radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންފުޅި
ނ އިހުގައި ވަގުތުބެލުމަށް ގެންގުޅޭ ސާއަތްފުޅި. މިއީ މެދަށްވަރަށް ހިމަކޮށް ދެކޮޅަށް ފަލަކޮށް ހުންނަ ފުޅިއެކެވެ. މިފުޅިހުންނާނީ އެއްކޮޅުގައި ހުންނަ ހިލަވެލި ފުޅީގެ މެދުގައި ހުންނަކުޑަކުޑަ ލޯވަޅަކުން އަނެއްކޮޅަށް ފައިބާ ގޮތަށެވެ މިފުޅީގެ އެއްކޮޅުގައި ހުންނަވެލި އަނެއްކޮޅަށް ފައިބައި ނިމޭނީ އެއްގަޑިއިރުންނެވެ
ދަބަރުހަނދި
ނ ދަބަރުކުލައިގެ ތިކިޖަހައިފައި ހުންނަ ފަނިހަންޖެއް މިމަސް ބޭނެނީ ކަނޑުއޮޅިންނާއި ގިއުޅުވަނި ފަދަތަންތަނުންނެވެ މިއީ ވަރަށް މަސްމީރު މަހެކެވެ
ދަބަރުބަލި
ނ ގަސްގަހަށްޖެހޭ ބައްޔެއް. އާއްމުގޮތެއްގައި މިބަލި ޖެހެނީ ލުނބޯގަހަށާއި ލުނބޯ އާއިލާގެ ގަސްގަހަށެވެ މިބަލިޖެހެނީ ގަހުގެމޭވާއާއި ގަހުގެ ފަތްތަކަށާއި ގަސްގަނޑަށެވެ މިބަލިހުންނަގޮތަކީ ކުޑަކޮށް އުފުލިފައި ދަބަރުކުލައިގައެވެ އަތް ހާކާލީމާ އަޅައި ގަންނަގޮތަށެވެ މިއީ ފިލުވަން ވަރަށް އުނދަގޫ ބައްޔެކެވެ
ދަޅު
ނ (1) ޖަނަވާރުގެ ބޮލުން ފަޅައިފައިހުންނަ އެއްޗެއް މިއީ އަމިއްލަ ދިފާޢަށް ބޭނުންކުރާ ހަތިޔާރެކެވެ މިއެކިއެކި ސިފަސިފައިގައިހުރެއެވެ އެންމެ ޢާންމު ވައްތަރަކީ ކޮޅަށް ތޫނުކޮށް އުލެއްހެން ހުންނަދަޅެވެ މިޢާއްމުގޮތެއްގައި ފަޅަނީ ބޮލުގެ ދެފަރާތުންނެވެ (2) އެއްޗެހި އެޅުމަށް މަޢުދަނީ އެއްޗެހިން ނުވަތަ ޕްލާސްޓިކުން ހަދައިފައި ހުންނަ ކުދި ކަންވާރު މި އެކި ސިފަސިފައިގައިހުރެއެވެ (3) ބދ މޮޅު (4) މާބޮޑަށްވާހަރު
ދައުހިފުން
މ )ޏ ސ ( ބިންމަތި ފަސޭހަބަލި ޖެހުން މިއީ ހުތުރު ބަހުން ވާހަކަ ދެއްކުމުގައި ބޭނުންކުރާ ބަހެކެވެ
ދަވާދު
ނ (1) ރަނގަ. މިއީ ތަންތާނގައި ނުވަތަ އެއްޗެހީގައިލުމަށް ތައްޔާރުކޮށްފައި ހުންނަ ތެޔޮ އެކުލެވިގެންވާ ކުލައެކެވެ (2) ލިއުމަށް ބޭނުންކުރާ ދެލިފުޅި މިސާލު: )ހ( އަނދުން ދަވާދު )ށ( ތަށިލިޔާ ދަވާދު
ދަމުކުޅި
ނ ކުޅުދުއްފުށީމީހުން ކުޅޭ ކުޅިވަރެއް. މިއީ ތަފާތު ވައްތަރު ވައްތަރުގެ މާލިހެދުން އަޅައިގެން ނަށައިފައިކުޅޭ ކުޅިވަރެކެވެ. މިކުޅިވަރު ކުޅެނީ ޙައްޖުމަހުގެ ތޭރަ ސާދަ ފަނަރަ މިތިންރޭގައެވެ މިކުޅިވަރަށް " ދަނމުހިނގުން" މިހެންވެސް ކިޔައެވެ
