radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ކަށްބަކަސަލަ
ނ )ބދ ( އެއްވެސް ބުރަކަމެއްނެތް ލުއިމަސައްކަތް
ކަށްކޮނި
ނ ލޮނުމެހި މިއީ ބިންމަތީގައި ހަރުކޮނެގެން އުޅޭ ބާވަތެއްގެ މެއްސެކެވެ
ކަށްޑެވިމުޅަދެވި
(1) ބައްޔެއްގެ ނަން މިބަލީގައިވާ ގޮތެއްކަމަށް ބުނަނީ ބަނޑުބޮޑުވެ މީހާ ފޮއްސިވުމެވެ މިއީ ޚިޔާލީ ދެ ދެވިކަމަށް ބުނާ ކަށްޑެތްވާއި މުޅަދެވީގެ ސަބަބުން ޖެހޭ ބައްޔެއްކަމަށް ބުނެވެއެވެ (2) ޚިޔާލީ ދެ ދެވި
ކަނބައިދިކިލެގެކަން
ނ އަންހެނުންނަށް ދެއްވާ މަތީ ދަރަޖައިގެ ކޮލީނަމެއް. މިދަރަޖަ ލިބެނީ ރަސްކަލެއްގެ ނުވަތަ ރަސްކަލެއްގެ އަނބިކަނބަލެއްގެ ދައިތާފުޅަކަށް ނުވަތަ ކޮއްކޯފުޅަކަށެވެ
ކަނބާ
ނ (1) އަންހެނުންގެ މަތީ ދަރަޖައިގެ ނަމެއް އިހުގައި މިނަން ކިޔައި އުޅުނީ ގަނޑުވަރު ތެރޭގެ ބޭފުޅުންނަށެވެ (2) ޅެމުގައި އަންހެނުންނަށް ލޯބީން ކިޔާނަމެއް
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނބުލޮ
ނ (1) އަންހެނުންނަށް ކިޔައިއުޅޭ ނަމެއް (2) އަންހެން ދަރީންނަށް ލޯބީންކިޔާނަމެއް
ކަނދި
ނ އުފުލިލައިގެން އޮލައަޅައިގެން ކައްކާ ފޮނިބުއިމެއް މި ކިތައްމެ ބާވަތަކަށް ކިތައްމެ އެއްޗެއްގައި ކައްކައެވެ
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދޮޅު
ނ ފަތް ހިމަދިގު ކޮށްހެދޭ ފަސޭހައިން މަރުނުވާ ކުޑަވަރެއްގެ ގަހެއް މީގެ ކިތައްމެބާވަތެއްހުރެއެވެ މިގަހުގެ ބަނޑުފަތުން ދުލި ނަގައިގެން ބޭސްވެރިކަމަށާއި އެހެނިހެން ބޭނުމަށް ގެންގުޅެއެވެ
ކަނދޮޅުދުލިފަށުވި
ނ ވަރަށްތުނި ފަށުވި ފޭރާމެއް މިއީ އިހުގައި ރާއްޖެއިން ބޭރުން ގެނެސް އުޅުނު ފޭރާމެކެވެ
ކަނޑައެޅުން
މ (1) ކަމެއްވަކިގޮތަކަށް ނިންމާން އެއްބަސްވުން (2) ކަންކުރާނެ ގޮތް އެކަށައެޅުން
ކަނޑި އެނބުރުން
މ ކުޅިހުއްޓާ ރޭ ބަންޑާރަކޮށީ މީހަކު ދެމިޔައެޅި ދެކަނޑި ދެއަތުން އަނބުރަމުން ކުރާ ހެވިކަމެއް މީ ކަނޑިހެވިކަމުގެ ވަރަށްބޮޑު ކަމެކެވެ މިކަންތައް ކުރާނީ ކޮށީގެ އިސްދަރިވަރެކެވެ
ކަނޑިއަޅައިފުންމައިގަތުން
މ އައްޑަނަ ކޮށީގެ ކުޅިޖެހުމުގައި ކޮށްއުޅުނު ކަމެއް
ކަނޑިޔާކަނޑިއެޅުން
މ (1) ދެމީހުން ދެކަނޑި ހިފައިގެންނުކުމެ ގަދަބައްޔަށް ޙަމަލާދިނުން (2) މަޖާޒު: މާބޮޑަށް ދުޝްމިނުވުން
ކަނޑީރަސްގެއެއްކަހަލަ
)މިސާލުބަހެއް( މާރުޅިގަދަ ގޮތްދޫނުކުރާ މީހުންނާ މެދު ބޭނުންކޮށްއުޅޭ މިސާލުބަހެއް
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކަނޑުއޮޅި ދަތުރު
ނ މީހަކު ނުވަތަ ސިޓީއެއް ފަދައެއްޗެއް ގެންގޮސްލާން އެއްރަށުން އަނެއްރަށަށް ކުރާ ބަންޑާރަ ދަތުރު މިދަތުރުގައި ގެންދަންވީ އެއްޗެއް އެންމެ ކައިރީގައި އޮންނަ ރަށަށް ފުރާތަކުރުމުން އެ ބައެއްގެ ކިބައިން ނިމުނީއެވެ
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން