radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ތާރުއެޅުން
މ (1) މަގުމަގާއި ވައިގެބަނދަރުފަދަ ތަންތަން ހެދުމުގައި ބިންގަނޑު ތަޅައި ހަރުކުރުމަށްފަހު ތާރުގެ ތަޅުމެއް ދުއްވުން (2) ތާރުގެފަށަލައެއް ދުއްވުން
ތާޅަފިއްޔާދިއުން
މ އިހުގައި ކޮންމެ ހުކުރުވިލޭރެއަކު ފަތިހު ހަތަރެއްޖެހީމާ ތާޅަފިލިވެރިއަކު މާލޭގެ ކޮލި ހިނގާމަގުގައި ތާޅަފިލި ފުމެމުންހިނގުން
ތާވަޅަ
ނ ފަޅުތެރޭގައި އުޅޭމަހެއް މިއީގާތްގަނޑަކަށް ކުދިމުށިމަސްވަރުގެ ބޮނޑިމަސްކޮށް ހުންނަމަހެކެވެ މިއީބައިބައިގަނޑަށްއުޅޭ މަހެކެވެ މިއީ އެމަކަށްވެސް ބޭނުންކުރާ އެއްޗެކެވެ
ތާވައްފިލާ
ނ )ގ ( މަސްދޯނިފަހަރުގެ އެންވަތާއި މަސްވަތާ ދެމެދުގައި ފެންހިނގާގޮތަށް ތޮރުފައިފައި ހުންނަފިލާ
ތާގައު
ނ )ސ ( ރާނަން ބިންގާއަޅާއިރު ދެފާރުބައްދަލުވާ ކަނުގައިއަޅާގާ
ތިހި
ނ )ސ ( (1) ކުޑަކުދިން ގާތުގައި އަނގަޔަށްލުން ރަނގަޅު ނޫން އެއްޗެކޭ ބުނާބަސް (2) ޗީ (3) އައްޗި
ތިރިވުން
މ (1) ހުރިއުސް މިނަކަށްވުރެ ބިމާ ގާތްވުން (2) އުސްމިނުންކުޑަވުން މަޖާޒު: (3) ހުރިމަޤާމުން ދަށަށް ދިއުން (4) ހިފިނުހުރެގެން އުޅޭމީހާ މަތަވުން
ތިއަރީ
ނ (1) އެއްޗެއް އަނެކައްޗަކާ ގުޅޭގޮތް މަޢުލޫމާތުން ދައްކާދެއްކުން (2) ޤަބޫލުކުރާގޮތް (3) ސިޔާސަތު (4) ކަމަކަށް އަމަލު ކުރަންޖެހިފައިވާ ގޮތް (5) ކަމެއް ހިނގާގޮތުގެ އަސްލު ސައިންސް ވެރިން ކިޔައިދީފައިވާގޮތް (6) ބަޙުޘެއް ކުރުމަށްޓަކައި ހިފަހައްޓާ އުޞޫލު (7) ޚިޔާލަށް ކަމެއް ވިސްނިފައި އޮންނަގޮތް
ތިއްޖެހިފާނަ
ނ ފަޅުތަކުގެ ބޭރުގައި މުރަކަތަކާއި ގާތަކުގެ ނިވަލުގައިއުޅޭ މަހެއް މިއީގަދަ މުށިކުލައިގެ ތިކިތަކެއް ހުންނަ ކޮތަރިބައިގައިވެސް ތިކިތަކެއް ހުންނަ ނިގޫފަތުގެ ކައިރިފަށް ފަނޑުހުދު ކުލައެއްގައި ހުންނަ މަހެކެވެ
ތިމަރަ
ނ (1) ޓިނާއި ޖަސްތުފަދަ ތަކެތިން ހަދާތަކެތި ބެއްދުމަށް ގެންގުޅޭ މަޢުދަނީއެއްޗެއް މިއަލިފާނުން ވިރޭނެއެވެ މިއީ ފެނުބާރު ހިފާވަރަށްވުރެ ބަރުއެއްޗެކެވެ (2) އުރަވަޅީގައި ނަގާބައްޔެއް
