radheef.info
ރަދީފު


ވާލު
ނ (1) ދޭއްޗެއް ނުވަތަ އެއްޗެހިތަކެއް އެއްކުރުމަށް ނުވަތަ ފޭވެގެން ދިޔަނުދިނުމަށް ލަކުޑިން އަޅާ ހުރަސް (2) މަލަރުކޮށްއަޅާ އޮބި މިބަހަށް ވާލިވެސްކިޔައެވެ
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
ވަށްލަނޑަށްއެއްލުން
މ ފަސްއޮށްކުޅޭއިރު އަތްތިލައިގެ ތެރޭ އޮށްބައި ރުވާލުމަށްފަހު ފަސްގަނޑުމަތީ ވަށްކޮށް އެތުރިގެންދާގޮތަށް އެއްލާ އެއްލުމެއް
ވަޅުގާ އޮންނަބޮއް ބޯވަރެއް ނޭގޭނެ
)މުސްކުޅިބަހެއް( ހިސާބު ނުބެލޭގޮތަކަށް އޮންނަ މުދާގަނޑެއް ޙަވާލުވެފައިވާ މީހާ އެމުދަލުން ބޭނުންކުރާވަރެއް ނޭގޭނެއެވެ
ވަކީލުކުރުން
މ ހުރިހާ ޙާލަތެއްގައި ހުރިހައިކަމެއް ﷲ ސުބުޙާނަހޫ ވަތަޢާލާއާ ހިތުގެ އަޑިން ޙަވާލުކުރުން
ވައްއެޅުން
މ އޮޑިދޯނިފަހަރު ބަނުމުގައި އޭގެ މަޑޫތައް ގަދައަށް އެއްކޮށް ހިފިހުރުމަށް އެތެރެ ވަތުން އަޅާ އެތަކެއް ވާލު އެޅުން
ވަލީދިނުން
މ ޝަރުޢީގޮތުން ވަލީވެރިޔާއަށް ލިބިފައިވާ ބާރުގެ މަތީން އަންހެނެއްގެ ކާވެނިކޮށް ދިނުން ކާވެނިކޮށް ދިނުމުގެ ހުއްދަ ލިބިފައިވާ މީހަކާ ހަވާލު ކުރުން
ވަގުހެދުން
މ (1) މަކަރުހެދުން (2) ހީލަތްހެދުން (3) ކަމެއް ވަންހަނާ ކޮށް އޮޅުވާލުން
ވަގުރުކު އެޅުން
މ މީހެއްގެ މިލްކުގައި ނުވަތަ ޙަވާލުގައިވާ ރުކަކުން އެރުކުގެ ވެރިފަރާތުގެ ހުއްދަނެތި ތަކެތި އެޅުން
ވަގުއެރުން
މ (1) މީހެއްގެ ޙަވާލުގައިވާ ފަޅުރަށެއް ނުވަތަ ހިންނައެއް ފަދަ ތަނަކަށް ސިއްރުން ދިއުން (2) މީހެއްގެ ޙަވާލުގައިވާ ފަޅުރަށެއް ނުވަތަ ހިންނައެއް ފަދަ ތަނަކަށް ސިއްރުން ގޮސް ތަކެތީގެ ބޭނުން ކުރުން
ވަގުއެޅުން
މ )ހ ޅ ( މީހެއްގެ މިލްކުގައި ނުވަތަ ޙަވާލުގައިވާ ރުއްގަހުން އޭގެވެރިފަރާތުގެ ހުއްދަނެތި ތަކެތި އެޅުން
ވަގުއެއްޗިހި
ނ (1) ވަގަށް ނަގާފައިވާ ތަކެތި (2) ސިއްރުން ހޯދައިފައިވާ ތަކެތި (3) އޮޅުނޫން ޖަނަވާރު (4) އޮޅުވާލުމުގެ ބޭނުމުގައި އަސްލާ އެއްފަދަ ގޮތަކަށް ހަދާފައިވާ ތަކެތި
ވަގުފޮރުވުން
މ ކޮށްނިމިފައިވާ ކަމެއްގެ އައިބު ފިލުވާލުން މިސާލު: ދަވާދުލުމަށްފަހު ރަނގަޅަށް ދަވާދުނުލެވި ހުރިތަންތަން އަލުން ރަގަޅުކޮށްލުން
ވާހަކައޮއްބުން
މ ދެކެވެމުންދާ ވާހަކައެއް ހުއްޓުވާލުމަށްޓަކައި އެހެން ވާހަކައެއް ފެށުން
ވާރާދިއުން
މ (1) ވާރުވެރިޔާ ވާރާ ޙަވާލުވެގެން އަތޮޅަށްގޮސް ވާރުފަތްކޮޅު ކިޔައި ދިނުމަށް ރަށްރަށަށް ދިއުން (2) ވާރުވެރިކަމާ ޙަވާލުވެގެން ދިއުން
ވާރުވެރިޔާ
ނ ވާރާއި ޙަވާލުވެގެންވާ މީހާ ވާރުނެގި ޒަމާނުގައި އެއީ އަތޮޅުވެރިންނެވެ
ވާބޯމަޑި
ނ މޫދުގައި އުޅޭ މަޑީގެ ބާވަތެއް މި ހުންނާނީ ވާލުގެ ސިފަޔާ ގާތް ސިފައަކަށެވެ
ވާދޫ ކަނޑަށް ގަހާތަރި އޮއްސުން
މ މަޖާޒު: އިތުބާރު ނުކުރެވޭ މީހަކާ އެއްޗެއް ޙަވާލުކުރުމުން އެއެއްޗެއް ގެއްލިދާނެކަން އަންގައިދިނުމުގެ ގޮތުން ބުނެ އުޅޭ ބުނުމެއް
ވިދާޅުބަސްބޯމަތި
އ )ބދ ( ރަސްކަލަކު އެންގެވި ކަމަކާ ޙަވާލުވުމަށް އިހުގައި ބުނެއުޅުނު ބަހެއް
ވިލަރެސްވެރިޔާ
ނ ކަމެއް އިންތިޒާމު ކުރުމުގައި ކަންތައްތައް ގެންދިއުމުގެ މަސްއޫލިއްޔަތު ޙަވާލުވެފައިވާ މީހާ
މަރުއެތިފަހަރު
ނ (1) ހަނގުރާމައިގައި އަނެކާއަށް ރެކި ނުގަނެވޭގޮތަށް ޖަހާ އެތިފަހަރު މަޖާޒު: (2) ފުރާނަ ދާފަދަ ކުއްލި ޙާދިޘާއެއް (3) މީހެއްގެ ދުވަސްދުއްވާލުމަށް ރާވާރޭވުން