radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން
ހިމަނައިލުން
މ (1) ޢަދަދު ބަލައިލުން (2) ގުނައިލުން (3) ބައިވެރިކޮށްލުން
ހިމާރަށްގޮވުން
މ (1) ހިމާރަކަށް ގޮވާލުން (2) އިންސާނަކާ ދިމާއަށް ހިމާރެކޭ ބުނުން
ހިމެނުން
މ (1) އަދަދުބެލުން (2) އަދަދުކުރުން (3) ބައިވެރިކުރުން މިސާލު: އެވަފުދުގައި އިތުރު މެންބަރަކު ހިމަނަން ޖެހެއެވެ
ހިފަހައްޓައިލުން
މ (1) އޮބަހައްޓައިލުން (2) ދޫކޮށްނުލުން (3) ދިޔަނުދީ މަޑުކުރުވުން
ހިފުން
މ (1) އަތުން ނުވަތަ އިނގިލީން އެއްޗެއްގައި ބެއްދުން (2) މުށުތެރޭގައި އެއްޗެއް ބަންދު ކުރުން (3) ގަދަ ބައްޔަށް ދެމީހުން އޮޅުލުން (4) ޝިކާރަ ކުރުން (5) އަތުލައި ގަތުން (6) ހަރުލުން
ހިފެހެއްޓިހުރުން
މ (1) އަލުން އިތުރުނުވެ ހުރުން (2) ފަހަށްނުގޮސް ހުރުން (3) ގުޑާނުލާ ހުރުން
ހިތިހެދުން
މ (1) ވަތްމަތިކަހައިލުން (2) ހެއި އަރުވައިލުން
ހިތިރަހަދިނުން
މ ހިތިރަހަ ލުން
ހިތިކަރުނަ
ނ (1) ނުލާހިކު ގަދަ ހިތާމައެއްގެ އަސަރުން ލޮލުން އޮހޮރޭ ކަރުނަ (2) މަޖާޒު: ނުލާހިކު ގަދަހިތާމަ
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިތުންފިލުވައިލުން
މ ހިތުންފޮހެލުން
ހިތުންފިލުވުން
މ (1) ހަނދާން ނައްތައިލުން (2) ކަމަކާ ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނައްތައިލުން
ހިތުދަސްވުން
މ (1) އެއްޗެއްގެ ނުވަތަ ކަމެއްގެ ހަނދާން ހިތުގައި ހަރުލުން (2) ނުބަލާ ކިއޭ ވަރަށް ދަސްވުން
ހިތްހަމަޖެހުން
މ (1) ހިތަށް ލިބިފައިވާ ދަތިކަމެއް ފިލުން (2) ހިތްރުހޭ ގޮތްވުން
ހިތްހިތެކޯގޮވުން
މ (1) ހިތަށްއެރި ގޮތެއް ހަދާށޭގޮވައިލުން (2) ބޭނުންމީހަކު ބޭނުން ވަރަކަށް ގެންދާށޭ ގޮވައިލުން
ހިތްހެޔޮކުރުން
މ (1) ހިތްބަރުކަމެއް ނުބޭއްވުން (2) ނުރުހުމެއް ރުޅިވެރިކަމެއް ހިތުގައި ނުބޭއްވުން (3) މަޖާޒު: ހިތުން ފިލުވައިލުން މިސާލު: އަހަރެންގެމަތިން ހިތްހެޔޮކޮށްލާށޭ މިހެންބުނެފިނަމަ އޭގެމާނައަކީ ހަނދާންނައްތާލާށޭ މިއެވެ
ހިތްނުބައިވުން
މ (1) މީހާގެ އެތެރެފުށް ނުސާފުވުން (2) ހަސަދަވެރިވުން (3) ނުނިޔަތްލުން (4) ރުޅިވެރިކަން އުފެދުން
ހިތްވަރުގަދަ
ނއ (1) ހިތުގެ ސާބިތުކަމާއި ވަރުގަދަކަން ހުންނަ (2) ކަންތައްތަކާއި ކުރިމަލާން ކެރޭގޮތް ހުންނަ (3) ޖެހިލުންކުޑަ (4) ބިރުކުޑަ
ހިތްވަރުގަދަކަން
ނއނ (1) ހިތުގެ ސާބިތުކަމާއި ވަރުގަދަކަން ހުންނަކަން (2) ކަންތައްތަކާއި ކުރިމަތިލާން ކެރޭގޮތް ހުންނަކަން (3) ޖެހިލުންކުޑަކަން (4) ބިރުކުޑަކަން