radheef.info
ރަދީފު


ތިމާގެ
ނއ (1) އަހަރެންގެ (2) ލޭގެގުޅުންހުރި
ވާޖިބުވުން
މ (1) ލާޒިމުވުން (2) ނުކޮށްނުވާނޭ ގޮތަށް ތިމާގެ މައްޗަށް ހުރި ކަންތައްތަކެއް ކުރަން ޖެހުން
ވެރިކޮށްލުން
މ ތިމާގެ މިލްކެއްކަމުގައި ނުހިމެނޭ އެއްޗެއް އަމއިްލަކޮށްގަތުން
މަރުފަލިޖެހުން
މ މަޖާޒު: (1) ކަމަކާމެދު ވެވޭން އޮތްހައި ބާރެއްލައި މަސައްކަތްކުރުން (2) ތިމާގެ ނަޒަރުގައި ނުވެވޭނެ ކަމަކަށް އަނެކަކު ކުރިމަތި ލައިގެން ކުރާ މަސައްކަތާމެދު ބުނެ އުޅޭބަހެއް މިސާލު: ތިޔަކަމެއް ނުވެވޭނެއެވެ ތިޔަޖަހަނީ މަރުފައްޔެވެ
މަތިއަރައިގެންއުޅުން
މ ތިމާގެ ފެންވަރަށްވުރެ ހިތްމައްޗަށް ގޮސްގެން އުޅުން
މަތިފުށްކެއުން
މ މަޖާޒު: ތިމާއަށްފަހު ތިމާގެ މަންމައަށް ލިބޭ ކުދިން މަރުވަމުން ދިއުން
މަތީފަނުގައިހިފަންއުޅުން
މަޖާޒު: ތިމާގެ ފެންވަރަށްވުރެ މައްޗަށް ހިތްފޯރުވުން
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މާފަންނުމީހުންކަނޑުނުބައިކުރުން
މ )މިސާލުބަހެއް( ކަމެއް ނުކުރެވުނީމާ ނުވަތަ ކަމެއް ކުރަން ނޭނގުނީމާ ތިމާގެ ހުރި އުނިކަން ޤަބޫލުނުކޮށް އެކަމާބެހޭ އެއްޗެހީގައި ހުރި ކުށެއް ކަމުގައި ހެދީމާ ބުނެއުޅޭ ބަހެއް
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މިލްކުންކެނޑުން
މ (1) ތިމާގެ އަމިއްލަ ތަކެތި ނުވަތަ އެތަކެތިން ބައެއް ދޫކޮށްލުން (2) ތިމާގެ އަމިއްލަ ތަކެތި އެކުގައި ދޫކޮށްލުން
މޫނަށްބެލުން
މ މަޖާޒު: ތިމާގެ ގާތް މީހަކަށް ނުވަތަ ހެޔޮއެދޭ މީހަކަށް ވީތީ އެމީހަކާމެދު ވަކިގޮތަކަށް ކަންތައްކުރުން
ފަހަރި
ނ (1) ގާތްތިމާގެ މީހެއްގެ އަނބިމީހާ (2) ފިރިމީހާގެ ނުވަތަ އަނބިމީހާގެ ތިމާގެ އަންހެނާ
ފަހަރުވާލެވުން
މ (1) ތިމާގެ އިޚްތިޔާރަކާނުލައި ކުޑަކަމުދެވުން (2) ކުޑަކަމު ދެވުން
ފަންކާރަ
ނ )ބދ ( ތިމާގެ މީހުން
ގެޔަށްދިއުން
މ (1) ތިމާގެ ވަޒަނަށް ދިއުން (2) ތިމާހުންނަ ތަނަކަށް ދިއުން
ސައްޓިނުބައިބަތްކޮޅުހެޔޮ
ގބ މަޖާޒު: (1) ތިމާގެ ބޭނުން ފުދުނީމާ އަނެކާގެ މަތިން ހަނދާން ނައްތާލާ މީހުނާމެދު ބުނެއުޅޭ ބަހެއް (2) މަސައްކަތް ކުރަން ބޭނުން ނުވެފައި ރަނގަޅުގޮތާއި މޮޅުގޮތްވުން އެދޭ މީހުނާމެދު ބުނެއުޅޭ ބަހެއް
ސައްޔާޙު
ނ ހިތްއުފާ ކުރުމަށް ނުވަތަ ތިމާގެ ޤައުމު ނޫން ޤައުމެއް ބަލަން ދަތުރުކުރާމީހާ
ސޮއި
ނ (1) ތިމާގެ އަމިއްލަ އަތުން ވަކިގޮތަކަށް ލިޔެފައިވާ ތިމާގެ ނަން (2) ތިމާގެ އަތުގެ ނުވަތަ ތިމާގެ އިނގިލީގެ ނިޝާން
ފަރި
ނއ (1) ނަލަ. (2) ޗާލު. (3) ހިތްގައިމު. ނ. (4) ކުކުޅެއްގެ ކުރިމަތީގައި ހާގެންނަ އެދުންވެރިކަމުގެ ޙަރަކާތް. (5) ބައެއް ކަހަލަ ކަންތަކަށް ވާތައްޔާރު. މިސާލު: ދުއްވައިގަތުމަށް. ނުވަތަ ލާނދާ އެއްލުމަށް މީހާ ވާފަރި. (6) ކުޅިޖަހާއިރު ތިމާގެ ކުޅަދާނަކަން ދެއްކުމަށް ހަދާގޮތް ނުވަތަ ޙަރަކާތް. (7) މާކެޔޮޅުކަމު ގެންދާން ކަމުދާ ވަރަށް ކޯމަސްވާކުނި. (8) މާމެލާމެލި ފޮޅުމަށްޓަކައި ފިޔަތައް ހުޅުވޭ ހުޅުވުން. ނ. އެތެރޭގައި ފަޅެއް އޮންނަ ގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން