radheef.info
ރަދީފު


ފުޅު
ނ (1) މީހެއްގެ ދަރަޖަ މާތް ކުރުމުގެ ގޮތުން އެމީހެއްގެ ނަމުގެ ފަހަތަށް އިހުގައި ގުޅައި އުޅުނު އަކުރެއް. މިސާލު: ޙަސަންފުޅު މޫސާފުޅު (2) މާތްކުރުމުގެ ގޮތުން ނަމެއްގެ ފަހަތަށް އިތުރުކުރާ އަކުރެއް މިސާލު: އަނގޮޓިފުޅު ހިނިފުޅު
އިސްކަންދަރުހަރުބި
ނ ހަތްކޮޅު ނަގާބޭފުޅުން އިއްޒަތަށް ވަޑައިގަންނަވާއިރު ގަނޑުވަރުން ފެށިގެން އެވަޑައިގަންނަވާ ތާކަށް ވަޑައިގަންނަވާންދެން ދުންމާރީގައި ފުމޭ ހަރުބި
އޮލީ
ނ ބޭފުޅުން އަވަހާރަވެގެން ކިޔަވާ ރަސްމީ ކިޔެވުން
އޮގަރުކަން
ނ ރަދުންނަށާއި ގަނޑުވަރުތެރޭގެ ބޭފުޅުންނަށް ރާފޮދުބާލާކަން މިއީ ދައުލަތުން ދެއްވާ ވަޒީފާއެކެވެ
އޮގަރުކަލޭގެ
ނ ރަދުންނާއި ގަނޑުވަރުތެރޭ ބޭފުޅުންނަށް ރާފޮދު ބާލާން ރަސްމީގޮތުން ހުންނަމީހާ
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
ވަށްފޮތިލަނޑާ
ނ މުދިފުޅުކޭލަނޑާހެން ހުންނަ ހުޅުނބު ބޮޑެތި ލަނޑައެއް
ވަޅުގަނޑުވަރު
ނ ބިމުއަޑީގައި ހަދައިފައި ހުންނަ ސިއްރިއްޔާތުގެ ގެކޮޅު މިއީ އިހުގައި ބައެއް ރަސްދަރިކަނބަލުން ފަދަ ބޭފުޅުން އުޅުއްވަން ބިމުއަޑީގައި ހެއްދެވިކަމަށް ބުނެވޭ ޚާއްޞަ ތަންތަނަށް ދީފައިވާ ނަމެކެވެ
ވަތްކުރުން
މ ކެއުން ބުއިމަށް ކުރާ ތައްޔާރަށް ބުނާ އެންމެ މާތްގޮތް މިސާލު: ބަތްފަރިއްކޮޅު ވަތްކުރުން ފެންފޮދު ވަތްކުރުން ފަތްސިލުނބުފުޅު ވަތްކުރުން
ވަޒީރުން
ނ (1) ވުޒާރާތައް ހިންގެވުމަށް ތިއްބަވާ އެންމެ އިސްވެރިން )ކެބިނެޓްގެ މެމްބަރުން( (2) އިހުގައި ބޮޑުފުރަދާނަކަން ދެއްވާފައިވާ ބޭފުޅުން
ވަޖުހުފުޅު
ނ މާތްﷲ ގެ ޛާތުފުޅު
ވަޙީ
ނ (1) ﷲގެ ކޮންމެ އެންގެވުމެއް (2) ނަބީބޭކަލުންނާއި ރަސޫލުބޭކަލުންނަށް ﷲ އަންގަވާ ޙުކުމްފުޅުތައް (3) ކަލާމުﷲ )ކީރިތި ޤުރުއާން(
ވަޙީކުރެއްވުން
މ (1) ވަޙީ އެންގެވުން (2) ﷲގެ ކަލާމްފުޅު އެކަލާނގެ ޙަޟްރަތުން އެންގެވުން
ވަޙީއިއްވެވުން
މ ﷲގެ ކަލާމްފުޅު އެކަލާނގެ ޙަޟްރަތުން އެންގެވުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
މަހުއެއްޗެހިކޮޅު
ނ އިހުގައި ގަނޑުވަރުތެރޭގެ ބޭފުޅުންނަށް ސަރުކާރުން މަސްމަހަށް ދެއްވާތަކެތި
މަނިއްޕުޅު
ނ ރަސްމަތި ފުށުގެ ފިރިހެން ބޭފުޅުންނަށް ކިޔާ ނަމެއް
މަންސަފާކޮޅު
ނ ހަތްކޮޅުނަގާ ބޭފުޅުންގެ އިއްޒަތުގެ ހެދުން ކޮޅެއް
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