radheef.info
ރަދީފު


ދޯނި
ނ މަހަށްދިއުމަށާއި އެއްރަށުން އަނެއްރަށަށް ދަތުރުކުރުމަށް ބަނދެފައި ހުންނަ އުޅަނދެއް
ކަނޑުބޭރުކުރުން
މ (1) އައު ކުއްޖަކު އިރުވަރުން ކަނޑުމައްޗަށް އެރުވުން (2) އަލަށް ބަންނަ އޮޑިދޯނިފަހަރު ކަނޑަށް ނެރުން
ކަނޑުމަތި
ނ (1) ކަނޑުގެފެންމަތި (2) ކަނޑުގެތެރޭން އެކިސިފަސިފައިގައި ރޭގަނޑަށްފެންނަ ރެދަންލާ މާއްދާއެއް ބައެއްފަހަރަށް އޮޑިދޯނި ފަހަރުގެ ކުނބާއި ވާވެލާވެލި ފަދަ ތަންތަނުންވެސް މިރެދަން ފާޅުވެއެވެ މިއީ ޖައްވުގައިހުންނަ ހަކަތައިގެބާރުން ދިއްލޭ ދިއްލުން ތަކެކެވެ
ކަނޑުފެނުއެޅުން
މ އަލަށް ބާލާ އޮޑިދޯނި ފަހަރު ކަނޑަށްނެރުން
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަބީލާ
ނ އޮޑިދޯނި ފަހަރު ބަނުމުގައި ދެލަކުޑިގަނޑު ހަރުކުރާންޖަހާ މަޢްދަނީ އިއްޔެއް މިހަރުކުރަނީ ވަސަރު ލައްވައި މަލަރުކޮށް ގެންނެވެ
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކައްޅި
ނ އޮޑިދޯނިފަހަރުގެ ވަތް ބައިކޮށްފައި ހުންނައިރު ތަޅާއި ހަފޮޅާ ދޭތެރޭ ހުންނަ ކަޅިވަތްތައް
ކައްޔާލު
ނ (1) އޮޑޮދޯނިފަހަރުގެ ކޮލިމަތި (2) އުކުޅުމަތި
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވަރުމަޑޫ
ނ އޮޑިދޯނިފަހަރުގެ ދެވަނަ މަޑޫ
ކަމަރާ
ނ (1) ފުރާދުއްވާ އެއްޗެހީގެ ކޮޅުފަސްކޮޅުގައި ފުރާޅު ހަމަޔަށް ހަދައިފައި ހުންނަގެ (2) އޮޑިދޯނި ފަހަރުގައި މީހުން ނިދުމަށާއި ހިޔާވުމަށް ހަތަރެސްކަން ފޮށިގަނޑެއްހެން ހަދައިފައި ހުންނަހިޔާ (3) )ބދ ( އުޅުނބު
ކަފިވަޅު
ނ މަސްދޯނިފަހަރުގައި ކުނބުކަފިޖަހަން މަސްފިލާގަނޑާއި އިންނަފަތާއި އިހިތަކުން ކަނޑައިފައި ހުންނަތަން
ކަފިވައްގަނޑު
ނ އޮޑިދޯނިފަހަރުގައި ކުނބުކަފީގެ ފޫހެރެން އޮންނަ ބަނޑުވައްގަނޑު
ކަފިފޮތި
ނ އޮޑިދޯނިފަހަރުގެ ފިލާގަނޑު ކަތްޕަށް ކަނޑައިފައި އޮންނަފޮތި ނުވަތަ ފިލާ
ކަޑަ
ނ (1) އެކިއެކި ބޭނުމުގައި ބިމަށްޖަހާ ކުރުދަނޑިބުރި )މިހުންނާނީ އެއްކޮޅު ފޭއްސައިފައެވެ ( (2) އަންހެނުންގައި ހުންނާންވީ ބަނިޔާދަންކަމުގެ އިދިކޮޅު (3) އޮޑިދޯނިފަހަރު ފައްސިޔަ ބޮޑުވެގެންގޮސް ދެފުށުވައި އެޅޭގޮތްވުމަށް ކިޔާނަން
ކަޑި
ނ (1) އޮޑިދޯނިފަހަރުގެ ބޭރުގައި އުނގުޅާންގެންގުޅޭ ރަތްކުލައިގެ މަށްޓެއް މިބޭހަށްވެސް ބޭނުންކުރެއެވެ (2) ލަވަ ފަރިހީގެ މައިގަނޑުނޫން ބައިބައި
ކިނބިފަންގެ
ނ އޮޑިދޯނި ފަހަރުގައި މަތި ހިޔާކުރާއިރު ވަސްދަނޑި މަތިން އަޅާފަންގެ
ކިއްސަރުއުއި
ނ އޮޑިދޯނިފަހަރު ބަންނައިރު މަޑޫމަތީގައި ލަނބަމުން ޖަހާއުއި
ކިއްސަރުވަޑާން
ނ އޮޑިދޯނިފަހަރު ބަނުމުގެ ވަޑާން
ކުނބުން ދިރުބަ
ނ އޮޑިދޯނިފަހަރުގެ ކުނބު އިންނަފަތުން ފެށިގެން ކުރީކޮޅު