radheef.info
ރަދީފު


މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
ރޯނުނަކަތް
ނ (1) އަށާވީސް ނަކަތުން ހަތަރުވަނަ ނަކަތް (2) ހުޅަނގު މޫސުމުގެ ހަތަރުވަނަ ނަކަތް
ބަނަ
ނއ (1) އުޑުމަތިބޯ (2) އުޑުމަތިފުސް (3) )ސ ( ދުރުން ފެންނަ ރަށްރަށުގެމަލަ (4) )ބދ ( ވައު )ޖަންގަލި( މަޖާޒު: ހަމަނުޖެހުމުގެ ކުލަވަރު (5) މޫނުމަތިން ފެންނަ ނުރުހުމާއި ރުޅިވެރިކަމުގެ އަސަރު
ބަނަކުރުން
މ (1) އުޑުމަތިބޯކުރުން (2) ވިއްސާރައިގެ ވިލާ ބޯކުރުން މަޖާޒު: (3) މޫނުމަތިން ނުރުހުމާއި ރުޅިވެރިކަމުގެ އަސަރު ފާޅުކުރުން (4) ހަމަނުޖެހުމުގެ ކުލަވަރު ފާޅުކުރުން
ބަނަވުން
މ (1) އުޑުމަތިބޯވުން (2) ވިއްސާރައިގެ ވިލާބޯވުން މަޖާޒު: (3) މޫނުމަތިން ނުރުހުމާއި ރުޅިވެރިކަމުގެ އަސަރުފާޅުވުން (4) ހަމަނުޖެހުމުގެ ކުލަވަރު ފާޅުވުން
ބަޅެއްގެ ނަގޫ ސަންފާ އޮނަކަށް ލައިފައި އޮތަސް ތެދެއް ނުވާނެއެވެ
(މުސްކުޅިބަހެއް) ނުބައި އާދަތައްހިފި އަޚުލާގު ނުބައިވެފައި ހުރިމީހަކަށް ނަޞޭހަތެއް ދިނަސް، ކިތައްމެ ނަމޫނާއެއް ދެއްކިއަސް އެއާދަތަކަކާ ވަތްކެއް ނުވެވޭނެއޭ ބުނުމަށް ބުނެއުޅޭ ބަހެއް.
ބަކަމޫނު
ނ ފަޅުތަންތަނާއި ޖަންގަލިތަކުގައި ދިރިއުޅޭ ރޭގަނޑު ޝިކާރަކުރަން ނުކުންނަ މޫނާއި ލޯބޮޑު ދޫންޏެއް މިއީ ސުރުމުއްޗާ ވައްތަރު އެއްޗެކެވެ
ބަދު
ނއ (1) ނުބައި މިސާލު: )ހ( ބަދުނަސީބު )ށ( ބަދުއަޚްލާޤު (2) )ލ( މޫދުގައި ހުންނަބަދި
ބަދުރާންމަހުކޮލި
ނ )މ ( މޫދުގައިއުޅޭ ރީނދޫކުލަިއގެ ވިހަމަހެއް މިމަހުގެ ބަނޑުދަށުގައި ލައްތަކެއް ޖަހައިފައި ހުރެއެވެ އަދި މަހުގެ ވަށައިގެން ކަށި ފަޅައިފައި ހުރެއެވެ
ބަދުރުވާ
ނ (1) ފުރަބަދުރުވައާއި ފަސްބަދުރުވަ (2) ފުރަބަދުރުވައާއި ފަސްބަދުރުވައާއި އެދެނަކަތުގައި އަންނަ ކޮޅިގަނޑު (3) ބަދުރުވާމަތި (4) ބަދުރުވާ މޫސުން
ބަދުރުވާމަތި
ނ ބަދުރުވާ މޫސުން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ
ބުރަނދު
ނ މޫދުގައިއުޅޭ ކުޑަމަހެއް މަހުގެ ކޯތާފަތްމަތީގައި ތިން ބަރިއަށް ހުޅުނބުހުރެފައި ކޯތާފަތްގަނޑާއި ދިމާއިން ބަނޑުދޮށް ފަރާތުގައި ހުންނަ ކޮތަރީގެ ދިގުމިން މަހުގެ ކަންފަތް ގަނޑާއި އެއްވަރުވާނެއެވެ މަހުގެ ހުރަހަށް ރީނދޫ ކުލައިގެ ރޮނގުތަކެއް ހުރުމާއެކު ކަންފަތްގަނޑު ފަޅައިފައިވާ ހިސާބުގައިވެސް ކަޅުލަފެއްހުރެއެވެ
ބުރިހަނޑޫ
ނ ހަނޑޫ ފޮޅީމާ މޫހަނޑުލާއި ނީހަނޑުލާ ދެމެދުން ނެގޭބައި
ބުރިކުރުން
މ (1) ދިގު އެއްޗެއްގެ ބައެއް ތޫނު އެއްޗަކުން ހުރަހަށް ވަކިކުރުން (2) ތޫނު އެއްޗަކުން ކޮޅަށް ހުރި ގަހެއް ނުވަތަ ދަނޑިއެއްފަދަ އެއްޗެއް ކެނޑުން (3) މޫދުމަސް ބޭނުމަކަށްޓަކައި ފަޅައި ކޮށުން
ބުރުނު
ނ (1) އަށާވީސް ނަކަތުގެ ތެރެއިން ދެވަނަ ނަކަތް (2) އައްސިދައާއި ކެއްޗާ ދެމެދުގެ ނަކަތް )ހުޅަނގު މޫސުމުގެ ދެވަނަ ނަކަތް(
ބުރުވަ
ނ )ތ ( މޫދުގެ ހުއިގަނޑު ތެރޭއުޅޭ ހިމަދިގުކޮށް ހުންނަ ކުޑަކުޑަމަހެއް މިއީ ވިނަގަނޑާއި އެއްކުލައިގެ މަހެކެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