radheef.info
ރަދީފު


ފަރު
ނ އެތެރޭގައި ފަޅެއް އޮންނަގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން
ބޮލިހިލުން
މ ފަރުހިލުން
ބޮލިރޯވުން
މ ފަރުގައި ދިރޭބޮލި ގިނަވުން
ބޮޑަހަނދި
ނ ފަރުމަހުގެ ބާވަތެއް މިއީ ފަޅުފަޅާއިފަރުގެ ގާތަކުގެ ތެރޭގައި އައިން ހަދައިގެން އުޅޭމަހެކެވެ މިމަހުގެ ލޯބޮޑުވެފައި ހުޅުނބު ގިނަވާނެއެވެ ތާފަތުގެ ކައިރީގައި ކަށްޓެއްހުންނާނެއެވެ މިއީ ރީނދޫ މަހާއި ދާދިއެއް ވައްތަރަކަށްދާ މަޑު ފިޔާތޮށިކުލައެއް ހުންނަ މަހެކެވެ
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ
ބޮޑުވަރިހަމަ
އކ ކޮންމެ ގޮތެއްވިޔަސް ފަރުވާލެއްނެތް
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ
ބޮޑެފާނު
ނ )ގ.( ކުޅިކުޅިއާއި މޫދުގައި އޮއިނުދެމޭ ތަންތާނގައި ހެދިފައިވާ ކިސަނޑުގަނޑުގައި އުޅޭ ރަތްކުލައިގެ ބޮޑު ފަންޏެއް. މިއީ ފަރުމަސް ބޭނުމަށް އެމަށް ބޭނުންކުރާ އެއްޗެކެވެ
ބޯވަ
ނ (1) ފަރުފަރާއި ފަޅުފަޅުގެ ބޭރުމަތީގައްޔާއި ތިލަފަޅުމަތީގައި ދިރިއުޅޭ އެއްޗެއް މި ދިރިއުޅެނީ ހަރުގައެވެ މީގައި އަށްފައި ހުރެއެވެ މިފައިގައި ހުންނަ އުންތަކުގެ ބާރުން ތަންތާނގައި ތަތްކޮށްލައެވެ މީގެ ކުލައެސޮރު އުޅޭ މާހައުލާ ގުޅުވައިގެން ބަދަލުކޮށް ހަދައެވެ (2) ބޯވައެއްގެ ސިފައިގައި އަޅާކުރެހުމެއް (3) ހުދުހަމުގައި ދުޅަވާ ބަލިކަމެއް
ބޯތަށި ބަގީޗާ
ނ ފަތްވަށްކޮށް ގޮނިކޮށް ހުންނަ ބަގީޗާ ގަހެއް މިއީ ފަރުދާ ބަގީޗާގެ ބާވަތެކެވެ
ޅޮނގު
ނ ފަރުމަހުގެ ބާވަތެއް. މިއީ ލޯބޮޑު ހުޅުނބު ބޯ ހުދުކުލައާއި މަޑުމުށި ކުލައެއް ހުންނަ ވަރަށް މަޑުމަޑުން ދުވާ މަހެކެވެ
ކަށިތިޔާރުކުރުން
މ ޗާޓުރޯލާއި ފަރުގާލުގެ ވަސީލަތުން ޗާޓުން މިޞްރާބު ބެލުން
ކަށިގަންޖު
ނ (1) ރޮނގުދަމާ ކަށިގަނޑާއި ފަރުގާލާއި މިބާވަތުގެ އެއްޗެހި އަޅާ ޚާއްޞަ ފޮށި (2) ފަރުގާލުފޮށި
ކަށީފަރުވާ
ނ ސީނުކަރައިގެ ހަކީމީ ފަރުވާއެއް މިއީ ހަށިގަނޑުގެ ވަކި ޚާއްޞަ ތަންތަނަށް ހިމަ ކަށިތަކެއް ހަރައިގެން ދޭ ފަރުވާއެކެވެ
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނުލައި އެހުން
މ (1) ކިޔާ އެއްޗެއް ނުވަތަ އިވޭއަޑެއް ފަރުވާ ބަހައްޓައިގެން އެހުން (2) ކަންދީ އެހުން
ކަންފަތްބަގީޗާ
ނ ފަރުދާ ބަގީޗާގެ ބާވަތެއް މީގެ ފަތް ހުންނާނީ ކަންފަތެއް ހެން ރޫޖެހިފައެވެ
ކަންދޮށް
ނ ފަރުފަރުގެ ކަނާކައިރީން ނިވައިލާ ހިސާބުގެ ކަނޑު
ކަޅަންމަސް
ނ ފަރުމަހުގެ ބާވަތެއް މިއީ ތުން އޫކޮށް ހުންނަ ކަޅުކުލައިގެ މަހެކެވެ މިމަހުގެ ނަގޫފަތްކައިރީ ދެފަރާތު ކުރަގަނޑު ހުންނާނީ ތޫނު ކައްޓެއްގޮތަށް ދެފަރާތަށް ނުކުމެފައެވެ މިއީ ތެޔޮކަންގަދަ މަހެކެވެ މަސްގަނޑު ހުންނާނީ ހުދުކުލައިގަ އެވެ
ކަޅި
ނ (1) ލޮލުތެރޭގައި ކަޅުކޮށް ހުންނަބަޔާއި ހުދުކޮށް ހުންނަބައި. (2) މަހުގެ މައިކަށީގެ ބަނޑުފަރާތުގައި ގެތިފައި ހުންނަ ކަށިތަކުގެ ތެރޭކަޅުކޮށް ހުންނަ އެއްޗެއް. (3) ކަޅިމަސް. (4) ތަވީދުފަދަ ތަކެތީގައި ދިޔާ އެއްޗެތި އުނގުޅާ އުނގުޅުން. (5) މާލެއަތޮޅު ކަނޑުއޮތް ގިރިއާއި ކަނިފިނޮޅާއި ދޭތެރޭ )މިއީ ކުޑަކަޅިއެވެ ( (6) މާލެއަތޮޅު ފުރަންނަ ފުއްޓާއި ފަރުކޮޅު ފުއްޓާއި ދޭތެރޭ )މިއީ ބޮޑު ކަޅިއެވެ