radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ހުނަރުވެރިކަން
ނއނ (1) ޙިކުމަތްތެރިކަން (2) ފަންނުވެރިކަން (3) ތަކެތި ހެދުމުގެ ގޮތުން ވިސްނުންތެރިކަން (4) ކަންތައްކުރުމުގެ ފާޑުވެރިކަން
ހުނަރުވެރިވުން
މ (1) ޙިކުމަތްތެރިވުން (2) ފަންނުވެރިވުން (3) ތަކެތި ހެދުމުގެ ގޮތުން ވިސްނުންތެރިވުން (4) ކަންތައްކުރުމުގައި ފާޑުވެރިވުން
ހުނަރުވެރިޔާ
ނ (1) ޙިކުމަތްތެރިޔާ (2) ފަންނުވެރިޔާ (3) ތަކެތި ހެދުމުގެ ގޮތުން ވިސްނުންތެރިޔާ (4) ކަންތައްކުރުމުގެ ފާޑުވެރިޔާ
ހުނިޖެހުން
މ (1) ބިލެތްގަނޑުގެ ހުނގުޅުގައި ހުނިކޮޅެއް ތަތްކުރުން (2) ވައްތައް ގާތްކޮށް ހުންނަ ކެޔޮގަނޑު ފަދަ ތަކެތި ގުނުމުގައި ބިލެތް ހުނިން ފާހަގަ ޖެހުން (3) މަޖާޒު: ވަކިފަރާތަކަށް ނުވަތަ ވަކި ސިފައަކަށް މީހަކު ޚާއްޞަކޮށްލުން
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުޅުނބު
ނ މަސްމަހާއިމެހީގެ ހަށްގަޑުގެ މަތީގައި އަލިކޮށް ހުންނަ ތުނިފޮތިތައް މިހުންނަނީ ނިޔަފަތި ހުންނަ ޒާތަކަށެވެ
ހުކުރުބެރު
ނ އިހުގައި ހުކުރުދުވަހު ނުވައެއްޖަހާއިރު ނާބުސްޚާނުގައި ޖަހާބެރު މިއީ މީސްތަކުން ހުކުރަށް ދާން ތައްޔާރުވުމަށް ޖަހާއުޅުނު ބެރެކެވެ
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުއިފަތުފިލޮޅު
ނ ފިލޮޅުގެ ބާވަތެއް މިމަހުގެ ތުން ދިގުވެފައި މަހުގެ ހަށިގަނޑުގައި ހުންނަ ހުޅުބުތައް ހަރުވެފައި ބޮޑެއްޗެވެ މަހުގެ ބޮލުގެ މަތީބަޔާއި ކަރުތާފަތް އަދިކަންފަތްގަނޑުގެ ބުޑުދޮށުގައި ހުޅުނބެއްނުހުރެއެވެ މިމަހުގެ ކުލައަކީ މުށިކުލައެވެ
ހުއިފިލަނޑާ
ނ މޫދުގައިއުޅޭ ދިރޭ އެއްޗެއް މީގެ ތަފާތު ވައްތަރުތައް ހުރެއެވެ ބައެއް އެއްޗެހި ކަޅުކުލައިގައި އުންފަޅައިފައި އަނެއްބައި އެއްޗެހި ކުކުޅުބިސް ކުލައިގައި ކަޅުލައް ޖަހައިފައިހުރެއެވެ މީގެތެރެއިން ބައެއް އެއްޗެހީގެ ބަނޑުގައި ބިއްލޫރި ކުލައިގެ ހިމަދިގު މަހެއް އޮވެއެވެ
ހުއްދަފަތާ ނިކުތުން
މ އިހުގައި ހުއްދަފަތާއި ޚިލާފަށް ހިނގާ ކަންތައް މަނާކުރުމަށް ވެރިކަމުގެ ފަރާތުން ބަޔަކު ނެރުން
ހުއްދަފަތް
ނ އިހުގައި ވެރިކަމުގެ ފަރާތުން އެކިއެކި ގޮތްގޮތުން މަނާވެފައި ހުންނަ ކަންތައްކުރުމުގެ އިޒުނަދެއްވުމަށް ދެއްވާ ފަތްކޮޅު
ހުވަނދުހެދުން
މ މަޖްލިސް މަޖްލިސްގައި ހުވަނދު ދޭން ފިނިފެނާއި މީރުވަސްދުވާ އަތަރާއި ސެންޓްފަދަތަކެތި އެއްކޮށް ތައްޔާރުކުރުން
ހުވަފެން
ނ )ބދ ( (1) ނިދައިފައި އޮންނައިރު ފެންނަ އެކިބާވަތުގެ ކަންތައް (2) )ސ ( ތުނިޔައާ ވައްތަރު އެޔަށްވުރެ ކުދި އެއްޗެއް (3) މަޖާޒު: ފޮނިއުންމީދު
ހުވާގެކައްފާރަ
ނ ހުވާއުވައިލުމުން ނުވަތަ ދޮގު ހުވާކުރުމުން އެކަމުގެ ފާފައިން ސަލާމަތްވުމަށް ކުރާ ކަންތައް
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި
ހުސިޔާރުކަން
ނއނ (1) ވިސްނުން ތޫނުކަން (2) ކަންތަކަށް ކުޅަދާންކަން (3) ކަންތަކަށް ތައްޔާރުވެހުންނަކަން
ހުސްފުށަތުންލުން
މ ފަސްކޮށް ކުޅޭއިރު ކުރާކަމެއް. މިކަންކުރާގޮތަކީ ފަސްއޮށްބައި މައްޗަށް އެއްލައި އަތުގެ ފުށަށް ދިމާކޮށް ފުށަތަށް އެޅުނުއޮށްތައް ފުށަތުން މައްޗަށް އެއްލައި ހިފުމެވެ
ހޫނ
އ (1) އާނ (2) ތިޔަކުރާ ކަންތައް އެނގިއްޖެޔޭ ބުނުމުގެ މާނައިގާ ބުނާ ބަހެއް މިބަސް ގިނައިން ބޭނުންކޮށް އުޅެނީ "ހޫނ ހޫނ" މިހެންނެވެ
ހެއިލާހުރުން
މ (1) ރޭގަނޑު ނުނިދައި ހުރުން (2) ކަމަކަށް ވިސްނައި ހުރުން (3) ކަމަކަށް ތައްޔާރަށްހުރުން