radheef.info
ރަދީފު


ވަސް
ނ (1) ނޭފަތުން ކުރެވޭ އިޙުސާސް. މިސާލު: މީރުވަސް ނުބައިވަސް (2) ދެފުރާޅަށް ހިޔާކުރާ ތަންތާގެ މަތިވަޑާން ގަނޑުގެ މެދުގައި ކޮޅަށް ޖަހާފައި ހުންނަ ތޮނަތަކުގެ މަތީގައި އޮންނަ ވަކަރު (3) އުދޯލިފަދަ އެއްޗިހި އެލުވާފައި އޮންނަ ހުރަސް
ނަކަތްރާހި
ނ ނަކަތާއި ރާހީން ވީދުވަސް ބަލާން ޖަހާ ހިސާބު
ނަކަތްރާހިޖެހުން
މ ނަކަތާއި ރާހީން ވީދުވަސްބަލާން ހިސާބުޖެހުން
ނައްދު
ނ ބޮކަރުދުންދަނޑި ބޮަކަރާއި މާވަހަރާއި ގޮމަކަސްތޫރި ފަދަ ތަކެތި އެއްކޮށްގެން ހަދާ މީރުވަސްދުވާ ދުމެއް ނުވަތަ ދުންދަނޑިއެއް
ނާށިފަތި
ނ ކުރީޒަމާނުގައި އެދުރުގެއަށް ކިޔަވަން ދާކުދިން ކިޔަވަން ނުދާތާ ދުވަސްވުމުން އެކުދިން ގެނެސްގެން އެކުއްޖާގެ އުނަގަނޑުގައި ވާގަނޑެއްޖަހައިގެން ބަންޖެއްކިޔަމުން ކުދިވެރިން ދަމާއިރު ކަރުގައި އަޅަން ލޯނާށިން އަމުނައިފައި އޮންނަ ނާށިފަތި
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާރޯޒު
ނ (1) ފާރިސީންގެ ޤައުމީ ޢީދުދުވަސް (2) އިރުގެ ދައުރުކުރުމުގެ ގޮތުން ބަލާއިރު އަހަރު ފެށޭ ދުވަސް
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިއަނދުރުލޭ
ނ ބައްޔެއްގެ ސަބަބުން ދުވަސް ދުވަހުން ނޭފަތުން އަންނަލޭ
ނިތްތެޅުން
މ މަޖާޒު: ފަރުވާކުޑަކޮށް އަވަސް އަވަހަށް ނަމާދުކޮށްލުން
ނިޔަނދުރުލޭ
ނ ބައެއް މިހުންގެ ނޭފަތުން ދުވަސްދުވަހުން އަންނަލެޔެއް މިލެޔަށް މިނަންކިޔުނީ ނިޔަނދުރު ފަތް ފިސްކޮށްފައި ވަސްގަތީމާ ލޭ މަނާވާތީއެވެ
ނިޔާކުރައްވާދުވަސް
ނ ޤިޔާމަތްދުވަސް
ނީވާބަތް
ނ އިނގިއްޔެއްގެ ފަލަމިނުގައި ފޯލިކޮށް ވަށައި ކެޔޮފަތަށް ލައިފައި ހުންނަ ބޮނޑިބަތެއް މިއީ އިހުގައި ބޯފޮޅި ދުވަސް ދުވަހު ބޯފޮޅިޔާއެކު ގަނޑުވަރު ތެރެއިން މިސްކިތަށް ގެންދާބަތެކެވެ
ނީސްތާށި
ނ ބޭނުންވީ ކަމެއް ފުދުން ލަސްވެގެން އަވަސް އަރައިގެން އުޅޭ އުޅުން
ނީސްތާއްޓަށްއެރުން
މ ބޭނުންވީ ކަމެއް ލަސްވެގެން އެކަމާ ހެދި މާބޮޑަށް ނުތަނަވަސް ވެގެން އުޅުން
ނުބައިވަސް
ނ (1) ހިތްހަމަނުޖެހޭ ނުރުހޭވަސް (2) ކުނިވަސް
ނުވަރޭފެނުން ކެނޑުން
މ ވިހާތާ ނުވަދުވަސްވުން
ނުވަރޭފެނުތެރޭ ކުދިން
ނ ވިހާތާ ނުވަދުވަސްނުވާ ކުދިން
ނުވަރޭފެން
ނ ވިހާތާ ނުވަދުވަސްވުމުގެ ކުރިން މިހެން ކިއުނުގޮތަކީ އިހުގައި މީހަކު ވިހައިފިނަމަ ނުވަދުވަސް ވާދެން ދުވާލަކު ތިންފަހަރު ނުވަތަ ފަސްފަހަރު އެމީހާ ފެންވަރުވާތީއެވެ މިފެންވަރުވާނީ ހޫނު ފެނުންނެވެ
ނުމޫސުން
ނ އެކަމެއްގެ މޫސުންނޫން ދުވަސްވަރު