radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ލޯނަރު
ނ ލޮއިން ހަދައިފައި ހުންނަނަރު
ލޯކަށި
ނ (1) ލޮއިން ހަދައި ލަކުޑީގެ މުށްގަނޑެއްގައި އިންދައިފައިވާ ކައްޓެއް. މިއީ މުލިހިފަދަ ތަންތަން ތުއްވައި ދޮހާއި ނުބައި ލޭ ނެރުމަށް ބޭނުންކުރާ އެއްޗެކެވެ (2) )ސ ( ލޮލުގެ ތިރީ ކައިރިން އުފުލިފައި ހުންނަ ކަށިގަނޑު
ލޯކަންވާރު
ނ ލޮއިން ހަދައި ތައްޔާރުކުރާ ތަށިތެލި ދޮލަނގުފަދަ ތަކެތި
ލޯކަރުދާސް
ނ ކަރުދާސްހައިތުނިކޮށް ލޮއިން ހަދައިފައި ހުންނަ އެއްޗެއް
ލޯކަދާ
ނ ލޮއިން ހަދައިފައި ހުންނަ ކަންވާރެއް މިހުންނަނީ އުނބު ގަނޑެއްގެ ސިފައިގައެވެ މީގެ ބައެއް އެއްޗެހީގައި ކުރެހުން އަޅައިފައިވެސް ހުރެއެވެ
ލޯކުރާ
ނ (1) ކަރުހިމަކޮށް ވައްގަނޑު ދިގުކޮށް ހަދައިފައި ހުންނަ ކުރައެއް (2) އަތްދޮންނަ ކުރާ (3) ނަމޫނާ ކުރާ
ލޯއުނގުޅާބޭސް
ނ ލޮއިން ހަދައިފައިވާ ތަކެތި ސާފުކުރުމަށް ގެންގުޅޭ ބޭހެއް
ލޯވަށި
ނ (1) އަނގަމަތި ބޮޑުކޮށް ކައިރިފަށް އުސްކޮށް ފޫގޮނިކޮށް މަޢުދަނުން ހަދައިފައި ހުންނަ ތަށި (2) )ބދ ( އުޑު
ލޯތަށި
ނ ވަށައި ކައިރި ފުޅާކޮށް ޒިންކުން ނުވަތަ އެލްމެނިޔަމުން ހަދައިފައި ހުންނަ ބޮޑެތި ތަށި
ލޯގަނޑު
ނ (1) މޫނު ބެލުމަށްޓަކައި ތައްޔާރުކޮށްފައި ހުންނަ ރަހަލީ ބިއްލޫރި (2) ލޮއިން ހަދައިފައި ހުންނަ ކަންވާރެއް މިއީ އެކިއެކި އެއްޗިހި ކައްކަން ބޭނުންކުރާ އެއްޗެކެވެ (3) ނަމޫނާ ކުރަޔާ އެކުގައި މީހުން އަތް ދޮއްވައި ކޯދޮއްވައި ހަދަން ގެންގުޅޭ ކަންވާރު (4) ލޯ ތާނެއްގެ ބައެއް
ލޯގަނޑުކެނޑުން
މ ދަމުއަށީގައި އެލުވައިފައި ހުންނަ ލޯގަނޑުގައި ޖަހަންވާ ގަޑީގައި ނުޖެހުމުގެ ސަބަބުން ކުދި ބޭކަލަކު ލޯގަނޑު ނައްޓައިލައިގެން ގެންގޮސް ދެގެ ދޭތެރޭގައި ބޭއްވުން މިހެން ހަދައިފިނަމަ ދެން ލޯގަނޑު ގެންދެވޭނީ އަލުން އިޒުނަ ހޯދައިގެންނެވެ
ގަހުވަޚާނާ
ނ (1) ގަހުވަބޯން ހަދައިފައިވާތަން (2) ސައިހޮޓާ
ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގަނޑުކަނޑާފޮތް
ނ ސިޓީ ލިޔުން ފަދަ ކަންކަމުގައި ބޭނުން ކުރުމަށް އެކި ގަނޑުގަނޑު ވަކި ވަކިން ކެނޑޭ ގޮތަށް ހަދައިފައި ހުންނަފޮތް
ގަނޑުލުން
މ (1) ލަކުޑިން ހަދައިފައި ހުންނަ އެއްޗެހީގެ ހަލާކު ވެފައި ހުންނަ ބައި ނަގައި އާބައެއް ލުން (2) ހަށިގަނޑުގެ ތަންތާގައި ގަނޑު އުފެދުން
ގަންނަވައިލުން
މ (1) ކޮއްޕައިލުން. (2) ވައްދައިލުން މިއީ ދަށް ބަހުރުވައިގައި ބޭނުން ކުރެވޭ ބަހެކެވެ
ގަންބޫޓު
ނ ފެނުތެރޭގައްޔާއި ކިސަޑު ތަންތަނުގައި ހިނގުމަށްޓަކައި ރަބަރުން ހަދައިފައި ހުންނަ ދިގު ބޫޓެއް
ގަންޖު
ނ ކުރަފަތްފަދަ ތަކެތިލާން ހަމުން ހަދައިފައި ހުންނައުރަ
ގަރާޖު
ނ (1) އެއްގަމުގައި ދުއްވާ އެއްޗެހި މަރާމާތު ކުރުމަށް ވައްދާ ތަން (2) އެއްގަމުގައި ދުއްވާ އެއްޗެހި ހިޔާކޮށްފައި ބާއްވަން ހަދައިފައިވާ ތަން
ގައިހެދުން
މ (1) ދޫނިސޫފާސޫފި އޭގެ ފަތްގަނޑު ރީތިކުރުމަށްޓަކައި ފިޔަގަނޑު ތަޅުވައި ތުނބުން ގައިގެ ފަތްތައް އޮމާންކުރުން (2) މަޖާޒު: ހެދުމާއި އިސްތަށިގަނޑު ރީތިކުރުމަށް އިރުއިރުކޮޅާ އެކި ގޮތްގޮތްހަދައި ފަރިބަލައިހެދުން