radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ވެއްދުން
މ (1) އެކައްޗެއްގެ ތެރެއަށް އަނެކައްޗެއް ބޭނުން. (2) އެއްޗެއްގެ ތެރެއަށް އެއްޗެއް ލެއްވުން. (3) މީހަކު ވަޒީފާއަކަށް ނުވަތަ ތަނަކަށް ލެއްވުން. (4) ތަނަކަށް އެއްޗެއް ވަންނާނެގޮތް ހެދުން. މިސާލު: އަލިވެއްދުން ގޮންޏަށް މަސްވެއްދުން
)ބިންމަތިފަސޭހަވާ ބަލި( )ބޮޑު ތުރައު( ވެއްޓޭބަލި
ނ ބޮލުގެ ބައްޔެއް. މިބަލީގައިވާގޮތަކީ ކުއްލިއަކަށް މީހާ ހޭނެތިގެން ވެއްޓި އަތްފައިން ވައްތަރު ޖެއްސި އަގައިން ފޮނު ނުކުންނަނީއެވެ
ވެއްޖެ ފަރިތައެއް ނުފިލާނެ
މ )މުސްކުޅިބަހެއް( މިއީ ފިލުވައިލުން އުނދަގޫ އާދަތަކަށް ބުނެ އުޅޭ ބަހެއް
ވެދުންއެޅުން
މ (1) ހަދިޔާގެ ގޮތުން ރަސްރަސްކަލުންނަށް ގެންނަ އެއްޗެހި ކޮޅު އެރަސްކަލަކު ހުންނަވާ ތަނަކަށް ނުވަތަ އެންގެވި ތަނަކަށް ގެންދިއުން (2) ރާއްޖެއިން ބޭރަށް ގޮސްފައި އަންނަ ރާއްޖެތެރޭގެ އޮޑިފަހަރުން ސަރުކާރަށް ވެދުންކުރުން
ވެލިއެރުން
މ (1) ތަނަކަށް ވެލިލައްވުން (2) ތަނަކަށް ވެލިއަރާ އުސްވުން
ވެލިމަށި
ނ މޫދުގައި ހެދޭ ހުދުކުލައިގެ ވެލިގަހެއް. މިގަސް ހެދެނީ ވެލަށްދެމޭ ގޮތަށެވެ މިގަހުގެ ފަތަކަށް ހުންނަނީ ވެލި ފޮއްޗެވެ މިގަހަށް "ވެލިފޮތި ގަސް" މިހެންވެސް ކިއައެވެ
ވެޑިމަތި
ނ )ޏ.( ފަރިވަޅު. )މަސްބަޔަކަށް 63 )ތިންދޮޅަސް( މަސް ލިބުނީމާ އޮޑިން މަހަށް ދިޔަ މީހުންނަށް އޮޑިވެރިންދޭ އާދައެއް
މަހާނަގާ
ނ ކަށްގާ މަރުވެފައިވާ މީހާ ވަޅުލެވިފައިވާތަން ފާހަގަކުރުމުގެ ގޮތުން ޖެހުމަށް ހިރިގަލުން ނުވަތަ އެފަދަ އެއްޗަކުން ވަކި ސިފައަކަށް ހަދާ އެއްޗެއް
މަހާއޮޑިޔާވުން
މ (1) މަހާވުން (2) މަސްދޯންޏާ ދިމާއަށް މަސްއައިން އައުން )ދޯންޏަކަށް ރަނގަޅަށް މަސްބޭނޭގޮތްވުން ( (3) މަޖާޒު: ލޯބީގެ ރޮނގުން ނުގުޅިގެން އުޅުނު މީހަކާ ގުޅޭގޮތްވުން
މަހިފޮޅުން
