radheef.info
ރަދީފު


ނި
އ )ސ ( ނު
ކަމީނާ
ނއ (1) ހިކިކަށި (2) ހަށިގަނޑު ނިކަމެތި (3) ބަލިކަށި (4) ދޭސީ (5) ހަލްކާ
ކަމީނާކަން
ނއނ (1) ހިކިކަށިކަން (2) ހަށިގަނޑު ނިކަމެތިކަން (3) ބަލިކަށިކަން (4) ދޭސީކަން (5) ހަލްކާކަން
ކަމީނާވުން
މ (1) ހިކިކަށިވުން (2) ހަށިގަނޑު ނިކަމެތިވުން (3) ބަލިކަށިވުން (4) ދޭސީވުން (5) ހަލްކާވުން
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަފާސްވުން
މ (1) ކަރުދާހާއި ބަރަނި ފަދަ ތަކެތި ގެންގުޅެ ގެންގުޅެ ނުވަތަ ބޭނުން ކުރެވޭ ގޮތަކުން ރޫޅޭގޮތްވުން. (2) މަޖާޒު: މަސައްކަތެއް ކުރާންއުޅެ އެކަމެއް ނުވެވި ވަރުބަލިވެގެން ހިތްވަރު ދެރަވުން
ކަފިހިމަސް
ނ ފަރުމަހުގެބާވަތެއް މިއީ ކަނޑުގައި އުޅޭ ބޮޑެތިމަސްމަހުގެ ނިވަލުގައްޔާއި ކަނޑުގައި އޮޔާދާ އޮއިވާލި އެތިގަނޑުގަނޑުގެ ނިވަލުގައި އުޅޭމަހެކެވެ މަހުގެ ހުރަހަށް ކަޅުކުލައިގެ ފުޅާ ގަޅިތަކެއްހުރެއެވެ އަރިމަތީގައި ހުންނަނީ ރިހިވިދުން ކުލައެވެ މަހުގެ މަތީބައިގައި ނޫކުލައިގެ ކުދިލައްތަކެއް ހުރެއެވެ
ކަފިވަޅު
ނ މަސްދޯނިފަހަރުގައި ކުނބުކަފިޖަހަން މަސްފިލާގަނޑާއި އިންނަފަތާއި އިހިތަކުން ކަނޑައިފައި ހުންނަތަން
ކަފިވައްގަނޑު
ނ އޮޑިދޯނިފަހަރުގައި ކުނބުކަފީގެ ފޫހެރެން އޮންނަ ބަނޑުވައްގަނޑު
ކަފިފޮތި
ނ އޮޑިދޯނިފަހަރުގެ ފިލާގަނޑު ކަތްޕަށް ކަނޑައިފައި އޮންނަފޮތި ނުވަތަ ފިލާ
ކަފުން
ނ މައްޔިތާ ވަޅުލާއިރު ނިވައިކުރާން ގައިގައި ލައްވާފޭރާން
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަދަޅާ
ނ ފިރިހެނުންނާ އެޅޭ އަންހެންދުޅާ މީހުންނާ ދިމާޔަށް މަލާމާތުގެ ގޮތުން ނުވަތަ ދެރަކޮށްލުމުގެ ގޮތުން ބުނާ ނިކަމެތި ބަހެއް
ކަދުރު
ނ އެތެރޭގައި ހަރުއޮށެއް އޮންނަ ފޮނިމޭވާއެއް އަޅަނީ ރުކެއްގައެވެ މި ރުއް ގިނައިން ހެދެނީ ހިކިހޫނު ބިންބިމުގައެވެ
ކަތި
ނއ (1) ސީދާނޫން ނ (2) ކަތިކަނި (3) ކަތިމެއްލަ (4) ރަހަޔަށް ނުވަތަ ރަހަޔަށްނުވާ (5) އަރިއަޅާލާއިފައި ހުންނައެއްޗެއް ވެއްޓުނަނުދޭން ވިއްދާއެތި
ކަތުރުމަޑަ
ނ މަޑައިގެބާވަތެއް. މިއީ ކަނިފަށުގައި ހުޅުލައިފައި ލައްޕައި ހުޅުވާން ހަދައިފައިހުންނަ މަޑައެކެވެ
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