radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ރަތްގާ
ނ ރާއްޖޭގެ ބައެއްފަޅު ފަޅުގައިހެދޭ ކަޅުރަތްކުލައިގެ ގަލެއް މިގަލުގައި ހުހިވަކުތެރޭ ލޯވަޅު ހުންނަހެން ލޯވަޅު ހުރެއެވެ
ރަތްގޮވި
ނ ފަނިފަކުސައެއް މިއީ ޢާއްމުކޮށް ކަރާ ވެލުގައި އަޅާއެއްޗެކެވެ މީގެ ތޮށިގަނޑުވަރަށް ހަރުވާނެއެވެ ކުލައަކީ ރަތްކުލައެވެ ފަތުގެ ދަށްފަރާތުގައި އިނދެގެން ފަތްކަމުން ގެންދާނެއެވެ
ޖަނބުރޯލު ބަލާ! ރަތްޖަނބުރޯލު
ނ ރަތްކުލައިގައި ހުންނަ ޖަނބުރޯލު
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރަސްހަކުރު
ނ އިހުގައި ރާވެރިން އަތުން ކާރުދަވެރިން ސަރުކާރަށް ނެގި ހަކުރެއް
ރަސްހުވަނދު
ނ ދިވެހިބޭހަށް ބޭނުންކުރާ ބާވަތެއް އާންމުގޮތެއްގައި މިބޭނުންކުރަނީ ލޮލު ބޭހަށެވެ މިހުންނަނީ ކަޅުރަތް ކުލައެއްގައެވެ މީގައި މީރުވަހެއް ހުރެއެވެ
ރަސްރޯނު
ނ (1) ރިނބުދޫ މީހުން އަތުން އިހުގައި ވަރު ހަނގުންނަށް ނަގާ ރޯނެއް (2) ރީތިކޮށް ވަށައިފައި ހުންނަ އެންމެ ހިމަ ރޯނު
ރަސްބޮލި
ނ ރިނބުދޫ މީހުންގެ އަތުން ވަރު ހަނގުންނަށް އިހުގައި ނަގާ ބޮއްޔެއް
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްދަނބުރުއް
ނ (1) ފަނާއި ރުކުގައި ގަންނަތަކެތީގައި ރަންކުލައާއި ގާތްކުލައެއް ހުންނަ ދަނބު ރުއް (2) )ހ ( ރަތްދަނބުރުއް
ރަސްދޯނގި
ނ ދޯނގީގައި ނަގާ ބައްޔެއް. މިބަލި ނަގަނީ ގަނޑެއްގެ ގޮތަށެވެ. މިގަނޑު ނެގުމަށްފަހު ކުޑަކަޅުވާމަހާއި ފަލަމަސްގަނޑާ ހަމައަށްވެސް އެބަލީގެ އަސަރު ފެތުރިގެންދެއެވެ ދޮސްގަނެ އުމަގުވެއެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަޖަބޫތުން
ނ އުތުރު އިންޑިޔާގައި އިހުޒާމަނުގައި ތިބި ހިންދީ ރާޖާއިންގެ ދަރިކޮޅަށް ނިސްބަތްވާ މީހުން
ރަޖަމު
ނ ޞައްޙަ ކާވަންޏެއްގައި ވަޠީވެފައި ހުރިމީހަކު ޒިނޭކުރީމާ ހައްދެއްގެ ގޮތުގައި އުނަގަނޑާ ހަމައަށް ވަޅުލައިގެން ކުދިހިލައިންތަޅައި މަރާމެރުން
ރަޖަމްކުރުން
މ ޞައްހަކާވަންޏެއްގައި ވަޠީވެފައި ހުރިމީހަކު ޒިނޭކުރީމާ ހައްދެއްގެގޮތުގައި އުނަގަނޑާހަމައަށް ވަޅުލައިގެން ކުދިހިލައިން ތަޅައި މެރުން