މ މަހިއުފެދޭގޮތަށް ފެންމައްޗަށް ތިލަވެއުޅޭ މަސްއައިނާއި މަހުގެ ބައިބައިގަނޑު ބަޑިތަޅައިގެންފައި ކުއްލިއަކަށް އަޑިއަށް ދިއުން
މަހުމުސާރަ
ނ ކުރާ މަސައްކަތުގެ އުޖޫރައިގެ ގޮތުން މަސްދުވަހަކަށް ކަނޑައެޅިފައިވާ ފައިސާ
މަހުޖެހުން
މ (1) އަލަށް މަހަށް ދިޔަ މީހަކު ދޯނީގައި އިންދައި އެދޯންޏަށް މަސްބޭނޭގޮތްވުން (2) އަލަށް މަހަށްދާ ދޯންޏަކަށް ފުރަތަމަ ދުވަހު މަސްބޭނޭގޮތްވުން
މަހެއްފަހާލާވަރުގެ މަހެއް ހުރެދާނެ
)މުސްކުޅިބަހެއް( ތިމާވަރު މޮޅުމީހަކު ނެތް ކަމަށް ހީވެގެން އުޅޭ މީހުނާ ދިމާއަށް ބުނެއުޅޭބަހެއް މާނައަކީ އެކަކަށްވުރެ މޮޅު އަނެކަކު ހުރެދާނެއެވެ
މަނާމަންތިރިވުން
މ (1) ރާޒުވާ ކުޅޭއިރު އެއްފަރާތުގެ މަނާ އިދިކޮޅު ކުޅުންތެރިޔާ އާ އެންމެކައިރީ ގޮޅިބަޔަށް ދިޔުން (2) މަޖާޒު: ދަށު ދަރަޖައިގެ މީހަކު މަތީ މަޤާމަކަށް ދިއުން
މަނީއޯޑަރު
ނ ތަނަކަށް ފޮނުވަން ބޭނުންވާ ފައިސާގެ ބަދަލުގައި އެލިއުމެއްގެ ސަބަބުން ފައިސާ ލިބޭގޮތަށް ފޮނުވޭ ލިއުމެއް
މަންމަންވުން
މ (1) އަޑުނީވޭ ވާހަކަ ނުދެއްކޭގޮތްވުން )މަންމަނަކަށްވުން( (2) މަޖާޒު: ކަމަކާ ހިތާނުވެގެން ނުވަތަ އެނޫންވެސް ސަބަބަކާހުރެ އަނގައިން ނުބުނެހުރުން
މަންދޫބު
ނ (1) މީހެއްގެ ފަރާތުން ނުވަތަ ބައެއްގެ ފަރާތުން އަނެއް ތަނަކަށް ފޮނުވޭ މީހާ (2) އަމުރުވެރިކަމުގެ ބާރުދީފާ ތަނަކަށް ފޮނުވާމީހާ (3) ކޮންފަރެންސްތަކާއި ޖަލްސާފަދަ ތަންތާގައި ބައިވެރިވާމީހާ
މަންޑިއަކަށްއެއްލާލުން
މ ކުއްލިއަކަށް އެއްލައިލުން
މަންޒިލްކުރުން
މ ދަތުރުވެރިއަކު ތަނަކަށް ފައިބާ މަޑުކުރުން
މަރަށްތެޅުން
މ (1) މީހެއް ނުވަތަ އެއްޗެއް ފުރާނަދާވަގުތު ލިބޭ ވޭނެއްގެ ސަބަބުން ތެޅޭ ތެޅުން. (2) ލިބޭ ހާނީއްކައެއްގެ ސަބަބުން ފުރާނަދާއިރު ތެޅޭ ތެޅުން. (3) މަޖާޒު: ކަމަކަށް އަވަސް އަރައިގަނެގެން އުޅޭ އުޅުން. )މިހެން ބުނެ އުޅެނީ ކަމެއް ބޭނުންވެގެން އުޅުމުގައި މާބޮޑަށް ކެތްތެރިކަން ކުޑަވެގެން އުޅުމަށެވެ