)ތިލަފަތުން ތަކެތިކިރަން ބޭނުންކުރާ ރާތަލާއިގާ( ތިލަފަތްގައު
ނ ރާތާގާ
)ހަމައެކަނި އަންހެނުންނަށް( ތިޔަ
ނ (1) ވާހަކަދެކެވޭ ދެވަނަ ފަރާތުގެ ކައިރީގައި ހުރި އެއްޗަކަށް ނުވަތަ ގާތުގައި ހިނގާކަމަކަށް އިޝާރާތް ކުރުމުގެ ގޮތުން ބޭނުންކުރާ އިޝާރާތުގެ ނަމެއް މިސާލު: )ހ( ތިޔަމޭޒު )ށ( ތިޔަގޮނޑި )ނ( ތިޔަކަންތައް )ރ( ތިޔަގެ )ބ( ތިޔަވާހަކަ (2) )ޏ ( ކަލޭ
ތުނޑުސުފުރާ
ނ ހަތްކޮޅުނަގާ ބޭފުޅުންގެ ދަށަށް ތިއްބަވާ ބޭފުޅުން ފަރީއްކުޅުއްވާއިރު އަޅާފޮތިގަނޑު މިހުންނާނީ ހުދު ފޮތިގަނޑެއްގައި ކަޅުކަނޑިކީން ތުނޑު ބަރިއެއް އަޅައިފައެވެ
ތުންބެއްދުން
މ (1) އެކިއެކި އެއްޗެހީގެ ތުނބުން ވައިނުހިނގާ ގޮތްހެދުން (2) މަޖާޒު: ވާހަކަ ނުދައްކައި އިނުން (3) ބައެއްކަހަލަ ހެދިކާ ހަދާއިރު ފުށްގަނޑުގެ ތެރެއަށް އަޅަންވާ އެއްޗެއް އަޅައިފައި ފުށްގަނޑުގެ ދެކައިރި ޖައްސައި ބާރުކުރުން (4) މައުދަނުން ހަދާ ބޮޅުފަދަ ތަކެތީގެ ދެކޮޅު ޖައްސައި ގުޅުވުން
ތުންމަތި
ނ (1) އޮޑިދޯނި ފަހަރުގެ ދިރުނބާކޮޅުން މައްޔަލުން ބޭރަށް ދައްސޫރަ ދަމައިފައި ދައްސޫރަޔަށް ކަނިއަޅައިފައި ނަގާރިޔާ (2) ޖީބުރިޔާ (3) )ޏ ސ ( މެދުގޯތި ފިޔަވައި ގޯތި ތެރޭގައި އޮންނަތަން
ތުންމަތިރިޔާ
ނ އޮޑި ދޯނިފަހަރުގެ ދިރުނބާކޮޅަށް ދައްސޫރަ ދުއްވައިފައި ނަގާރިޔާ
ތުންތެޅުވުން
މ (1) އަނެކަކަށް އަޑުނީވޭގޮތަށް އެއްޗެއްކިއުން (2) އަނެކަކަށް އަޑުނީވޭގޮތަށް ވަކިމީހަކު ގާތުގައިވާހަކައެއް ބުނުން ނުވަތަ ދެމީހުންދެމީހުނަށް އެގޮތަށް ވާހަކަދެއްކުން
ތުރިއްޔާނު
ނ ސަމުގާގެ މިސުރާބެއް މިއީމުރިނގާ އެންމެ ކައިރިޔަށް ދެފަރާތުން ހުންނަ މިސްރާބެވެ
ތުކުއްލާ
ނ )ގ ( ސުންކަން ޖަހަން ނަގާ އެތިކޮޅު
ތުއްރަވާސް
ނ ރަސްކަލުންނާއި ހަތްކޮޅުނަގާ ބޭފުޅުންގެ ފަގުޑިކޮޅުގެމެދުގައި ޖަހައިފައިހުންނަ ހިމަދިގު މާގަނޑެއްކަހަލަ އެއްޗެއް މިހަދައިފައި ހުންނަނީ ރަނުންނެވެ