radheef.info
ރަދީފު


ޓ
ނ ތާނައިގެ ވިހިވަނަ އަކުރު
ހަސަންދަރި
ނ )ސ ( ދޯނިފަހަރުގެ ހުރަސް ފިލާގެ ކަނާތްފަރާތުގައި ވާ އައްސާން ލަކުޑިން ޖަހައިފައި ހުންނަ ދެމޫޓު
ހާލިގަބަ
ނ )ސ ( (1) ލާނދާބަންނައިރު ބަރިކުރެވިފުޅާ ކުރުމަށް އަރުވާ ވަކިވައްތަރެއްގެ މަޅިއެއް (2) މަޖާޒު: އޮޅުވައިލުމަށްޓަކައި ތަކެތި އެކިއެކި ތަންތާނގައި ބަހައްޓައިފައި ހުންނަ ހުރުން
ހާޑުކިއްލާ
ނ (1) ބޭނުންނުހިފޭ ތަކެތި ލާތަން (2) އުކައިލަންވެފައިހުންނަ ތަކެތި ފަހަރެއްގައި ބޭނުންހިފިދާނޭ ކަމަށްޓަކައި އުކާނުލާ ބަހައްޓާތަން
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިނގާކޮށި
ނ (1) އެތެރޭގައި ހުރެގެން ދެފަރާތުގައި ހިފަހައްޓައިގެން ހިނގޭނެގޮތަށް ހަދައިފައި ހުންނަ އެއްޗެއް (2) ކުދިންނަށް ހިނގާން ފަރިތަކޮށްދޭން ހަދައިފައި ހުންނަ ބާވަތެއްގެ ގާޑިޔަލެއް
ހިންހަރައިލުން
މ (1) ހިންބާރުކޮށްލުން (2) ޙާޖަތަށްދިއުމަށް ބާރުލާހެން އެތެރެ ހައްޓަށް ބާރުލުން
ހިންދުން
މ (1) ކައްކައިކައްކައި ފެން ހުސްކުރުން (2) ކައްކައި ފެން މަދުކުރުން (3) އެއްޗެއްގެ ބައްޓަމުން އަޑިކުރުން
ހިންގުން
މ (1) ކަމެއް ނުވަތަ އެއްޗެއް ހުއްޓުނަނުދީ ގެންދިއުން މިސާލު: އިންޖީނުގެ ސޯބުތައް އެނބުރުވުން (2) ކަމެއްކުރުވުން (3) ތަނެއްގެ ކަންތައްތައް އިންތިޒާމުކޮށް ބެލެހެއްޓުވުން (4) ހިންގުވުން
ހިރަފުސްދެމި
ނ ކަރަންޓުން ހިންގައިދޭ އާލަތެއް މިއީ ތަޅުންގަނޑާއި ދޫލައާއި މަޚުމާގެ އެއްޗެހިން ހިރަފުސް ސާފުކޮށްދޭ އެއްޗެކެވެ ވައިގެ ބާރުން ހިރަފުސް ދަމައިދޭ އެއްޗެކެވެ
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރިއްދަ
ނ )ސ ( ތެދުއުއި ވަޑާމުގެ މަސައްކަތުގައި އަލަމާރި މޭޒުފަދަ ތަކެތި ޖަހާއިރު ރީތިކުރުމަށްޓަކައި ކައިރިފަށުގައި އަޅާފަތި
ހިރިމަގޫ
ނ ބޭސްވެރިކަމަށް ގެންގުޅޭ ފަތްޕިލާވެއްޔެއް މީގެ ފަތް ހުންނާނީ ފުސްކުލައިގައި މަގޫފަތުގެ ބައްޓަމުގައި ކުދިކޮށެވެ
ހިރިޔާމާލަން
ނ ވައިގެބަނދަރާއި ޖަލްސާކުރާ މާލަންފަދަ ތަންތަނުގައި ޚާއްޞަ ބޭބޭފުޅުންނަށް ކަނޑައަޅައިފައި ހުންނަ އިންތިޒާރު ކޮޓަރި
ހިރު
ނ (1) އަނގައިގެ ދަތްތައް ހިފެހެއްޓުމަށް ހުންނަ މަސް (2) އެއްޗެހި ޒީނަތް ކުޅައުމަށް ނުވަތަ ކުރެހުމުގައި ބޮޑުކޮށް ފާޅުކޮށް ހުންނަ ކޮންމެ ކުލައެއްގެ ނުވަތަ ރޮނގެއްގެ ކައިރީގައި އެހެން ކުލައަކުން ދަމާ ހިމަ ރޮނގު މިސާލު: )ހ( ފޭލީގެ ހިރު )ށ( ދަމާ ފޮތިގަނޑުގެ ހިރު (3) ބޯވަޅުގައި ހަރުކުރާން ކަސަބުން ނުވަތަ ބަރަނިން ހަނިކޮށް ފަތިކޮށް ގަތާ ފަށް
ހިރުއްދަ
ނ ދިވެހިގޭގޭގައި ހުންނަ އެނދުބައިލީދޮރުގެ އެނދުބައިގެ ތިރިޔާއި މަތީގައިކުދިކުދި އެއްޗެހި ބެހެއްޓޭނޭހެން ހުންނަތަން
ހިރުއްދަފިލާ
ނ އެއްޗެހި ބަހައްޓަން ބިއްބިތުގައި ހަރުކުރާ ފިލައެއް މިފިލާ ހުންނަނީ އިހުގެ ގޭގޭގައެވެ
ހިރުމާ
ނ ހިރުގަނޑުގެ ބައްޔެއް. މިއީ ހިރުގަނޑުން ނަގާ ހުދުކުލައިގެ ވަށްކޮށް ހުންނަ އެއްޗިހިތަކެކެވެ މީގެ ދެމެދުގައި ޗޮކްލެޓް ކުލައިގެ ތިއްކެއް ހުންނާނެއެވެ
ހިބަ
ނ (1) ހަމަ ހިލޭ ދިން އެއްޗެއް (2) ހިލޭ ދޭދިނުން (3) މާވިހަގަދަ ކައްޓެއްހުންނަ ލަނޑާ ޒާތުގެ މަހެއް (4) (ހ) ކުރަފިޒާތުގެ ބޮޑު ދިރޭއެއްޗެއް، މި ގިނައިން އުޅެނީ ކުނިގޮނޑުގެ ތެރޭގައެވެ
ހިބަންމަސް
ނ (1) މާވިހަގަދަ ކައްޓެއް ހުންނަ ލަނޑާ ޒާތުގެ މަހެއް (2) ފަސްގަނޑުގައި އުޅޭ ވަޅުޖަހާ މަހެއް
ހިކަނދިވަކަރު
ނ (1) މެއްލަޖަހައިގެން އަޅާގޭގޭގެ ބޮޑުއަށީ ބިތްދޮށުގައި މެއްލަތަކަށް ކަނޑައިފައި އަޅާފަތިވަކަރު (2) ގެދޮރު އެޅުމުގައި މެއްލަ ޖެހުމަށްޓަކައި ގާފޮޅުމަތީ ބާއްވައިފައި އޮންނަ ފަތިވަކަރު