radheef.info
ރަދީފު


މި
ނ ކައިރީގައިވާ އެއްޗަކަށް އިޝާރާތްކޮށް ބުނާ އިޝާރާތުގެ ނަމެއް މިސާލު: )ހ( މިފޮތް )ށ( މިކަންނެޔޮ
ބަހެ
ކ (1) ބުނަމޭ (2) އަންގަމޭ މިއީ ބޮޑު ބަނޑޭރި ގެއިން ނެރުނު އަމުރަށް ޚާއްޞަވެފައިވާ ބަހެކެވެ
ބަށި
ނ (1) ތަރުކާރީގެ ބާވަތެއް. މީގެ ކިތަންމެ ބާވަތެއް ހުރެއެވެ. މިސާލު: ދަނބުބަށި ހުދުބަށި ދިގުބަށި (2) ފަނުން ހައަރިޔަށް ވިޔެގެން ތައްޔާރުކުރާ އެއްޗެއް )މިއީ އިހުޒަމާނުގައި އަންހެނުންގެ ޚާއްޞަ ކުޅިވަރެއް ކުޅުމަށްޓަކައި ފަނުން ވިޔާއެއްޗެކެވެ ( (3) ދިވެހި އަންހެނުން ކުޅެއުޅޭ ކުޅިވަރެއް
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
ބަނބަރަ
ނ އަޅޯ ފައިބާވެލެއް މިއީ ބޭހަށް ބޭނުންކުރާ އެއްޗެކެވެ މީގެ ފަތް ފެން ފެހެނޑަ ފަތާ ވައްތަރެވެ
ބަނބުޅަންބޮނޑި
ނ އިހުގައި ރަސްކަމަށް ކޮލިލާ ދުވަހު ފުރޮޅާ އެއްޗެއް ޚަޒީނާއޭ ކިޔާ ބަޑިޖަހާނީ މިފުރޮޅައިލީމައެވެ މިއޮންނަނީ މުރުސަލް ފާޑަށެވެ މިފުރޮޅުއްވާނީ ކަނބާދިކިލެގެފާނެއެވެ
ބަނބުކެޔޮ
ނ ފަލަމަޑީގެ ބާވަތެއް މިއަޅަނީ ފަތް ބޮޑެތިބިޔަ ގަހެއްގައެވެ މިހުންނަނީ ސައްކޭލަށް ވުރެ އޮމާންކޮށް އެގޮތަށް ބޭރުގައި އުން ޖަހާފައެވެ
އިނފުލުއެންޒާ
ނ ހުންއައިސް ނޭފަތުން އަރިދަފުސް ފައިބާ ރޯގާއެއް މިނަން "އިންފުލޫންޒާ" މިހެންވެސް ކިޔައެވެ
އިނދަ
ނ (1) ޅިނދުކަށިގަނޑު ޖެހޭގޮތަށް ފުރަގަހަށްގޮސް ވެއްޓުމަށް ކިޔާނަން މަޖާޒު: (2) ނާކާމިޔާބު
އިނދުނުތަން
ނ ބައެއްއެއްޗެހީގެ ބުޑުދޮށް މިސާލު: ވަޅިފިޔޮހީގެ މުށްގަނޑުގައި ޖެހިފައި ހުންނަ ތަން
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
އިނގުރު
ނ ރިހަ ކަވާބުފަދަ ކާއެއްޗިއްސަށް ލާން ގެންގުޅޭ ކުޅިރަހަލާ މަޝްހޫރު ގޮނޑިއެއް މިއީ ބިމުތެރޭ ފެތުރެމުން ދުވާގޮނޑިއެކެވެ
އިނގޭ
އ މީހަކު ގާތު އެއްޗެއް ބުނެފައި އެމައްޗަށް ޞުލްޙަވެރިކަމާއެކު ބުނެއުޅޭ ބަހެއް މިސާލު: )ހ( ކޮންމެވެސް އަންނާތި އިނގޭ )ށ( އަހަރެންވެސް ދާނަން އިނގޭ
އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އެތްދަތް
ނ އެތުގެ އަނގައިން ބޭރަށް ނުކުމެފައި ހުންނަދެދަތް މި ދެދަތް ހުންނާނީ ހޮނޑުގެ ދެފަރާތުން ފައިބައިފައެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
އެލްމެނިޔަމް
ނ ކަންވާރު ހަދާފައި ހުންނަ މަޢުދަނީ އެއްޗެއް ދިވެހީން މިޔަށް ޒިންކުވެސް ކިޔައެވެ މިއިން ހަދާފައި ހުންނަ ތެލިބުރިއާއި ސައިކުރާ ވަރަށްގިނައިން ގެންގުޅެއެވެ
އެސް
ނ (1) ގަހަނާއާއި އެފަދަ އެހެން ތަކެތީގައި ޖަހާން ކޮށައި އޮފުއަރުވާފައި ހުންނަ ޖަވާހިރު ނުވަތަ ހިލައާއި މިފަދަ އެއްޗެހި (2) އިންސާނުންނާއި ޙައިވާނުންގެ ލޯ
އެސްނާޅި
ނ ލޮލުގެ ފަލަކޮޅުގެ އަޑީން ކަރުނަވަރުތެރޭ އުސްކޮށް ހުންނަ ތަންތަން މިދުޅަވާނީ ކުޑަމުލިއްސެއްހެނެވެ
އެސްވަޅު
ނ ހުދުހަމުގައި އުފެދޭ ބައްޔެއް. މިބަލި ހުންނާނީ ވައްކޮށް ހަރުކޮށް އެތެރެޔަށް ގޮނޑިލާ ގޮތަށެވެ