radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަކަޅުވާމަސް
ނ ފައިގެ ފުންނާބާއި ދޯތްގާއި ދޭތެރޭގައި އޮންނަ މަސްގަނޑު
ކުޑައޮނިފަރާތް
އޮޑިދޯނިފަހަރުގެ ދިރުނބާކޮޅަށް އެބުރިހުންނައިރު ވާތްފަރާތް
ކުޑަވަނިފަރާތް
ނ އޮޑިދޯނި ފަހަރުގެ ދިނރުބާކޮޅަށް މޫނުލައިގެން ހުންނަ މީހާގެ ވައަތްފަރާތަށް ވާ ފަރާތް
ކުޑަލަގަނާ
ނ ލަގަނާދޫންޏާ ވައްތަރު ކުޑަ ދޫންޏެއް މިދޫނީގެ ތުނބާއި ފައި ކަޅުވާނެއެވެ ބިސްއަޅާ މޫސުމުގައި ބޮލުގެ ތަލަމަތިން ދެރާވަޅި ފަތް ހެންހުދުދިގު ދެފަތްފަޅައި ކަނދުރާ މައްޗާއި ހަމަޔަށް އެޅިފައި އޮވެއެވެ
ކޫރުފާނަ
ނ ފާނައިގެ ބާވަތެއް. މިއީ ފަރުފަޅުތަކުގެ ބޭރުގައްޔާއި ހާހަލާއި ތިލަތިލައިގައި އުޅޭމަހެކެވެ މަހުގެ ކުލައަކީ މަޑު މުށިކުލައެވެ މަހުގެ ބޭރުގައި ގަދަރަތްކުލައަކަށްދާ ތިކިތަކެއް ހުރެއެވެ މިތިކިތައް މަހުގެ ފަހަތުކޮޅުގައި ހުންނަނީ ކޫރެއް ހެން ގުޅިފައެވެ
ކެހިގޮލާ
ނ )ޏ ( ގޮޅާގެ ބާވަތެއް މިއީ ގޮޅާގެ އެންމެ ކުދި ވައްތަރެވެ
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކެނދިފަށުވި
ނ ފަށުވީގެ ބާވަތެއް މިހުންނަނީ މަޑު ދޮންކުލައެއްގައެވެ މިބާވަތުގެ ފަށުވި ތަންކޮޅެއް ގަދަވާނެއެވެ މިއީ ހަރު ފަށުތްވެކެވެ
ކެރަވަޅު
ނ (1) އެމުގެ ބާވަތެއް މިއީ ފަޅުގައި އުޅޭ ކައްޓަ ފުޅި ފާޑުގެ ބޮޑަތި އެއްޗެއްސެވެ (2) މަޖާޒު: މަސައްކަތަށް ހަދާ މަކަރު
ކެރެދިކޮޑެދެލެ
ނ )ގ ( ކުޅަނދުރުގެ ބާވަތެއް މިއީ ވިހަކަން ގަދަ ކުޑަ ކުޅަނދުރެކެވެ
ކެރެޓު
ނ ބިމަށް ފައިބާ ތަރުކާރީގެ ގޮނޑިއެއް މީގެ ކުލައަކީ ރަތް ރީނދޫކުލައެކެވެ
ކެއުން
މ (1) ކާއެއްޗެހި ހަފައިގެން ނުވަތަ ނަހަފާ އަރުން އެތެރެކުރުން (2) ފަޅުރަށްރަށާއި ގޮއިފާލައްބަ ފަދަ ތަންތަން ވަރުވާއަށް ލިއުއްވައިގެން ގެންގުޅުން (3) ހެފުން މަޖާޒު: (4) އެހެން މީހެއްގެ މުދަލުގައި ސިއްރުން ޖެހުން (5) ވަކިވައްތަރެއްގެ ތަކެތި ޤަބޫލުކުރުން މިސާލު: )ހ( ރިޝްވަތުކެއުން )ށ( ރިބާކެއުން
ކެއްސުން
ނ (1) ފުއްޕާމޭގައި ހުންނަވައި ގަދަބާރާއެކު އަދި އަޑާއެކު ކުއްލިއަކަށް އަނގައިން ބޭރުކޮށްލާ ބޭރުކޮށްލުން (2) )ސ ( ކެއްސައިލުން
ކެއްސުންބަލި
ނ ވަކި ބާވަތެއްގެ ޖަރާސީމެއްގެ ސަބަބުން ފުއްޕާމެއަށް އަސަރުކޮށް ވަރަށް ބޮޑަށް ކެއްސާ ހަށިގަނޑު އަނަރޫފަވާ ބައްޔެއް މިބަލި މުޅި ހަށިގަނޑަށްވެސް ފެތުރިދާނެއެވެ މިއީ ގައިންގަޔަށް އަރާ ބައްޔެކެވެ
ކެއްޓުބާރު
ނ (1) އެކިއެކި ބާވަތްބާވަތުން ކުރިމަތިވާ ބޮޑެތި އުނދަގޫ (2) ޖެހޭ ބޮޑެތި އާފާތް
ކެވެލިރޮނޑު
ނ )ށ.( ރޮނޑުގެ ބާވަތެއް. މިއީ ހިމަދިގުކޮށް ހުންނަ މުށިކުލައިގެ ރޮނޑެކެވެ
ކެތިބޯދޮށަށްއެޅުން
މ މަޖާޒު: މުސްކުޅިވެގެންގޮސް ވިސްނުމުގެބާރުތައް ކޮށިވުން
ކެލާ
ނ (1) ވަސްމީރު ކީލިހިމުން ލަކުޑިއެއް މީގެ ތިންބާވަތެއް ހުރެއެވެ. އެއީ ހުވަނދުކެލާ އަގަލިކެލާ ރަތްބަބުރުކެލާ މިއެވެ (2) ހއ އަތޮޅުގެ ރަށެއް