radheef.info
ރަދީފު


ވައިލުން
މ މަޢިދާގައި ހެދޭވައި އަނގައިން ބޭރުކުރުން ގިނަ ފަހަރަށް މިވައި ނުކުންނަނީ އަޑަކާވެސް އެކުގައެވެ
ތޫނުކުރުން
މ (1) ކޮށިކަން ކަނޑުވައިލުން (2) އޫކުރުން
ތޮރުފައިލުން
މ (1) އެއްޗެއްގައި ލޯވަޅެއް އަޅައިލުން (2) އެއްޗެއްފޫދުއްވައިލުން
ލަނޑުކެނޑުން
މ މަޖާޒު: ކުރަންޖެހޭ ކަމެއް ކުރުމުގައި ކަމަށްކަމޭ ނުހިތައި އެކަމުގައި ވަގުތުތައް ދުއްވައިލުން
ލަކުނު ކެހުން
މ ލޮލުގައި ހުންނަ ލަކުނެއް ނުވަތަ މަސްކޮޅެއް ބޭހެއްޖަހައިގެން ފިލުވައިލުން
ލަވައެކުލަވައިލުން
މ (1) ކުދިކުދި އަޑުތަކެއް އެކުލަވައިލުން މިސާލު: ކޮތަރު ތަކަކާއި ކުކުޅުތަކެއްފަދަ އެއްޗެތި ތަކަކަށް ކާންއެޅީމާ އެތަކެތި ކާން ތުންތަޅާއަޑު އެއް އަޑަކަށްވުން (2) ބަޔަކުމީހުން އޮލަވާހަކަތަކެއް ދައްކާދެއްކުމުގެ އަޑު އެއް އަޑަކަށްވުން
ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ލޭއަރުވައިލުން
މ ޖެހިޖެހީނުން ލޮލުން ލޭނާރު ހިލުވައިލުން
ލޭމަނާކުރުން
މ (1) ލޭ އަންނަ ތަނަކުން ލޭ އައުން ހުއްޓުވައިލުން (2) ލޭ ބަންދުކުރުން
ލޭދެއްކުން
މ ކިޔެވެލި ނިންމާރޭ ދިރޭ އެއްޗަކުން ކަނޑަށް ލޭ އޮހޮރުވައިލުން
ލޯދިލުވުން
މ ލޯހުޅުވައިލުން
ގަޅުވައިލުން
މ (1) ގަންނަވައިލުން (2) ކޮއްޕައިލުން
ގިއްގަޅުވައިލުން
މ (1) މީހަކުވެއްޓި އިނދަ ޖެހޭގޮތަށް ގަންނަވައިލުން މަޖާޒު: (2) ތިމާގެ ބާރުން އަނެކެއްގެ އަގުވެއްޓައިލުން ނުވަތަ މަޤާމް ދަށްކޮށްލުން (3) ވާހަކަދައްކައިގެން ނުވަތަ ޒުވާބުކޮށްގެން ދެރަކޮށްލުން
ގުންދައިލުން
މ ދިރުވައިލުން މިއީ ދަށްބަހުރުވައިގައި ބޭނުންކުރާ ގޮތެކެވެ
ގުރާބުފުރުވުން
މ ކިޔެވެލި ކިޔަވައިފައި މާދައްކަންވީމާ ކުޑަކުޑަދޯންޏަކަށް މާއަޅައިގެންގޮސް މޫދުގައި ބަހައްޓައި ފުރުވައިލުން
ގުޑުވައިލުން
މ (1) ހަލުވައިލުން (2) ތަޅުވައިލުން
ގެއަށްފޮނުވައިލުން
މ މަޖާޒު: (1) އަނބިމީހާދެކެ ކަމަކާ ރުޅިއައިސްގެން ވަރިނުކޮށް ފިރިމީހާގެ ގެއިންނެރެ އަނބިމީހާ މައިންބަފައިންގެ ގާތަށް ފޮނުވައިލުން (2) ގޭގައި ބެހެއްޓުން
ގެއިންބޭރަށްލުން
މ ގެއިންނެރެ ފޮނުވައިލުން
ގޮންދައިލުން
މ (1) ހުތުރުބަހުން ކެއުން މިބަހަށް ކިޔާ ގޮތް (2) )ހ ( ގޮށުވައިލުން
ގޮއްވައިލުން
މ (1) އަނގައިން ފުމުމުން ނުވަތަ އެހެންވެސް ވަސީލަތަކުން އަޑުއުފެދޭ އެއްޗަކުން އަޑެއްނެރުން މިސާލު: ކަށިގަނޑު ގޮއްވައިލުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަންތަނާއި އެއްޗެހި ފުނޑު ފުނޑު ކޮށްލުން (4) )ޏ ( ރޮއްވައިލުން
ގޮއްވުން
މ (1) ފުމެގެން ނުވަތަ ވައިހިންގައިގެން އަޑުނެރޭ އެއްޗަކުން އަޑު ނެރުން މިސާލު: ބަރުގޮނު ގޮއްވުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަނެއް ނުވަތަ އެއްޗެއް ފުނޑު ފުނޑުކޮށްލުން (4) މަޖާޒު: މަލާމާތް ކުރުން (5) )ޏ ( ރޮއްވުން