radheef.info
ރަދީފު


ޒ
އ ތާނައިގެ 91 ވަނަ އަކުރު
ހަމަވައިގައިޖެހުން
މ (1) ނިވަލެއްނެތި އަންނަވައިގައި ޖެހުން (2) މަޖާޒު: މީހެއްގެ އުޅުން ވަކިގޮތަކަށް ހަމަނުޖެހި އުޅެއުޅެފައި އެއްގޮތެއްގައި ހަމަޖެހުން
ހަމަފައިޖެހުން
މ (1) އިސްކޮޅު ނުކާތާކުން ފައިޖެހޭ ހިސާބަށް އާދެވުން (2) މަޖާޒު: ހަމަނުޖެހޭ އުޅުމަކަށްފަހު ހަމަޖެހޭ އުޅުމަކަށް އައުން
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަފޮޅުން އެތެރެވުން
މ (1) މަތިކަނުން އެތެރެވުން (2) މަޖާޒު: ކޮންމެވެސް ޖަމާޢަތެއްގައި އެންމެ ދެރަ ގޮތުގައިނަމަވެސް ހިމެނިގެންވުން
ހަތަރުއިމާމުން
ނ ސުންނަތް ޖަމާޢަތުގެ ހަތަރު މަޛްހަބުގެ އިމާމުވެރި ބޭކަލުން (1) ހަނަފީމަޒުހަބުގެ އިމާމު އަބޫޙަނީފާ (2) ޝާފިޢީ މަޒުހަބުގެ އިމާމު އިމާމު މުހައްމަދުބުނި އިދްރީސުއް ޝާފިޢީ (3) މާލިކީ މަޒުހަބުގެ އިމާމު އިމާމު މާލިކު (4) ހަންބަލީމަޒުހަބުގެ އިމާމު އިމާމު އަހްމަދު ބުނި ޙަންބަލު
ހަތަރުއުދަރެސްފެނުޖެހުން
މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން
ހަތަރުމަލާއިކަތުން
ނ ޖިބްރީލު މީކާއީލު އިސްރާފީލު ޢިޒްރާއީލު
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތަރުފަލުކުނާ
ނ ރާއްޖޭގައިވިޔާ ދުރުދުރުގައި ރޮނގުހުންނަ ކުނަލެއް މިއަށް މިނަން ކިއުނީ ވާރުނެގި ޒަމާނުގައި ހަތަރު ފައު ބޮލީގެ ބަދަލުގައި މިކުނާ ޤަބޫލުކުރާތީއެވެ
ހަތަރުފޮތް
ނ ބާވައިލެއްވި މަޝްހޫރު ހަތަރުފޮތް. އެއީ ތައުރާތު ޒަބޫރު އިންޖީލު ޤުރްއާން
ހަތާތަޅައިލުން
މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން
ހަތިފަށް
ނ (1) ބައެއް ޒާތުގެ ކެޔޮޅުކަމުގޮސް ނަނު ނުވަތަ ހެތުރު ފައްތައިފައި އޭގައިޖަހާ ހިމަ އެތިފަށް މިހުންނާނީ ދޯނިން ބޭރަށް ދަނޑިބުރިއެއް ދިއްކޮށްފައި އޭގައި އެއްކޮޅު ބައްދައިފައި އަނެއްކޮޅު ހެތުރުގައި ބައްދައިފައެވެ (2) ރޯނުގަނޑެއްގެ އެއްކޮޅު ބޮޑުގަލެއް ނުވަތަ ތުން ބަނދެފައި އޮންނަ ވެލިގޯންޏެއްގައި ބައްދައި އަނެއްކޮޅު ދޯނިއަޅާ ވަލުގައި ބައްދާ އެތިފަށް
ހަތް
ނ (1) ރަސްކަމުގެ ޢިއްޒަތަށްޓަކައި ގެންގުޅޭ މަތިހަމަޔަށް ހުންނަ ހުދުކުލައިގެ ވިހޭފަށްލީ ކުޑައެއް (2) ރަސްކަމަށް ކޮލިލާ ދުވަހު ހަތަރު އަވަށު މައިޒާން ދޮށުގަޔާ ގުޅަކުޅޭފަސްގަނޑުގައި ހަތަރު ކޮށީންމެ ޖަހާ ކުޅިއެއް މިކުޅިޖަހާނީ އިސްދަރިވަރުންގެ ތެރޭގައި ތިބި ކޮށީގެ އެދުރުކަމާއި އެންމެ ގާތް މީހުންގެ ތެރެއިން ދެމީހެކެވެ (3) ނއ ގުނުމުގެ ހަތްވަނަ ޢަދަދުގެ ނަން އިތުރު މިސާލު: )ހ( ހަތްދުވަސް )ށ( ހަތްބިން )ނ( ހަތްސާއަތް
