radheef.info
ރަދީފު


ގަތުން
މ (1) އަގެއްދީފައި އެއްޗެއް ހޯދުން (2) ބުޅީގައި މަސްޖެހުން
ކޮނޑުމާޖެހުން
މ މަޖާޒު: ކުދިން ބޮޑުވެގެން އަމިއްލައަށް ނުކުމެގަތުން
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮޅުވަށިންދިނުން
މ (1) އެންއުކާއިރު ވަށީން އެންނަގާގޮތަށް އުކައިލުން (2) މަޖާޒު: ވަރުގަދަޔަށް އެއްޗެހި ގޮވައިގަތުން
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޯރިގަތުން
މ (1) ދިޔާއެއްޗެއް ފައިބައިގަތުން (2) ގިނަ މީހުންތަކެއް ނުވަތަ ޖަނަވާރުތަކެއް އެއްމަގަކުން ބޮނޑިބޮނޑިއަށް ގިނައިން އައުން
އަނބުރައިގަތުން
މ (1) ބޮލަށް އެނބުރުންއެރުން (2) އެއްޗެއްވަށައި ބުރުއަޅުވައިގަތުން
އަނދަވަޅަކަށްވެއްޓުން
މ (1) ކެހިދިނުމަށްޓަކައި ކޮނެފައި ހުންނަ އަނދަވަޅަށް ގަނބައިގަތުން (2) މަޖާޒު: ނުދެނެހުރެ ކެހިވެރިކަމެއްގެ ތެރެއަށް ވަދެވުން
އަންދައިގަތުން
މ (1) ފުރޭތައެއްގެ އަލި ކުއްލިއަކަށް ފެނުން (2) މަޖާޒު: ރުޅިއައިސްގެން ކުއްލިއަކަށް އެތިވަރު ގޮވައިގަތުން
އަރުމާޒުވަޑައިގަތުން
ނ އަރުމާދުގެ ދަތުރުގައި ރަދުން ވަޑައިގަތުން
އަތުއަޅުވައިލުން
މ އެއްޗެއް އަތުލައިގަތުން
އަތުލުން
މ (1) އަތްދަށުލުން (2) އަނެކެއްގެ އަތުގައި އޮތްއެއްޗެއް ދަމައިގަތުން (3) ލިބިގަތުން މަޖާޒު: (4) ކުރީގައިވާ މީހަކާ ނުވަތަ އެއްޗަކާ އަރައި ހަމަކުރުން (5) ދޭހަކުރުން
އަތްދަށުލުން
މ (1) ބާރުދަށުލުން (2) ތިމާބޭނުންގޮތެއް ހަދާން އަތުލައިގަތުން
އަތްގަދަކުރުން
މ އެއްޗެއް ނުވަތަ ކަމެއްގެ މައްޗަށް ގަދަވެގަތުން
އަލަކެއުން
މ މަޖާޒު: (1) މީހަކާ ހިތާވެގެންގޮސް ޙައްދުފަހަނައަޅައި ދިއުން (2) ބޫތުގަތުން
އަލަވުން
މ (1) ޢިޝްޤީގޮތުން ހިތާވުން (2) މާބޮޑަށް މީހަކާ ހިތާވުން (3) ބޫތުގަތުން
އަލިވިލުން
މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން
އަގުޅިނެއްޓުން
މަޖާޒު: (1) ބަންދުކަންފިލުން (2) ހިނގަހިނގައި އޮތްކަމެއް ބަންދުވެ އޮވެފައި އަލުން ހިނގައިގަތުން
އިރުވައިވުން
ނ (1) މުލަ ނަކަތް ލައިގަތުން (2) އިރުމަތީ ފަރާތުން ޤަވާއިދުކޮށް ވައިޖެހޭން ފެށުން
އިއްޒަތަށްވަޑައިގަތުން
މ (1) ރަދުން ނުވަތަ ހަތްކޮޅު ނަގާ ބޭފުޅަކު ހަތްކޮޅު ނެގުމާއެކު ބެރުދުންމާރި ތާޅަފިލީގައި ވަޑައިގަތުން މިގޮތުގައި ވަޑައިގަންނަވާއިރު ކުރީގައި އަމާން ދިދަ ހުންނާނެއެވެ (2) ރަދުން ނުވަތަ ހަތްކޮޅު ނަގާ ބޭފުޅަކު އެކިއެކި ކަންތަކަށް ރަސްމީގޮތުން ވަޑައިގަތުން
އުނގެނުން
މ (1) ދަސްކުރުން (2) ދޭހަކޮށްގަތުން (3) ކިޔެވުން