radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ތޮށިޖެހުން
މ (1) އޮޑިދޯނިފަހަރު ބާލައި އެހެލާއިރު ފަށަންދަށަށް ރޯގަހުގެ ތޮށިލެއްވުން (2) ވަޅިއެއްގެ ބޭނުންކޮށްގެން ދަނޑިއަކުން ތޮށިފިލުވުން (3) މަޖާޒު: )ސ ( އަނެކަކާބެހޭ ޝަކުވާކުރުން
ގޯނިމާލި
ނ (1) ގޯނިން ހެދިފައި ހުންނަމާލި (2) މަޖާޒު: ގަޔަށްދޫކޮށް ހުންނަ ލިބާސް ލައިގެން ހުންނަ އަންހެނާ
ގޯނިފުލަށްލުން
މ މަޖާޒު: މީހަކު ހައްދައިލުން
ގޯންޏަށްލުން
މ މަޖާޒު: މީހަކު ހައްލައިލުން
ގޯޅިއެޅުން
މ (1) ގޮސްގޮސްހުރި މަގުފިޔަވައި އެހެން މަގަކަށް އަނބުރައިލުން (2) މަޖާޒު: ދައްކަމުން ދިޔަ ވާހަކައިގެ މިސްރާބު ބަދަލުވުން (3) ތެދުމަގުން އެއްކިބާވުން
ގޯޅިއެޅުވުން
މ (1) މަޖާޒު: މީހަކަށް އޮޅުވައިލައިގެން އެމީހަކު ލައްވައި ގޯހެއް ހެއްދުން (2) މަޖާޒު: މީހަކު ރަނގަޅުމަގުން އެއްކިބާކޮށްލުން
ގޯއްޖަށްލުން
މ (1) ކަނޑުގައި ދުއްވާ ތަކެތި މަރާމަތުކުރުމަށް ގޯއްޖަށް ވެއްދުން (2) މަޖާޒު: ވެރިޔަކު ރުހިވަޑައިނުގެން އޮފީހަށް ނުނުކުންނަގޮތަށް ގެއަށް ފޮނުވައިލެއްވުން
ގޯވިރިށާ
ނ )ސ ( މަޖާޒު: އަބަދު ރޯކުޑަކުދީންނަށް ކިޔާނަމެއް
ފާލުންނެއްޓުން
ނ މަޖާޒު: ހަމައިން ނެއްޓުން
ފާލުއެޅުން
މ (1) އެއްޗެއް ނޭނބުރޭގޮތަށް ނުވަތަ ނުހިނގާ ގޮތަށް ތަންޑެއް އެޅޭގޮތްވުން (2) މަޖާޒު: ހިނގަހިނގައި ހުރިކަމަކަށް ދިމާވާ ސަބަބަކުން ހުއްޓުން އެރުން
ފާގަތި
ނއ (1) އުފާ (2) އަރާމު (3) ތަނަވަސް (4) ބާއްޖަވެރި (5) މަޖާޒު: ކުޅަދާނަ (6) މޮޅު
ފާގަތިކަން
މ (1) އުފާވެރިކަން (2) ތަނަވަސްކަން (3) ބާއްޖަވެރިކަން (4) މަޖާޒު: ކުޅަދާނަކަން (5) މޮޅުކަން
ފާގަތިވުން
މ (1) އުފާވެރިވުން (2) ތަނަވަސްވުން (3) ބާއްޖަވެރިވުން (4) މަޖާޒު: ކުޅަދާނަވުން (5) މޮޅުވުން
ފިހާރަވެރިން
ނ (1) ފިހާރަ ފިހާރައިގެ ވެރިން (2) ވިޔަފާރިވެރިން (3) މަޖާޒު: މުދާވެރިން
ފިހާރަވެރިޔާ
ނ (1) ފިހާރައިގެ މިލްކުވެރިޔާ (2) ފިހާރައެއްގައި ވިޔަފާރިކުރާ އިސްމީހާ (3) މަޖާޒު: މުދާވެރިޔާ
ފިނދުވީދައިގެންކެއުން
މ (1) އެއްޗެއް ފިނދުދޮށަށްލައި ފޮރުވައިގެން އިދެ އެތިއެތި ކޮޅުން ކެއުން (2) މަޖާޒު: މީހަކަށް އުޖޫރައެއް ނެތި މަސައްކަތް ކޮށްދޭއިރު އަމިއްލަ އަތުން ޚަރަދުކޮށްގެން ކައިބޮއި ހެދުން
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިނިކަންދިނުން
މ (1) ފިނިވާނޭގޮތް ހެދުން (2) މަޖާޒު: ހިތްހަމަޖައްސައިދިނުން
ފިނިކުރުން
މ (1) އައިސްކުރުން (2) އިންސާނާގެ ހަށިގަނޑަށް ވައިފެނުން އަރާމުލިބިގަތުން (3) މަޖާޒު: ހޫނުކޮށް ހިނގަމުންކަމެއް މައިތިރިކުރުން (4) ރުޅިމަޑުކުރުވުން
ފިނިވުން
މ (1) ހޫނުގެ އަސަރުކެނޑުން (2) ގަނޑުފެނާއި ފިނިކުރި އެއްޗެހިންވާ އިޙްސާސް އުފެދޭ ގޮތްވުން މަޖާޒު: (3) ބިރުންފަސްޖެހޭ ގޮތްވުން (4) ރުޅި މަޑުވުން (5) ކަމެއްގެ ބާރުކެނޑުން