radheef.info
ރަދީފު


ވީ
ނ )ވީ( (1) ތޮއްޓާއެކު އޮންނަ ހަނޑޫފުއް (2) ނނކ "ވުން" މިބަހުގެ ނިމިނިމުނުކަން
އަވަލި
ނ ހަނޑުލުގެ ވީންހަދާ ނުކައްކާ ކާއެއްޗެއް މިހެދީމާހުންނަނީ ފަތިކޮށެވެ
އަވަލިތެޅުން
މ ވީތަޅައިގެން އަވަލިހެދުން
ވޮށްއެރުވުން
މ (1) ވޮށް ދިއްލުން (2) ވޮށް ދިއްލުމަށް ތައްޔާރުކޮށް އެވޮށެއް ހުންނަންވީތާކު އެވޮށެއް އެލުވުން މިބަސް މާތްކޮށް ބުނާގޮތަކީ "ވޮށްކޮޅު އެރުވުން" މިއެވެ
ނަންބަރުދިނުން
މ (1) މޮޅުދެރަ ބެލުމުގައި ދިހަޔަކުން ނުވަތަ ސަތޭކަޔަކުން އެމީހަކަށް ނުވަތަ އެބަޔަކަށް ލިބޭންވީ ޢަދަދު ބަޔާންކޮށް ދިނުން (2) ތަރުތީބަކުން ކަމެއް ހިންގުމަށްޓަކައި އެކިމީހުންނަށް ވަކިނަންބަރު ޚާއްޞަކޮށް ދިނުން
ނަރުވާ ހަނދި
ނ ހަނދީގެ ބާވަތެއް ނަރުވާ ހަނދި ބޮޑުވެގެން ދުވަސްވީމާ އެނަރުތައް ނެތިދެއެވެ މިހަނދީގެ ކުލައަކީ ރިހިކުލައެވެ ބުރަކަށިމަތި ހުންނަނީ ގަދަ ނޫކުލައިގައެވެ މިއީ ވަރަށް މަސްމީރު މަހެކެވެ
ނަކަތް
ނ (1) މޫސުމުގެ ގޮތުން އަހަރު ބެހިފައިވާ އަށާވީސް ބައިންކުރެ ކޮންމެ ބަޔަކަށް ކިޔާނަން (2) ނަކަތް ނަކަތަށް ރޭވިފައި ހުންނަ ތަރިތައް
ނަކަތްރާހި
ނ ނަކަތާއި ރާހީން ވީދުވަސް ބަލާން ޖަހާ ހިސާބު
ނަކަތްރާހިޖެހުން
މ ނަކަތާއި ރާހީން ވީދުވަސްބަލާން ހިސާބުޖެހުން
ނައްޕި
ނ ރިހަ ފަނިފަދަ ތަކެތި ކައްކަންވީ ގޮތްނޫން ގޮތަކަށް ކެކިފައި ހުރީމާ ކިޔާނަން
ނަލަހަފޮޅު
ނ މަސްދޯނިފަހަރުގެ ފެން ފިލަޔަށްވީ ހިސާބުގައި މަތިކަނުގެ އެތެރޭން އަޅާ ތުނި ހަފޮޅު
ނަގައިލުން
މ (1) ނެތިކޮށްލުން (2) ބޭނުންނެތް ޚަރަދުކުރުން (3) މަޤްޞަދުން ނައްޓުވައިލުން (4) މަގު އޮޅުވައިލުން (5) ތިމާގެ ޙަވާލުގައިވާ އެއްޗެއް ތިމާގެ ފަރުވާކުޑަކަމުން އެއަށް ވީނުވީ ގޮތެއް ނޭނގުން (6) )ގ ( ނެގުން
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ނިސާ
ނ މަސްތުވީމާއެވާގޮތް
ނިސްބަތުންބެހުން
މ ހިއްސާ ގިނަވީވަރަކަށް ގިނައިން މަދުވީ ވަރަކަށް މަދުން ލިބޭނޭގޮތަށް ހިމަނައިގެން ބައިކުރުން
ނީސްތާށި
ނ ބޭނުންވީ ކަމެއް ފުދުން ލަސްވެގެން އަވަސް އަރައިގެން އުޅޭ އުޅުން
ނީސްތާއްޓަށްއެރުން
މ ބޭނުންވީ ކަމެއް ލަސްވެގެން އެކަމާ ހެދި މާބޮޑަށް ނުތަނަވަސް ވެގެން އުޅުން