ހަތްހާއްޔަށްލުން
މ (1) ބަފާބުޅަލަށް ފޮރުވާން މައިއެތި ޅަ ބުޅާތައް އެއް ތަނުން އަނެއް ތަނަށް ގެންދިއުން (2) މަޖާޒު: މާބޮޑަށް ފޮރުވުން
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްބުރީނަނުކޮޅުގައި
ނ މަޖާޒު: ހުރި ދުރުމިން ބަޔާން ކުރުމަށް ބުނެއުޅޭ ގޮތެއް
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހަތްއަޖައިބު
ނ ގަދީމީ ޒަމާނުގައި މީހުން ކޮށްފައިވާ ބިނާތަކާއި ހަދައިފައިވާ ތަކެތީގެ ތެރެއިން އާދަޔާ ޚިލާފުކަމަށް ފާހަގަކޮށްލެވޭ ބައެއް ތަންތަނަށާއި ތަކެއްޗަށް ކިޔާނަމެއް. މިތަންތަނާއި ތަކެއްޗާމެދު އެކި މީހުންގެ ޚިޔާލު ތަފާތެވެ. މިތާނގައި މި ފާހަގަކުރާ ތަންތަނާއި ތަކެތި އެންމެ ފުރަތަމަ ފާހަގަކުރީ ޢީސާގެފާނުގެ 052 އަހަރުކުރިން ޞައިދާގެ )މިހާރުގެ ލުބުނާނުގެ ދެކުނު ރަށެއް( އެއްޓިޕޭޓަރއެވެ. (1) މިޞްރުގެ ޖީޒާގައިވާ އަހުރާމުތައް. މިތިން އަހްރާމްތެރޭގައި ހިމެނޭ އެންމެ ބޮޑު އަހްރާމަކީ ޢީސާގެފާނުގެ 0052 އަހަރު ކުރިން ބިނާކުރެވުނު ޚޫފޫއަހްރާމެވެ. މިއަހްރާމުގެ އުސްމިނަކީ 084 ފޫޓު 11 އިންޗިއެވެ. ހެދިފައިވަނީ 000 003 2 ހިލައިންނެވެ ކޮންމެ ހިލައެއްގައި 2/12 ޓަނުގެ ބަރުދަން ހުރެއެވެ ހަތްއަޖައިބުގެ ތެރެއިން ހަލާކުނުވެ މިވަގުތަށް ހުރީ ހަމައެކަނި އަޙްރާމުތަކެވެ (2) ޢިރާޤުގެ ބާބިލް ސަހަރުގައި އޮތ ްސެމިރާމިސްގެ އެލިފައިވާ ބަގީޗާ މިތަން ހެދިފައިވަނީ ޢީސާގެފާނުގެ 006 އަހަރުކުރިންނެވެ (3) ގްރީސްގެ އޮލިމްޕިޔާ ސަހަރުގައި ހުރި ޒިއަސްގެ 04 ފޫޓޫގެ އުސް ބުދު މި ބުދު ހެދިފައިވަނީ ޢީސާގެފާޏުގެ ފަސްވަނަ ސައްތައިގައި ރަނާއި އެތުދަތާއި މަރުމަރު ހިލައިންނެވެ (4) ކްލޯސަސް އޮފްރޯޑްސްގެ ނަމުން މަޝްހޫރުވެފައިވާ ހިލިއޫސް )ނުވަތަ އެޕޯލޯ( ގެ ބުދު 711 ފޫޓުގެ އުސް މިބުދު ހެދިފައިވަނީ ޢީސާގެފާނުގެ 082 އަހަރުކުރިންނެވެ މި ބުދު ހަދައިފައިވަނީ ލޮއިންނެވެ (5) އާޓިމިސްގެ ފައްޅި: މިތަން ބިނާކުރެވުނީ ޢީސާގެފާނުގެ 053 އަހަރުކުރިން )މިހާރުގެ ތުރުކީވިލާތުގެ( އިޕިސަސް ސަހަރުގައެވެ (6) މަޔޭ ސޯލަސް ދުރަސްގެފާނުގެ މަޤްބަރާ: 331 ފޫޓުގެ އުސް މި މަޤްބަރާ ހެދުނީ ޢީސާގެފާނުގެ 253 އަހަރުކުރިން )މިހާރުގެ ތުރުކީގެ( ހެލިކާރުނާސަސްގައެވެ (7) އިސްކަންދަރިއްޔާ ބައްތި: 054 ފޫޓު އުސް މި ބައްތި ހެދިފައިވަނީ މިޞްރުގެ އިސްކަންދަރިއްޔާގެ އައްސޭރީގައިވާ ކުޑަކުޑަ ޖަޒީރާއެއްގައި ޢިސާގެފާނުގެ 082 އަހަރުކުރިންނެވެ މިބައްތި ހަލާކުވީ އެހިސާބަށް އައި ވަރުގަދަ ބިންހެލުމެއްގައެވެ