ދަމުއި
ނ ދިވެހިބޭހަށް ބޭނުންކުރާ އެއްޗެއް. މީގެދެބާވަތެއް ހުރެއެވެ އެއީ ހިތިދަމުއި (ބޭސްދަމުއި) އާއި ފަރިހިދަމުއިއެވެ
ދަތުރުޞަލަވާތް
ނ ތަނަކަށް ފުރައިގެންދާން އުޅޭއިރު އެތަނަކަށް ދިއުމަށް ފުރުމުގެ ކުރިން ކިޔަވާ ޞަލަވާތް )މިއީ ދަތުރު އަމާންކޮށްދެއްވުން އެދި އާދަކާދައެއްގެ ގޮތުގައި ކޮށްއުޅޭ ކަމެކެވެ
ދަތްވިދުރި
ނ ދަތަށްޖެހޭ ބައްޔެއް މިބަލި ޖެހުނީމާ ހިރުގަނޑު ގިރި ދޮސްގަނެ ދަތުގައި ރިއްސައި ދަތްތައްމުޅިން ހަލާކުވަނީއެވެ މިއީ ފަސޭހަކުރަން އުނދަގޫ ބައްޔެކެވެ
ދަގަނޑު
ނ (1) އެންމެ ގިނައިން ބޭނުންކޮށްއުޅޭ ބަރު މަޢުދަނެއް މިނަގަނީ ބިމުންނެވެ މިއީތެތްވައިގެތެރޭގައި ދަބަރުޖަހާއެއްޗެކެވެ ދަގަތްފާނަށް ދަމާ މަޢުދަނެކެވެ (2) ވަޅުޖަހަން ދަގަނޑުން ހަދައިފައި ހުންނައެތި (3) ނއ ދަގަނޑުން ހަދައިފައިވާ (4) ނއ އާދަޔާ ޚިލާފަށްހަރު
ދަގަނޑުއުނދުން
ނ ތެލި ބެހެއްޓޭގޮތަށް ތިންފައިޖަހައިފައި ދަގަނޑުން ހަދައިފައި ހުންނަ އެއްޗެއް މިއީ ބޮޑެތި ކެއްކުން ކައްކާއިރު ބޭނުންކުރާ އުނދުނެކެވެ
ދާންނާކަން
ކަންގަތި ފަސްކޮލީތެރޭގެ ކޮއްޔެއްގެ ނަން މިއީ ރަށްފުށުގެ ވަޒަންވެރިންނަށް ދެއްވާ ކޮލީގެ ޢިއްޒަތެކެވެ
ދާރު
ނ (1) ތަދުއަރާތަންތަނުގައި އުނގުޅާ ބޭހެއް މިއީ ތާރަފިނިން ހަދާ ބޭހެކެވެ (2) ބދ ހޮހަޅަ
ދިރިދެމިވޮޑިގެންވުން
މ އަބަދަށް ދެމިވޮޑިގެންވުން މިއީ މާތްﷲ އަށް ނިސްބަތްވާ ޚާއްޞަ ސިފަފުޅެކެވެ
ދިރޭރަހަ
ނ ދިޔާ މަޢުދަނީ އެއްޗެއް މީގެ ކުލައަކީ ރިހިކުލައެވެ މިއީ ވަރަށް ހަލުވި އެއްޗެކެވެ
ދިއްތުނޑިމޭރެ
ނ )ޏ ( އާދައިގެ މިޔަރަށްވުރެ ދޮންކޮށް ތުންގަނޑު ދިގުކޮށް ހުންނަ މިޔަރެއް މިއީވަރަށް މަސްމީރު މިޔަރެކެވެ
ދިއްޖެ
ނ ރައީސުންނާއި ރަސްރަސްކަލުންގެ އަނބިއަނބި ކަނބަލުންނާއި ދަރިދަރިކަނބަލުންގެ ޚިދުމަތުގައި އެންމެ އަރިހުގައި ހުންނަވާ އަންހެން ސާހިބާ
ދިވެހިބިލެތް
ނ ބިލެތުގެ ބާވަތެއް. މިއީ ވެޔޮ ބިލެތަށްވުރެ ފަތްބޮޑެތި ކުޅިރަހަ ގަދަ ބިލެތެކެވެ