radheef.info
ރަދީފު


ވ
ތާނައިގެ ނުވަވަނަ އަކުރު
ހިތްމޮޅުކަން
ނއނ (1) ބޮޑާކަން (2) ކިބުރުވެރިކަން (3) ތިމާއަށް ތިމާ ފެނިފައި ހުންނަކަން
ހިތްމޮޅުވުން
މ (1) ބޮޑާވުން (2) ކިބުރުވެރިވުން (3) ތިމާއަށް ތިމާ ފެނުން
ހިތްފަހި
ނއ (1) ހިތްފަސޭހަ (2) ފިކުރެއްނުވާ (3) ހިތްއަލި
ހިތްފަހިކަން
ނއ (1) ހިތްފަސޭހަކަން (2) ފިކުރެއް ނުވާކަން (3) ހިތްއަލިކަން
ހިތްފަހިވުން
މ (1) ހިތްފަސޭހަވުން (2) ފިކުރެއްނެތުން (3) ހިތްއަލިވުން
ހިތްފަޅައިގެންދިއުން
މ މަޖާޒު: (1) ހިތަށްމާބޮޑަށް ހިތިއަސަރެއް ކުރުން (2) ހިތަށް މާބޮޑަށް ވޭނާއި ކެކުޅުން ލިބުން
ހިތްފަސޭހަ
ނއ (1) ހިތްފަހި (2) ފިކުރެއްނެތް (3) ފިކުރުބޮޑުނުވާ (4) ހިތްއަލި
ހިތްފަސޭހަވުން
މ (1) ހިތްފަހިވުން (2) ފިކުރެއްނެތުން (3) ފިކުރުބޮޑުނުވުން (4) ހިތްއަލިވުން
ހިތްފުރިއެރުން
މ (1) މާބޮޑަށްހިތްއުފާވުން (2) މާބޮޑަށް ހިތަށް ހަމަޖެހުމާއި ތަނަވަސްކަން ލިބުން
ހިތްފޮޅިގެންދިއުން
މ މަޖާޒު: (1) މާބޮޑަށް ހިތަށް އުފާވެރިކަމުގެ އަސަރުވެރިވުން (2) މާބޮޑަށް އުފާވުން
ހިތްދަމައިގަތުން
މ (1) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ލޯތްބާއި ކުލުނު އުފެއްދުން (2) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ތަޢުރީފާއި އިސްތިޙުސާން އުފެދުން
ހިތްދަތި
ނއ (1) ހިތް ނުތަނަވަސް ވެފައިވާ (2) ކަންބޮޑުވެފައިވާ (3) ފިކުރުބޮޑުވެފައިވާ (4) ހިތާމަ ލިބިގެންވާ
ހިތްދަތިކަން
ނއނ (1) ހިތްނުތަނަވަސްކަން (2) ކަންބޮޑުވެފައިވާކަން (3) ފިކުރުބޮޑުވެފައިވާކަން (4) ހިތާމަ ލިބިގެންވާކަން
ހިތްދަތިކުރުން
މ (1) ހިތާމަކުރުން (2) ހިތްނުތަނަވަސް ކުރުން (3) ފިކުރުބޮޑު ކުރުން
ހިތްދަތިވުން
މ (1) ހިތާމަވުން (2) ހިތްނުތަނަވަސްވުން (3) ފިކުރުބޮޑުވުން
ހިތްދާހާތާކަށް ހަށިނުފޮނުވާށެވެ
(ހަރުބަހެއް) ހިތް އެދޭހައިކަމެއް ވިސްނުމަކާނުލައި ނުކުރުމުގެ މައްޗަށް ނަސޭހަތްތެރިވުމުގެ ގޮތުން ބުނެއުޅޭ ބަހެއް
ހިތްދިނުން
މ މަޖާޒު: (1) ހިތާވުން (2) މީހަކު ދެކެ މާބޮޑަށް ލޯބިވުން
ހިތްދެރަވުން
މ ހިތްބަލިވުން
ހިތްތަރު
ނ ހިތުގައިވާ ގޮތް
ހިތްތިރި
ނއ (1) ބޮޑާކަމުގެ އިދިކޮޅު (2) ތިމާގެ މިންވަރު ދަންނަ (3) އަދަބުވެރި