު އަނެކެއްގެ ޙާލު އަޙުވާލުބަލައި އެހީތެރިވެދީ އުޅޭކަން
ރަޙުމަތްތެރިވުން
މ އެކަކު އަނެކެއްގެ އުފަލާއި ހިތާމައިގައި ބައިވެރިވެ އެކަކު އަނެކެއްގެ ޙާލު އަޙުވާލު ބަލައި އެހީތެރިވެދީ އުޅުން
ރާހިކުރުން
މ މޫދުގައި އޮންނަ މުށިމަސްގަނޑު ފަދަ މަސްމަސްގަނޑު ވަކިތަނަކަށް އެއްކުރުން
ރާހިވުން
މ ފަޅުގައި އޮންނަމަސްގަނޑު އެއްތާކަށް ބޮޑިވުން
ރާހުތުމިރުސް
ނ ރާހުތުގައި ހުރެ އޭގެ އަސަރު ފޯރައިފައިވާ މިރުސް
ރާނބާ
ނ ގަހެއްގެ ނަން މިގަހުގެ ސިފަވައްތަރުވާނީ ކަށިނެތް ކަށިމާ ގަހަކާއެވެ މިގަހުގެ ފަތުގައި މީރުވަހެއް ދުވައެވެ އަދި މިގަހުގެ ފަތް ތަކެތީގައި މީރުވަސް ދުއްވުމަށާއި ކާތަކެތީގައި މީރު ރަހަލެއްވުމަށް ބޭނުންކުރެއެވެ
ރާނބާފަތްހެދުން
މ ރާނބާގަހުގެ ފަތް ހިމަކޮށް ހުރަހަށްކޮށައި ކޮއްޗޭފަތާއެކު އަވީލައި ކުޑަކޮށް ހިއްކާލައި ހުވަނދުމާ އަޅައި އޭގައި މީރުވަސް ހިއްޕުން
ރާނބާފުވައް
ނ ފޯކުގެތެރޭގައި ހުންނަ ރާނބާފަތުގެ ރަހަ ހުންނަބޮޑެތި ފޯކެއް މިއީ ފޯކުގެ އާއިލާގެ ވައްތަރެކެވެ
ރާރާ
ނ ތެލަނގައާއި ގުޑިފަދަ ތަކެތީގައި އަޑުގޮއްވަން ރޮއްޖެއްގައި ހިއްޕައިފައި އޮންނަ ކަރުދާސް ފަށެއް
ރާރާގުޑި
ނ އޮނު ނުވަތަ އިލޮށިން ކުކުޅުބިސްބުރުގެ ދެބުރު ގުޅޭގޮތަށް އޮނިގަނޑެއްހަދައި އޭގައި ކަރުދާސްހިއްޕާ ރާރާ ހަރުކޮށްފައި ހުންނަ ގުޑި
ރާޅާއެޅުން
މ ރާޅާއެކު އޭގެ ބާރުގައި ދެވޭނެ ގޮތް ހެދުން
ރާޅާތެޅުން
މ ގޮނޑުދޮށުގައި ނުވަތަ ތޮށިމަތީގައި ނުވަތަ ކަނޑުތެރޭގައި އޮތް އެއްޗެއް ރާޅާ ޖަހަޖަހާ އޮތުން
ރާޅުހެދުން
މ ފެނުގައި އަޑިގުޑަންކަން އުފެދުން
ރާޅުބިސް
ނ އެތެރޭގައި ހޮއި އޮންނަ އެއްފަރާތެއްގައި ދެ ލޯވަޅެއް ހުންނަ އެއްޗެއް. މިއީ ގާތްގަނޑަކަށް ހޯނުބިސްވަރުގެ އެއްޗެކެވެ. މިހުންނަނީ ގޮނޑުދޮށަށް ލައްވެފައެވެ