radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
މާޅޭނބޫ
ނ ނޫކުލައިގެ ކުދިކުދި މާތަކެއް ފޮޅޭ މާގަނޑެއް އަންނަ ކަށިޅޭނބޫއާ ވައްތަރު ބޭހަށް ބޭނުންކުރާ ފަތްޕިލާވެއްޔެއް
މާކެޔޮޅުކަން
ނ ބޮޑެތި މިޔަރު ބޭނުމަށްޓަކައި މިޔަރު އުޅޭ ވަނިވަންޏަށްގޮސް ކުރާ މަސްވެރިކަން ޢާއްމުކޮށް މިމަސްވެރިކަން ކުރާނީ ރޭގަނޑުގައެވެ
މާކޮށާރަށްކެނޑުން
މ ފަޅުރަށް ރަށުން ސަރުކާރަށް ދައްކާ އަހަރުވަރުވާ ހިޔަކުރާ އިރު ހަތަރު އަހަރުން އެއް އަހަރު ވަރުވާއިން މާކޮށާރަށް ބައެއް ނެގުން
މާއްޓަށްއެޅުން
މ ކުޅިޖެހުމުގެ ކުރާކަމެއް ކުޅިހުއްޓާރޭ އައްޑަނަކޮށީގެ ހަތަރު މީހުން ޖަހާ ކުޅީގައި ބޮންތި އެއްދިމާއަކަށް ތިރިކޮށްގެން ކުރާކަމެއް
މާވަޑިޔާ
ނ (1) ވަޑާމަށް މޮޅު މީހާ (2) ކިއްސަރު ވަޑާންކުރާ ބައެއްގެތެރޭގައި ހުންނަ އިސްމީހާ (3) މަޖާޒު: ކަމެއްގެ ފާޑުވެރިޔާ
މާމުއި
ނ (1) މާމުއި ކުޅަނދުރު ޖަމާކުރާ ހަކުރު. (2) ކެއުމަށާއި ބޭހަށް ބޭނުންކޮށް އުޅޭ އޮލަފޮނި އެއްޗެއް
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާމޫލު
ނ ރާއްޖެއަށް އެތެރެކުރާ މުދަލުން ސަރުކާރަށް ނަގާ ބައި ނުވަތަ މިފަދަ މުދަލުން ސަރުކާރަށް ނަގާ ފައިސާ
މާމޫލުނެގުން
މ ރާއްޖެއަށް އެތެރެ ކުރާ މުދަލުން ސަރުކާރަށް ނަގާބައި ނުވަތަ ނަގާ ފައިސާ ނެގުން
މާމޫލުމީހުން
ނ (1) މާމޫލަށް ނަގަންޖެހޭ ތަކެތި ހިސާބު ކުރާމީހުން (2) އިހުގައި މާމޫލަށް ނަގާތަކެތި ބަނޑޭރިގެއަށް ގެންދާން ލައްވަފައި ތިބޭ މަސައްކަތު މީހުން
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ
މާފިލާ
ނ ބޭހަށާއި ކެއުމަށް ބޭނުންކުރާ ފަތްޕިލާވެއްޔެއް މިއީ ގެދައާއި ވައްތަރު އެއްޗެކެވެ ގިނައިން ހެދެނީ ރަށްރަށުގެ ހޭޅީގައެވެ ފަތްތަންކޮޅެއް ބޯކޮށް ހުންނަ އެއްޗެކެވެ ފަތުގައިދޭނީ ލޮނުރަހައެވެ
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާތްބަސް
ނ ދިވެހިބަހުގެ އަދަބު ނިޔާކުރާގޮތުން މާތްކޮށް ވާހަކަދައްކަން ބޭނުންކުރާ ބަހުރުވައެއް
މާލަން
ގިނަބަޔަކު ޖަލްސާއެއް ކުރުމަށް ބައްދަލުވުމަށް ނުވަތަ ޝޯވް އެއް ބެލުމަށް ނުވަތަ ޕާރޓީއެއް ބޭއްވުމަށް ބޭނުންކުރާ ބޮޑު ކޮޓަރިއެއް ނުވަތަ ޢިމާރާތެއް
މާލަމު
ނ )ބދ ( މީހުނާ ބައްދަލުކުރާ ޚާއްޞަތަން މިސާލު: ބޮޑުކޮޓަރި
މާލިމީ
ނ (1) ދަތުރުކުރާ އުޅަނދުގެ ފަހަރުގެ ނިޔަމި (2) މުޢައްލިމް (3) މަޖާޒު: ދައުލަތް ހިންގުމުގެ އެންމެ އިސްވެރިޔާ
މާލިމީކަން
ނ (1) ދަތުރުކުރާ އުޅަނދުފަހަރުގެ ނިޔަމިކަން (2) މުޢައްލިމުކަން (3) މަޖާޒު: ދައުލަތް ހިންގުމުގެ އެންމެ އިސްވެރިކަން
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގައިވުން
މ )ސ.( ކަންދިމާވާގޮތަކުން އަންހެނުންގެ ކުރިމަތިފަރާތުގެ ދަރިދޮރު ބޮޑުވުން. )މަސައްކަތުގެ ތެރޭގައިވެސް އެކުރާކަމެއްގައި އެއްޗެއް މިންވަރު ކުރާތަނަކުން ދޫވެއްޖެނަމަ މީ މާގައި ވެފައިވާ އެއްޗެކޭ ބުނެއެވެ