radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ނާށިގަނޑު
ނ (1) އެކިއެކި ބޭނުމަށް ތާހިރުކޮށްގެން ގެންގުޅޭ ނާށި. (2) ކަދޫ ޖަހާމުގުރިފަދަ ތަކެތީގެ ބޭރުން އޮންނަ ހަރުތޮށިގަނޑު (3) އިންސާނާގެ ބޮލުގެ ހަރުތޮށި ގަނޑު (4) މަޖާޒު: އަންހެން ދުޅާކޮށް އުޅޭ ފިރިހެނުން
ނާށިގަނޑު ކުކުޅު
ނ (1) ސީނުކުކުޅު (2) ގިނިކުކުޅު (3) ކަޅުނޫކުލައިގައި ހުދުކުލައިގެ ތިއްތިއް ޖަހައިފައި ހުންނަ ބިންމަތީ އުޅޭ ދޫންޏެއް މީގެ ބުރިކަށިމަތި އޮންނާނީ ތާވައްކާށި ނާށިގަނޑަކާ އެއްބައްޓަމުގައެވެ
ނާބަންނަކަށިގަނޑު
ނ ކުކުޅުހާލާއި ބައެއްދޫނީގެ މޭކަށިގަނޑު
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިމެރިދޫނި
ނ ސާމަރާދޫނި
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނުކިޔަމަންތެރި
ނއ (1) ބޯނުލަނބާ (2) ބަސްނާހާ (3) ގޮތްދޫނުކުރާ
ނުކިޔަމަންތެރިން
ނ (1) ބޯނުލަނބާ މީހުން (2) ބަސްނާހާ މީހުން (3) ގޮތްދޫނުކުރާ މީހުން
ނުކިޔަމަންތެރިކަން
ނއނ (1) ބޯނުލަނބާކަން (2) ބަސްނާހާކަން (3) ގޮތްދޫނުކުރާކަން
ނުކިޔަމަންތެރިވުން
މ (1) ބޯނުލެނބުން (2) ބަސްނޭހުން (3) ގޮތްދޫނުކުރުން
ނޫރީ
ނ (1) ގުރާފާޑުގެ ދޫންޏެއް މީގެފަތްތައް އެއްކުލައިގައިވެސް އަދި އެކި ކުލަކުލައިގައިވެސް ހުރެއެވެ މިދޫނީގެ ބޮލުގައި ކުޑަ ހުޅިޔެއް ހުރެއެވެ
ނޫމަސް
ނ ރަތްމަހުގެ ޢާއިލާގެ މަހެއް މިއީ ދޮންނޫމަހާ ވަރަށް ވައްތަރު ސިފައެއް ހުންނަ މަހެކެވެ މަހުގެ ކުލައަކީ ގަދަނޫކުލައެވެ ބަޑުދަށްފަރާތް ހުންނަނީ ހުދު ކުލައެއްގައެވެ ކޮތަރިބައިތައް ހުންނަނީ ފަނޑުމުށިކުލައަކަށްދާ ރީނދޫ ކުލައެއްގައެވެ ނުވަތަ ހުދުކުލައެއްގައެވެ
ނެރުފާހަގަ
ނ (1) ނެރުފާހަގަ ކުރަން ޖަހައިފައި ހުންނަ ހޭރި (2) ނެރުގެ ވަނަވަރު މިސާލު: ފަރުކޮޅުފުއްޓާ ވިހަމަނާ ފުއްޓާ ޖެހޭއިރު ފޭދޫގެ ނެރަށް ސީދާވުން
ނޭއްދާރު
ނއ (1) މީހުން އެކުނުލާ (2) މީހުންނާ ނުގުޅޭ (3) ގޮތްދޫނުކުރާ
ނޭއްދާރުކަން
ނއނ (1) މީހުންނާ އެކުނުލަވާކަން (2) މީހުންނާ ނުގުޅޭކަން (3) ގޮތްދޫނުކުރާކަން
ނޭއްދާރުވުން
މ (1) މީހުންނާ އެކުނުލެވުން (2) މީހުންނާ ނުގުޅުން (3) ގޮތްދޫނުކުރުން
ނޮޅި
ނ (1) ގުޑުގުޑާގެ ސިލުނބާއި ފުޅިއާއި ސަދަބު ނޫން ހުރިހާ ބައިތައް (2) ވިޔާއިރު ތޭރިލާން ގެންގުޅޭ ހޮޅިބުރި (3) އުނދުނަށް ފުމޭން ގެންގުޅޭ އޮނުގަނޑު (4) ކާޅާއި މާކަނާ ފަދަ ދޫނިސޫފާސޫފީގެ ކަރު (5) ނޮޅުން މިބަހުގެ ނނކ
ނޮޅުން
މ (1) ކުދިގަސްތަކެއް އުފުރުން (2) ގަހަކުން ފަތްވަކިކުރުން (3) ތަނޑުން ފަތް އުފުރުން (4) ތޮށިދޫ މޭވާއާއި ތަރުކާރީގެ ތޮށި ފިލުވުން (5) ބަކަރި ކުކުޅުފަދަ ތަކެތީގެ ހަން ފިލުވުން (6) ދޫނިސޫފާސޫފީގެ ފަތް އުފުރުން (7) ވީދާ ވަކިއަޅާހެދުން (8) ކުކުޅުބިސްފަދަ ތަކެތިން ތޮށި ފިލުވުން (9) ހަށިގަނޑުން ފޮޅިފައިހުންނަ ހަންކޮޅުކޮޅު ނެއްޓުން
ރަންކޮކާ
ނ (1) ރަންރީނދޫކުލައިގެ ވިދާކޮކާލެއް މަޖާޒު: (2) ބަނޑުހައިވެގެން ގޮސްމާބޮޑުވަރުވީމާ ލޮލަށް ފެންނަހެން ހީވާއެއްޗެއް ހަށިގަނޑު ދެރަވެފައި ހުންނައިރު ގިނައިރުވާންދެން އުޑަފައިން އިށީނދެ އިނދެފައި ކުއްލިއަކަށް ތެދުވީމާވެސް މިފެނެއެވެ (3) )ޅ ( ލޭކޮކާ
ރަންވަންނިކުލަ
ނ ރަންކުލަޔަކާ ގާތް ރީނދޫކުލައެއް