radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
އަށްބޮނޑިންހަތަރުބޮނޑިޖެހުން
މ ބިލެތް ފައްތަރުލައި ކަފައިގެން ދެގަނޑު ބިލެތުން އެއްގަނޑު މަގުން ހަދައި ދަތްޕެއްގައި ޖެހުން މިގޮތަށް ޖަހާނީ އަށްބޮނޑިބިލެތް ކަފައިގެން ހަތަރު ބޮނޑިކަމުގައެވެ
އަނހާއައްދޭ
އ އަޖާއިބުވެގެން ނުވަތަ ވީދެރަކަމަކުން ނޫނީ ކުޅަ އަސަރަކުން ބުނެވޭ ބަހެއް
އަނހާފަހެ
އ ތިމާކުރިކަމެއް ނުވަތަ ކުރާނޭކަމެއް ނޫނީ ބުނިބަހެއް ރަނގަޅުކަމުގައި ތައުކީދެއްގެ ގޮތުން ބުނެއުޅޭ ބަހެއް
އަނބިހި
ނ ވަރަށްހުތް މަޝްހޫރުމޭވާއެއް މިގިނައިން ބޭނުންކުރަނީ ހިއްކައިގެންނެވެ
އަނބިފިރިކަން
މ (1) ދެމީހަކު އިނދެގެން އުޅުން (2) ކައިވެނީގެ ގުޅުން
އަނބުޅަ
އަނބަށްވުރެކުދި އެފާޑަށްހުންނަ ހުތްމޭވާއެއް. މިދޮންވީމާ ލާނީހުތް ފޮނިރަހައެކެވެ
އަނމާބަނޑު
އ އަންހެނުން ސިހުނީމާ ބުނެއުޅޭ ބަހެއް
އަނދަވަޅު
ނ (1) ކެޔޮގަނޑު ދޮންކުރާންލާވަޅަށް ދުންދާނޭހެން ކައިރީގައި ކޮނެ ކެޔޮގަނޑު އޮތް ވަޅަށް ފޫވައްޓައިފައި ހުންނަ ކުޑަ ވަޅެއް. ކެޔޮވަޅަށް ދުންލާނީ މިވަޅުގައި ކެޔޮފަތް ފަދައެއްޗެއް އަންދައިގެންނެވެ. (2) މީހުން ވައްޓައިލުމަށްޓަކައި ދިގުކޮށް ކޮނެމަތިން ފަތްއަޅައިފަސް ލައި މަތި އޮމާން ކޮށްފައި ހުންނަ ވަޅު
އަނދިރި
ނ (1) އަލިކަމުގެ އިދިކޮޅު (2) ދޮންދޫނީގެ ބާވަތެއް މިހުންނާނީ ދޮންދޫންޏަށްވުރެ ކަޅުކޮންނެވެ ނއ (3) އަލިކަންނެތިފައިވާ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނދުންހުލި
ނ ލޮލުގެ ތިރީރަވައިގައި ނަގާ ބަލިކަމެއް އެހުންނަނީ ބިއްސެއް ނުވަތަ ކުޑަމުލިއްސެއް ހެންނެވެ
އަނދުންވަރުނަ
ނ އަނދުން އެޅީމާ ފެންނަ ގޮތަށް ހުންނަ މިބަސްބޭނުންކުރަނީ ރަސޫލުﷲ ޞައްލައްﷲ ޢަލައިހިވަސައްލަމައާ ނިސްބަތްކޮށެވެ
އަނދުންދަވާދު
ނ ކާށިތެލުގެ އަނދުނާއި އަދިވެސް ބައެއްތަކެތި ބޭސްގަށާ ހަނަކަށް އަޅައިގެން ފެންއަޅައި އެތައްގަޑިއެއްގެއިރުވާދެންގަށައި ކަފާސްލައިގެންއަޅާ ދަވާދު މިއަށްޖަހާނީ ވަކިގޮތަކަށް ކައްކައިފައި ހުންނަ ރާހުތެކެވެ
އަނގަހޭވުން
މ މީހަކު އެއްޗެއް ބުނީމާ ބުނާނެ އެއްޗެއް ނޭގިގެން އަނގަގޮތަކަށް ހެދުން
އަނގަރަކާ
ނ ބޮޑުމުސްކުޅި ބޭކަލުންގެ ޚާއްޞަ ރަސްމީ ލިބާހެއް މިއީ ކަކުލަށްވުރެ ތަންކޮޅެއް މައްޗަށް ހުންނަ ބަނޑުފެޅި ލިބާހެކެވެ މީގެއަތުކުރީގައި އޮންނާނީ ސަންޖާބު އަޅައިފައެވެ
އަނގަކޮޅު
ނ (1) އަނގަ ހުންނަ ކޮޅު (2) ރަކިވެފައި ނުވަތަ ޙައިރާންވެފައިވާ މީހާގެ އަނގަ މިބަސް ބުނަނީ މަލާމާތުގެ ގޮތުންނެވެ
އަނގުނު
ނ އުނދޯލީގެ ދެކޮޅުގައި ދަށުން އަޅައިފައި އޮންނަ ދެވާލު އުނދޯލިއެލުވައިފައި ހުންނަނީ މީގެދެކޮޅަށް ދެވައު ލައްވައިފައެވެ (2) ފިލާ ވަކަރު ފަދަ އެއްޗެހި ބަހައްޓާން ހުރަހަށް ބަންނަ ތަކެތި
އަނާ
ނ (1) އަހަރެންނޭ ބުނާބަސް މިބަސް ބޭނުންކުރަނީ ޅެމުގައެވެ (2) އިންޑިއާގެ ސިއްކައެއް އެއީ ރުފިޔާއެއްގެ ސޯޅަބައިކުޅައެއްބައެވެ
އަނިބިހިރިހަ
ނ އަނިބިހިއަޅައިގެން ކަނޑުމަހުގައި ނުވަތަ ފަރުމަހުގައި ކައްކާމީރު ކުޅި ރިހައެއް މިހުންނާނީ ކަޅުކުލައެއްގައެވެ