radheef.info
ރަދީފު


ދަން
ނ (1) ތިންގަޑިއިރުގެ ވަގުތު. (2) ދުވަހެއްގެ އަށްބައިކުޅަ އެއްބައި. މިސާލު: ދަމަކަށް އިރުއަރައިފިއެވެ. (3) ދިއުން މިބަހުގެ ވާކަން )ވާހަކަ ދައްކާ ފުރަތަމަ މީހާ ބުނާގޮތް( މިސާލު: އަހަރެން އެގެއަށްދަން (4) ރޭގަނޑާ ނިސްބަތްކޮށް މާލަސްވެއްޖެއޭ ބުނާގޮތް
ދަންކުރުކުރުން
މ ވަކިކަމަކަށްޓަކައި ރޭގަނޑު ހޭލާތިބޭއިރު ވަގުތު ހޭދަކޮށްލުމުގެ ގޮތުން އެކިއެކި ވާހަކަ ދެއްކުމާއި ވާހަކަ ކިއުމާއި އެކިއެކި ކުޅިވަރު ކުޅުން
ދަންވަރު
ނ މެންދަން
ދަންވަރޮ
ނ )ގ ( ދަންވަރު
ދަންވަކި
ނ )ގ ( ދަނބުގަހުގައި އަޅާ މޭވާ
ދަންވައް
ނ )ޏ ( ދަނބުގަހުގައި އަޅާ މޭވާ
ދަންވުން
މ (1) މެންދަމާކައިރިވުން (2) އިރާކޮޅަށްވުރެ ފަސްވުން
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންމަރުވުން
މ (1) ފާޅުވުން (2) ހާމަވުން
ދަންމައިލުން
މ (1) ވަގުތު އިތުރު ކޮށްލުން (2) ހިނދު ދިގުކޮށްލުން (3) ޖެހިޖެހީނުން ހިރިނުލެވޭ ވަރުކޮށްލުން
ދަންމާނަށް ދެމުން
މ ރިޔަލުގައި ވައިއަޅުވަން ދަންމާނަށް ވާންކުރުން
ދަންމާނު
ނ (1) ދަންމާނު ފޫޅުގަނޑުގައި ޖަހައިފައި ހުންނަވާ (2) ރިޔަލުގެ އޮޑިމަތީކުރަތްވާއި ތަޅާކުރަތްވާ ބެދުނު ތާނގައި ބައްދައިފައި ހުންނަ ވާ
ދަންމާނުބުޅި
ނ ދަންމާނު އަޅުވަން ދޯނީގައި ޖަހައިފައި ހުންނަބުޅި
ދަންމާނުބޮޅު
ނ ދަންމާނުވާގަނޑު ލައްވަން ރިޔަލުގައި ހަރުކޮށްފައި ހުންނަ ބޮޅު. މިބޮޅު ލަކުޑިން ނުވަތަ ލޮއިން ހަދައިފައި ހުރެއެވެ
ދަންމާނުވާގަނޑު
ނ ދަންމާނު
ދަންމާނުފޫޅުގަނޑު
ނ ރިޔަލުގެ އޮޑިމަތީ ކުރަތްވާއި ގުޅޭތާނގައި ދަންމާނުޖަހަން ހުންނަ މަޅިގަނޑު
ދަންމާނުޖެހުން
މ ދަންމާނު ފޫޅުގަނޑުގައި ދަންމާނު ބެއްދުން
ދަންމާނެބުޅިއާ
ނ )ގ ( ދަންމާނުބުޅި
ދަންމާނެޔާ
ނ )ގ ( ދަންމާނު
ދަންފަޅި
ނ (1) އެއްކަމަކާ ބެހޭގޮތުން ބާްއްވާ ޖަލްސާތަކަކުން ޖަލްސާއެއް (2) ޝަރިއަތެއް ހިނގަމުންދާއިރު ބާއްވާ ކޮންމެ ބައްދަލުވުމެއް (3) ދުވާލަކު އިސްކޫލުގެ ކިޔެވުން އޮންނަ ގަޑިތައް (4) ފޯރިބަހައިގެން ތިބޭމީހުން ތިބެންޖެހޭ ގަޑިތައް (5) ދަން
ދަންފަޅިބަލައިގަތުން
ނ ދަންފަޅިއާ ޙަވާލުވުން