radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ހިތެއްފިތެއްނެތް
ނ މަޖާޒު: (1) ރަޙްމެއް ހަމްދަރުދީއެއް ނެތް (2) ކުލުނެއް އޯގާވެރިކަމެއް ނެތް (3) ބިރެއް ސިހުމެއް ނެތް
ހިތްހައްޓާބެދުން
މ މަޖާޒު: (1) ހިތްހަމަޖެހޭ ވަރުވުން (2) ހިތްހަށިހަމަޖެހުން
ހިތްހަލާކުކުރުން
މ މަޖާޒު: (1) ހިތުގައިޖެއްސުން (2) ހިތަށް މާބޮޑަށް އަސަރުކުރާނެގޮތް މެދުވެރިކުރުން
ހިތްހަލާކުވުން
މަޖާޒު: ހިތަށް ހިތި އަސަރެއް ކުރުން
ހިތްހެޔޮކުރުން
މ (1) ހިތްބަރުކަމެއް ނުބޭއްވުން (2) ނުރުހުމެއް ރުޅިވެރިކަމެއް ހިތުގައި ނުބޭއްވުން (3) މަޖާޒު: ހިތުން ފިލުވައިލުން މިސާލު: އަހަރެންގެމަތިން ހިތްހެޔޮކޮށްލާށޭ މިހެންބުނެފިނަމަ އޭގެމާނައަކީ ހަނދާންނައްތާލާށޭ މިއެވެ
ހިތްކާފަރުކުރުން
މ މަޖާޒު: ޝަހްވާނީ ޚިޔާލު ހިތަށް ވެއްދުން
ހިތްކާފަރުވުން
މ މަޖާޒު: ޝަހްވާނީ ޚިޔާލު ހިތަށް ވަނުން
ހިތްފަޅައިގެންދިއުން
މ މަޖާޒު: (1) ހިތަށްމާބޮޑަށް ހިތިއަސަރެއް ކުރުން (2) ހިތަށް މާބޮޑަށް ވޭނާއި ކެކުޅުން ލިބުން
ހިތްފޮޅިގެންދިއުން
މ މަޖާޒު: (1) މާބޮޑަށް ހިތަށް އުފާވެރިކަމުގެ އަސަރުވެރިވުން (2) މާބޮޑަށް އުފާވުން
ހިތްދިނުން
މ މަޖާޒު: (1) ހިތާވުން (2) މީހަކު ދެކެ މާބޮޑަށް ލޯބިވުން
ހިލާލުން
މ (1) "ހިލުން" ބަލާ! (2) މަޖާޒު: ކަމެއްގެ ހަމަގޮތް ރީތިގޮތް ނުބަލައި ފަސޭހަގޮތަށް ހަދައި ނިންމާލުން
ހިލިކުސަ
ނ (1) ފޮނިކާއެއްޗެއް (2) މަޖާޒު: ކައްކާންއުޅެ ރަނގަޅަށް ނުކެކިގެން ދެން އެހިލައި ރޯފިލުވީމާ ކިޔާނަން
ހިޔަނިފުޅު
ނ މަޖާޒު: ވަކިބޭފުޅަކަށް ހެދިގެން އުޅޭ މީހާ
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާ
ނ (1) ވާރެޔާ އަވީން ރައްކާވެވޭ ތަންތަން (2) އޮޑިދޯނިފަހަރުގެ ކުނބުކަތްޕާ ކުންބާ ދޭތެރޭ ދެފުރާޅު ލައިފައި ހަދައިފައި ހުންނަގެ (3) މަޖާޒު: މީހެއްގެ ފަރާތުން ލިބޭ ރައްކާތެރިކަން (4) އެހީތެރިކަން
ހިޔާބޮޑުގަސް
ނ (1) ބޮޑުތަނަށް ހިޔާފެތުރިފައިވާ ގަސް. (2) މަޖާޒު: މީހުންނަށް ބޮޑަށް އެހީފޯރުވާ ތަނަވަސް މީހާ
ހިޔާއެޅުން
މ (1) ވިލާގަނޑެއްގެ ނުވަތަ އުދުހޭ އެއްޗެއްގެ ހިޔަނި އެރުން (2) މަޖާޒު: ވެރިއެއްގެ އެހީތެރިކަމާއި ރައްކާތެރިކަން ލިބުން
ހިޖުރައޮޅުން
މ (1) ހިޖުރައިންވީ ދުވަސް އޮޅުން (2) މަޖާޒު: އެއްބަސްވީ ގޮތާ ޚިލާފަށް ކަން ހިނގާން ފެށީމާ ތިމާޔަށް އޮޅުން އެރުން (3) ހަދާނެ ނުހަދާނެ ގޮތެއް ނޭނގުން (4) މުސްކުޅި ވެގެން ގޯސްމަތިންލުން
ހީނސަމާސާކުރުން
މ (1) އުފާކޮށް ސަމާސާކުރުން (2) މަޖާޒު: ހިލޭފިރިހެނަކާ އަންހެނަކާ އެދުންވެރިކަމުގައި ހީނހީނފައި ސަމާސާކުރުން
ހީނަރު
ނ (1) އަނަރޫފަ (2) ގަސްގަހާގެހި ޅައިރު ހެދުން ދެރަވެގެން ވާ އަނަރޫފަ (3) މަޖާޒު: ކަންކަން ދާންވާ ގޮތަށް ކުރިއަށް ނުގޮސް ހުއްޓުން އަރާއެރުން