radheef.info
ރަދީފު


ފަދަ
އ (1) ކަހަލަ (2) ގޮތް
ދިޔަލުން
މ މޭވާފަދަ އެއްޗެއް ނުވަތަ ހަށިގަނޑުގެ ތަނެއް ހަލާކުވެ ނުބައިވެގެން ފެންފޭބުން
ދުނިބައި
ނ (1) ކާރު ލޮރީފަދަ ތަކެތީގެ ފުރޮޅު ހަރުކޮށްފައި ހުންނަބަޔާއި މައިގަނޑާދެމެދުގެ ހެލުން ކޮންޓްރޯލް ކުރުމަށް ދަގަނޑުން ހަދައިފައި ހުންނަ ފޮތިބައި (2) ކުޑައިގެ ފޮތިގަނޑު ހަރުކުރަން ހުންނަ ދުނިތައް
ދުނިކީސް
ނ ދަގަނޑުފަދަ ތަކެތި ކީހުމަށް ތިލަބަދަލުކުރެވޭ ގޮތަށް ހަދައިފައި އޮންނަ އާލަތެއް
ދުނިގަނޑު
ނ (1) ގުޑި ނުވަތަ ތެލަނގަ ފަދަތަކެތި ހެދުމުގައި ތައްޔާރު ކުރެވޭ އޮނިގަނޑު (2) އައިނުގެ ފުރޭމު (3) ދުނިކީހުގެ ތިލަ ހަރުކޮށްފައި ހުންނަބައި (4) ކުޑައިގެ ދުނިބައި
ދުންނެގުން
މ ޒިކުރު މާލޫދު ބުރުދާ ކިއުންފަދަ ކަންކަމަކަށް ބަހައްޓައިފައި ހުންނަ ދުންކިބާ ނުވަތަ ދުންދަނޑިޖަހާއެތި އެކަން ނިމުނީމާ އެތަނުން ނަގައިގެން ގެންދިއުން
ދުންބައްތި
ނ (1) ނެރާއި ކަނޑިންމަ ފަދަތަންތާނގައި ރޭގަނޑަށް ފެންނަގޮތަށް ހަރުކޮށްފައިވާ އަލިކުރާއެތި (2) ނެރުބައްތި
ދުންބެހެއްޓުން
މ މާލޫދު ޞަލަވާތް ފަދަތަކެތި ކިޔަވާއިރު ދުންދަނޑި ފަދަތަކެތި ރޯކޮށްފައި ބެހެއްޓުން ނުވަތަ ދުންކިބާ ބެހެއްޓުން
ދުންފަތްގަސް
ނ ތިރިކޮށްހެދޭގަހެއް މިގަހުގެ ފަތް ބޭނުންކުރަނީ ބިޑި ސުއްޓާ ސިނގިރެޓާއި ދުންބުއިން ފަދަކަންކަމަށެވެ ބައެއްމީހުން ދުފާއިރުވެސް މިފަތް ބޭނުންކުރެއެވެ
ދުރާނާންދަ
ނ )ބދ ( (1) އިސްފަސް ނުބަލައި ކަންތައްކުރާގަދަ ފަދަ މީހާ (2) ހަރުކަށިމީޙާ (3) ގޮށްމުށުބާރުން ކަންތައް ކުރާމީހާ
ދުޅަ
ނ (1) ލިބޭގެއްލުމަކުން ނުވަތަ ބައްޔެއްގެ ސަބަބުން ހަށިގަނޑުގެ ތަންތަން އުފުލޭ އުފުލުން. (2) ވިޔުމުގެ ތެރޭގައި ފޮތީގައި އުފުލުންލައިފައި ހުންނަތަން. (3) ވިޔުމުގައި ބޭނުންކުރާ ހައިފަށް ނުވަތަ ރޮދިފަށް ނުވަތަ ފަންވަތް ފަދައެއްޗެހި މަތިންނާއި ދަށުންގޮސްފައި ހުންނަހުރުން
ދުވަސްދުއްވާލުން
މ މަޖާޒު: (1) މީހަކަށް އާދަޔާ ޚިލާފަށް ހާނީއްކަ ކުރުން (2) މީހެއްގެ ދިރިއުޅުން ގެއްލޭ ފަދަ ކެއްސެއް ދިނުން (3) ބޭނުންނުކުރެވޭ ވަރަށް ހަލާކުކޮށްލުން
ދުމަށި
ނ މަސްފަދަތަކެތި ހިއްކުމަށް ނުވަތަ ދިލަޖެއްސުމަށް އުނދުނާ ދިމާމަތީގައި ހަދައިފައި ހުންނަ އަށިގަނޑެއް
ދުފާއެއްޗެހި
ނ ދުފުމަށް ބޭނުންކުރާ އެއްޗެހި މިސާލު: ފޯއް ބިލެތް ކަރަންފޫ ހުނި ދުންފަތް ފަދަތަކެތި
ދުލިބޭލުން
މ (1) ހަރުފައާއި ނަންނުގަތިފަދަ ތަކެތީގެ ހަމުގެ އެންމެ ބޭރަށް ހުންނަފަށް ބަދަލުކޮށްލުން (2) މަޖާޒު: ހެދުން ބޭލުން
ދުލުންފާފަވެރިވުން
މ ފާފަވެރިވާ ކަހަލަ ބަހެއް ބުނުން ނުވަތަ އެފަދަ ވާހަކައެއް ދެއްކުން
ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ދެބަށްއެރުން
މ މަޖާޒު: ބޮނޑިއެއްލިބޭފަދަ ކަމެއްގައި ބެދުން
ދެބަރުއުފުލުން
މ ބޮޑުބުރައެއް އުފުލަންޖެހިފައި އޮއްވައި އެފަދަ އެހެން ބުރައެއް އުފުލަން ޖެހުން މިހެން ބުނެއުޅެނީ ތިމާގެ ކުޑަކުއްޖަކު އޮއްވައި އެހެން މީހެއްގެ ކުޑަކުއްޖަކު ބަލަން ޖެހުމުންނެވެ
ދެޅަހި
ނއ )ޏ ސ ( (1) ވަރުގަދަ (2) ގަދަފަދަ (3) ގަދަވެ ހެޔޮޙާލުގައިހުރި
ދެޅަހިކަން
ނއނ )ޏ ސ ( (1) ގަދަފަދަކަން (2) ގަދަވެހެޔޮޙާލުގައި ހުރިކަން