radheef.info
ރަދީފު


ފުން
ނއ (1) ތަނެއްގެ ނުވަތަ އެއްޗެއްގެ ސަޠުޙަށްވުރެ އަޑި. (2) އެއްޗެއްގެ ނުވަތަ ތަނެއްގެ އެތެރެއަށް އަޑިވެފައި ހުންނަވަރު ވާ ބޮޑު. މިސާލު: ފުން ދޯންޏެއް. ފުން ހޮހޮޅައެއް. (3) މަޖާޒު: ނިންޖާ ނިސްބަތްކޮށް ބުނާ ގަދަ. މިސާލު: ގަދަނިދި. )ފުންނިދި( (4) ކަންކަމާއި ޚިޔާލާއި ފިކުރުގެ އެންމެ އަޑި އެންމެ ދުރު (5) މާނަ އަތުލައިގަތުން އުނދަގޫ
ފުންނަ
ނ މޫދުގައި އުޅޭ ކުޑަމަހެއް މީގެ ދެވައްތަރެއް ހުރެއެވެ އެއީ ވެން ފުންނަ އާއި މަސް ފުންނައެވެ
ފުންނަބޮޑުމަސް
ނ ފުންނައާ ވައްތަރު ބޮޑުމަސް
ފުންނާބު
ނ (1) އިންސާނާގެ ފައިތިލައިގެ ފަހަތުކޮޅު (2) ބޫޓާއި ފައިވާންފަދަ ތަކެތީގެ ފަހަތުކޮޅު
ފުންނާބުއުސް
ނއ މަޖާޒު: (1) މަޢުލޫމާތު ތަނަވަސް (2) ހުނަރުވެރިކަމަށް އަރާހުރި (3) ކަންކަމަށް ކުޅަދާނަ
ފުންނާބުއުސްވުން
މ މަޖާޒު: (1) މަޢުލޫމާތު ތަނަވަސްވުން (2) ހުނަރުވެރިކަމަށް އަރާހުރުން (3) ކަންކަމަށް ކުޅަދާނަވުން
ފުންނާބުގައިތެޅުން
މ މަޖާޒު: މީހުންގެ ގާތަށް އުނދަގޫވާ ވަރަށް ކަންކަމާ ހިނގުން
ފުންބަސް
ނ (1) ތިލަބަހުގެ އިދިކޮޅު (2) ބޮޑަށް ވިސްނައިގެން ނޫނީ މާނަ އަތުލައި ނުގަނެވޭ ބަސް
ފުންކަން
ނއނ (1) ތިލަކަމުގެ އިދިކޮޅު (2) އަޑިކަން (3) ކަންކަމާއިމެދު ކުރާ ޚިޔާލާއި ފިކުރުގެ ބޮޑުކަން
ފުންކުރުން
މ (1) ތަނެއް ނުވަތަ އެއްޗެއް ކޮނެގެން ނުވަތަ ތޮރުފައިގެން ނުވަތަ މިނޫންވެސް ގޮތަކުން ހުރިވަރަށްވުރެ ބޮޑަށް އަޑިކުރުން. (2) އޮޑިދޯނިފަހަރު ބީހިފައި ހުއްޓައި ނުބީހޭ ވަރުގެ ދިޔަވަރު އޮތް ތާކަށް ގެންދިއުން. (3) ވާހަކަ ދައްކާ އާދައިގެ ބަހަށްވުރެ މާނަވީ ބަހުރުވައަށް ދައްކާ ވާހަކަ ބަދަލުކުރުން
ފުންކުޅައިން
މ )ބދ ( ވަޅުލުން
ފުންމައިގަތުން
މ (1) ގަޔަށް ބާރުލައި ހުރިތާކުން މުޅިހަށިގަނޑު މައްޗަށް އުފުލޭގޮތަށް ޙަރަކާތްކުރުން (2) މަޖާޒު: ރުޅިވެރިކަމާއިއެކު އަނެކަކާ ދިމާއަށް އެއްޗެހި ގޮވައިގަތުން
ފުންމައިގެންތެދުވުން
މ ކުއްލިޔަކަށް ތެދުވުން
ފުންމައިގެންގޮސްޖެހުން
މ ގަޔަށް ބާރުލައި ހުރިތާކުން މުޅި ހަށިގަނޑު މައްޗަށް އުފުލޭގޮތަށް ކުރާ ޙަރަކާތަކުން ހުރިތަން ނޫން އެހެން ތަނަކަށް ދިއުން
ފުންމާކޯކިޔުން
މ ކުޑަކުދިންގެ ވަކި ޢުމުރެއްގައި އެކުދިން އުފާކޮށް ދިނުމަށާއި އަދި ބައެއް ފަހަރު މަސަލަސް ކުރުމަށް ކުއްޖާ ތަނެއްގައި ބަހައްޓައި ފުންމާކޯ ކިޔަމުން މީގާހެ އަތަށް ފުންމުވުން
ފުންމާކޯކުޅުން
މ ފުންމާކޯ ކިޔުން
ފުންމާއޮނު
ނ ރާގުތައް ފުމެވޭގޮތަށް ހަދައިފައި ހުންނަ އޮނު
ފުންމިން
ނ (1) އަޑިއަށް ހުންނަވަރު. (2) އެތެރެއަށް ހުންނަވަރު. (3) ކަމަކާމެދު ނޫނީ އެއްޗަކާމެދު ޢިލްމީ ރޮނގުން ދިރާސާ ކުރެވިފައިވާ މިންވަރު
ފުންމިންބެލުން
މ (1) މުޑުތުލުން (2) އަޑިޔަށްހުރި ވަރުބެލުން
ފުންމުން
މ ފުމުން
ފުންގަނޑު
ނ ފަޅުތެރޭގައި ހުންނަ ފުންތަންތަން