radheef.info
ރަދީފު


ގުޅަ
ނ (1) އެތެރެޔާއެކު ފުރިފައި ހުންނަ ވަށް އެއްޗެހި މިސާލު: )ހ( ފުށްގުޅަ )ށ( މަސްގުޅަ )ނ( ބޭސްގުޅަ (2) އެތެރެއަށް މޮޑުނު މަސް އަޅައިފައި ފުށުން ހަދައިފައި ހުންނަ ހެދިކާއެއް
ގޮހޮރު
ނ (1) އިންސާނާ ކާއެއްޗެހި ހަޖަމުކުރުމަށް އެހީވެދީ އަދި ހަޖަމު ވެގެންގޮސް ބޮޑުކަމުދާ ދޮރާއި ގުޅައިދޭ ދިގުހޮޅިއެއް (2) މަޖާޒު: ދަރިއަށަގަންނަ ގުނަން
ސަމާ
ނ ރަސްކަމަށް ކޮލިލުން ނުވތަ ގަނޑުވަރުތެރޭ ބޭފުޅުން ރައްކައުވުން ނުވަތަ ޚިތާނުފުޅު ކުރުން މިކަންކަމުގައި ރަސްމީގޮތުން ގުޅަކުޅޭ ފަސްގަނޑުގައި ކުޅޭ ކުޅިވަރެއް މި ކުޅިވަރު ކުޅޭނީ ބެރު ދުންމާރި ތާޅަފިލި ފުމެފައި ފަސްގަނޑުގައި ކުޅިޖަހައިފައެވެ
ސަފުސާންލުން
މ ގޮދަން ފުށާއި ދޮންވެއްޔާއި އެއްކޮށް ފެންޖަހައިގެން މޮޑެ ގުޅަވަށައިގެން ލޯއޮނެއްގެ ތެރެއަށް އެގުޅަލައި އޮނުގެ ކޮޅުގައި އަނގަޖަހައި ބާރަށް ފުމެގެން އެ ފުށްގުޅަ ދުއްވުން. މި ފުށްގުޅަ ދުއްވާނީ ކާޅާއި ބޮނޑާއި ހޯނުފަދަ ތަކެއްޗަށެވެ. މިއީ އިހުގައި ރޯދަމަހުގެ ހަވީރު ތިން ހަތަރުމީހުން ނުވަތަ ފަސްހަމީހުން ކުޅިވަރެއްގެ ގޮތުގައި ކުރާކަމެކެވެ
ފަރުމާނުމަންދޭލަ
ނ ހަމަރިޔާ ނަގާއެއްޗެހީގެ މައިރިޔާ ނެގުމަށް ހަންޖަލަށް ލުއިކޮށް ދިނުމަށް އަރަލުގެ މެދުގައި ޖަހައިފައި ހުންނަ ދެރޯޒުގެވާ މިހުންނާނީ ދެފުރޮޅުލީ ދެކައްޕި ގުޅައިފައެވެ ބޮއްކުރާ ނަގަނީވެސް މަންދޭލުންނެވެ
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިދޮށް
ނ (1) ގެއެއް ފަދަ ތަނެއްގެ ފުރާޅު ހިފެހެއްޓުމަށް ފުރާޅުގެ ދަށުން އެއްކޮޅު ވަހުގައި ހަރުކޮށް އަނެއް ކޮޅު ފަތްފޮށި ވަކަރާއި ގުޅައިފައި ހުންނަ ވަކަރު (2) މީހާގެ ފައިގެ ކައިރި
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފަތްސިލުބު
ނ ގުޑާކުން ނުވަތަ ދުންބޯފަތުން ވަށައިފައި އޮންނަ ކުޑަ ގުޅައެއް
ފަލިދަ
ނ ފެނުކައްކައި ފުޑައިފައި ހުންނަ ހަރުބޮންތި ރަތްކެޔޮ ބޯތައްޓަކަށް ބޯތައްޓެއްގެ ގަބުޅި ހުނި އަޅައިފައި ހަނޑޫފުށާއި ހަކުރު އަޅައިގެން ހިލާ ފޮނިކާއެއްޗެއް މި ހުންނަނީ ގުޅަގުޅަޔަށް ވަށައި ދުމަށީގައި ޖަހައި ހިއްކައިފައެވެ
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން
ފަސްގަނޑު
ނ (1) ބިންގަނޑު (2) އުސްކޮށް ހުންނަ ވެލިގަނޑު (3) ކުޅި ޖެހުމަށާއި ހިފައި އޮޅުލުމަށް ތައްޔާރު ކޮށްފައި އޮންނަތަން (4) ގުޅަ ކުލޭ ފަސްގަނޑު
ފެންވައިރު
ނ ޢިމާރާތެއްފަދަ ތަނަކަށް ފެން ލިބޭނެގޮތް ހެދުމަށް ތަފާތުގޮތްގޮތަށް ހޮޅިގުޅައިގެން ތައްޔާރުކޮށްފައި ހުންނަ ތައްޔާރުކުރުން
ފެންފަށް
ނ ފާރެއްގައި ޖެހިފައި ފުރާޅު ހުންނަ ތަންތާގެ ފާރުގައި ޖެހިގެން ފައިބާ ފެން އެތެރެއަށް ދިޔަނުދިނުމަށްޓަކައި ފާރާ ގުޅައިގެން ޓިނުގެ މަތީގައި އަޅާ އުވަފަށް ނުވަތަ ސިމެންތިފަށް
ފާޓު
ނ (1) ފޮތިފޭލީގެ ފުޅާމިން (2) ރިޔަލުގައި ގުޅައިފައި ހުންނަ ބައިތަކުން ބައެއް
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފުރަގަހުންބެއްދުން
މ ގުޅަމަތި ހިފުމުގައި ފުރަގަހުން އައިސް ހިފައިގަތުން
ފުރޮޅިލުން
މ (1) އޮށޯވެއޮތްމީހަކު އެއްފަރާތުން އަނެއްފަރާތަށް ބަދަލުވުން (2) ގުޅަމަތި ހިފުމުގެ ތެރޭގައި ކޯމަހު ފުރޮޅިއަށް ޙަރަކާތްކުރުން
ފުޅު
ނ (1) މީހެއްގެ ދަރަޖަ މާތް ކުރުމުގެ ގޮތުން އެމީހެއްގެ ނަމުގެ ފަހަތަށް އިހުގައި ގުޅައި އުޅުނު އަކުރެއް. މިސާލު: ޙަސަންފުޅު މޫސާފުޅު (2) މާތްކުރުމުގެ ގޮތުން ނަމެއްގެ ފަހަތަށް އިތުރުކުރާ އަކުރެއް މިސާލު: އަނގޮޓިފުޅު ހިނިފުޅު
ފެންހޮޅި
ނ (1) ފެންފެން ގަނޑާއި ފެންތާނގީތަކާއި ފެންވަޅުތަކާއި ގުޅައިގެން ފެންގެންދިއުމަށް ލާހޮޅި (2) ފެން ޖަހަން ގެންގުޅޭ ހޮޅި (3) ރަހަކުރުމަށްޓަކައި ފެން އަޅައިގެން ގެންގުޅޭ އެތެރެ އެނގޭ ހޮޅިއެއް