radheef.info
ރަދީފު


ސަރުކާރު
ނ ޤާނޫނީގޮތުން ޤައުމެއްގެ ވެރިކަން ހިންގުމުގެ ބާރު ލިބިފައިވާ ފަރާތް
ގަވަރުނަރު
ނ (1) ސަރުކާރުން ވަކި ސަރަޙައްދަކަށް ކަނޑައަޅައިފައިވާ އަމުރުވެރިއެއް (2) ޖަމާޢަތެއް ނުވަތަ އިދާރާއެއް ހިންގުމާ ޙަވާލުވެ ހުންނަ އެންމެއިސްވެރިޔާ މިސާލު: ބޭންކުގެ ގަވަރުނަރު
ގުރާބު ދަތުރު
މ ސަރުކާރުގެ ބޭނުމަށްކުރާ ކަނޑު ދަތުރު
ގެމަ
ނ (1) ބައިބައި (2) ޖަމާއަތް ޖަމާއަތް (3) ހިޖުރަ (4) ދޭއާދަ )ސަރުކާރު ޢިއްޒަތްތެރިން ވަޑައިގަންނަވާ އުޅަނދު ފަހަރަށް ދޭއާދަ
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ސިޔާދަތު
ނ (1) މާތްކަން (2) ވެރިކަން (3) ރަސްކަން (4) ސަރުކާރު (5) ޤައުމެއްގެ މިނިވަންކަން
ސިޔާސަތު
ނ (1) ސަރުކާރު ހިންގުމާއި ސޮސައިޓީއެއްގެ ގޮތުގައި އެއްވެ ފައިވާ މީހުންތަކެއް ޤާނޫނާއި ޤަވާޢިދުގެ ތެރޭގައި ގެންގުޅުމުގެ ޢިލްމު (2) އިންސާނީ މުޖްތަމަޢެއްގެ މައްޗަށް ވެރިކަން ހިންގުމުގެ ފަންނު
ޑިޕާޓުމެންޓު
ނ (1) ސަރުކާރު ހިންގުމުގެ ބޮޑެތި ބައިތަކުގެ ތެރޭގައި ހިމެނޭ ބައެއް (2) ކޮލެޖްތަކާއި ވިޔަފާރި ތަންތަން ބަހައިފައިވާ ބައިތަކުން ބައެއް
ޒިކުރުވެރިން
ނ (1) އިމާމަކަށް ވެގެން މާލޫދާއި ޒިކުރުލަވަ ފަށައި ހުއްޓުމުގެ ހުއްދަ ސަރުކާރުން ދެއްވައިފައި ތިބޭމީހުން (2) ސަމާތާރަ ޖެހުމާއި އެކަމުގެ ލަވަކިޔާ މީހުންނަށް ކިޔާނަން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޕާލަމެންޓަރީސަރުކާރު
ނ ޕާލަމެންޓުގެ ކުރިމަތީގައި ސަރުކާރުން ޖަވާބުދޭން ޖެހޭގޮތަށް ރޭވިފައިވާ ވެރިކަމުގެ ނިޒާމް
ޕޯސްޓު
ނ (1) ސިޓީއާއި ކުދި ޕާރސަލް ފަދަ ތަކެތި ރައްކާތެރިކަމާއެކު އެއްތަނުން އަނެއްތަނަށް ފޮނުވުމަށް ސަރުކާރުން ހަމަޖައްސައިފައިވާ އިންތިޒާމު (2) ޕޯސްޓުން ފޮނުވާ ނުވަތަ ލިބޭ ތަކެތި
ޖުމްހޫރީވެރިކަން
ނ (1) ރައްޔިތުންގެ ސަރުކާރު (2) ރައްޔިތުން އިންތިޚާބު ކޮށްގެން ރައްޔިތުންނަށްޓަކައި ރައްޔިތުން އެދޭގޮތަށް ހިންގާ ސަރުކާރު
ޤާނޫނީސަރުކާރު
ނ އެތަނެއްގެ ޤާނޫނު އަސާސީއާ އެއްގޮތަށް އުފެދި ހަމަޖެހިފައިވާ ސަރުކާރު